2 Samuele 5:11 - Ma Jou ai Demo-demo o Totobelohoka

¹¹ De ma oraha o Dautu wodadioka o koano de ahao o Tirusu ma nyawa manga koano o Hurama una wahidingoto ai nyawa yamuruono naga o Dautika. De nagali o Hurama ai nyawa abe yososawaro ihigoko o tau wahidingoto unangika. Abe naga utu yososawaro yopelaka o gota, de utuoli yososawaro yokarajaanga de o papaawa o hakaruoka. De wohidingotoo o semara ma gota ma ago-agomo de ma gogurutiye abe atolangoka. Ho ona mata-mata abe wahidingoto o Dautika ona yomahikarajaanga moi la ihigoko o Dautu ai tau moi duru ma rorahai.

2 Samuele 5:11 ပူးပေါင်းရင်းမြစ်များ

2 Samuele 5:12

De manga datoro gea o Dautu wamake de ahao duru wohioriki abe Ma Jou o Yawe wihitaana abe wagou-goungu wodadi o Isiraele ma nyawa manga koano. De wohiorikoo abe Ma Jou duru wihiowa unangika la ka idadi o Isiraele ma nyawa gea manga wowango utuohi ma rahai.

2 Samuele 7:1

De Ma Jou o Yawe ka ihikaika o Dautu widatoko o kangela manga musu mata-mataino ho wososanangi dika o koano ma tauoka abe duru ma rorahai genangoka wogogere.

2 Samuele 7:2

De o wange moiuku Ma Jou ai uru ma dodofanga o Natana una naga o Dautu ai datekoka de o Dautu witemo o Natanika, wato, “Abeika, ngohi naa togogere o tau duru ma rorahaioka naa. De ahi tau yodiai o gota o semaraino abe ka enangohi duru iumuru de duru irahai masara abe Ma Jou o Yawe ai Behehongo ma Peti, ena ka igogerohi o tau ma goronaka abe ka o ngoerino dika.” Hokogea o Dautu ai hininga womahingahu.

1 Kokoano 5:15

De nagali o nyawa yasana moritufange abe o Saloomo wahitagongo la o hakaru yopawa o loku-lokuoka de ma hakaru gea ahao yapake la ihigoko Ma Jou ai Tau. De naga o nyawa utu yasana moritumidi abe yatobatotaka ma hakaru gea de o kiahonanga utuoli o Yerusaleeme ma kotaino.

1 Kokoano 5:18

De hokogea o Saloomo ai nyawa de o Hurama ai nyawa de nagali o nyawa utu abe o Gebala ma kota ma nyawa, ona mata-mata yomakutuono yokarajaanga la ihidiai ma hakaru de ma gota la ka idadi genangino ihigoko Ma Jou o Yawe ai Tau gea.

Esara 3:7

De o Isiraele ma nyawa yomahidiaioka yomulaenge Ma Jou ai Tau ihigoko ma hungi ho yahidoaka o hewa ma tiwi onangika abe yososawaro o gotaino o tau yodiai, de o hewa ma tiwi yahidoakoo onangika abe yososawaro o dadaduhu ma hakaru ihidemehele itiai. De ona yoperelu abe o gota o semara ho yomagahoko o duduhunu o Sidono de o Tirusu ma nyawaino. De ona ka idadi yaduhunu abe naga manga kapa la ka idadi o semara ma gota gea yale o Libanono ma tonakino de yao o Isiraele ma tonakika de manga kapa gea. De o Sidono de o Tirusu ma nyawa manga duduhunu gea yabalaha abe de manga inomo, de manga akere, de manga minya yahidailako. De mata-mata gea o koano o Korese wohiaturu ka hiadono ma gota gea yao o Isiraele ma nyawa manga kota o Yopaika abe naga o gahi ma ngigoroka.