2 Samuele 3:25 - Ma Jou ai Demo-demo o Totobelohoka

²⁵ Ngona nihiorikoka to una gea ai hininga, abe maraioka una woboaino la ka idadi wonibudi de watotailako ani datoro de ani hidee mata-mata!”

2 Samuele 3:25 ပူးပေါင်းရင်းမြစ်များ

Dodadi 42:12

Masara o Yusupu ka wotemohi wato, “Koua, ngini marai naa niboaino la niatailako mia tonaka nenangoka, la nihioriki o kiaka mia buturungu de o kiaka mia mobole genangoka abe ko iwa ma gogoana.” Hokogea wahigali-galioli wotemo ai ria-riakika.

Dodadi 42:16

Ho ti ngini nia dodoto gea kiani niwileohi ma, nginioka womatengo dika woiki wile nia dodoto ma baha gea. De nako ngini utu kiani tinibuiokahi ka hiadono yoboali yahinooto gea nia ria-dodoto. Hokogea tinitailako nia demo nako igoungu eko koua. Ma, nako igoungu nihieluku, genangoka de ahao duru tohioriki abe ngini o nyawa manga huhulokino dika. De gea ngohi duru totemo tagoungu imaketero tagoungu tato o Firaunu ka wowangohi.” Hokogea o Yusupu wahingahu onangika.

Dodadi 42:9

De ahao o Yusupu womahohininga una de ona ma titi ai buluharoka abe ma dodihiraino gea. De watemo onangika wato, “Ngini naa marai o nyawa abe nia hidee la niato nimingino ho marai naga inihuloko la niboaino mia tonaka naa niatailako la nihioriki o kiaka ko iwa ma gogoana!” Hokogea o Yusupu ka wahiree-reeika ai ria-riakika.

2 Samuele 10:3

de naga o Amono manga hihira utu abe yoboa manga koano ai himangoka de iwitemo unangika ato, “Ngaro ufa dika ngone hingaku to Dautu ai hininga ma dumutu! Abe ngaro wahidingoto ai nyawa la ato bari ai hininga ma huha inidofanga ngonaika masara gea una duru wonieluku! De maraioka to una ai hininga ma gou-goungu la ai nyawa inatotailako nanga kota naa, de ahao o wange moiuku de ona yoboa de inabaata la inahikala ngone naa!”

2 Samuele 3:24

Ma hingahu gea o Yoaba woihene ipaha de ahao una woiki ma koanoika de witemo unangika wato, “Naa done sarakia ani hininga? Angamoi toihene bari o Abanera woboa wonitutumu masara ngona nihigunoa dika la wosobo! Ho done ma titi o kia ani datoro hokogea?

2 Samuele 3:26

De wotemo ipahaino de winoaika o Dautu de ahao o Yoaba wahidingoto ai nyawa yamuruono naga la iwihidoduruika o Abaneraika hiadono iwidaene de iwihigilio o Heboronino. Masara o Dautu ko wihiorikua o Yoaba ai datoro gea. De ipahaino de ona iwimake o Abanera o Sira ma humuoka de iwingotaka iwihigilio o Heboronino.

2 Samuele 3:27

Ho ka de yomahiadono de o Yoaba wihidohikika o Abanera ma kapongo ma ngorana ma datekika, abe bari ai hininga la wihingahu o demo moi unangika. Masara genangoka ka itodokanino de witopoko o Abanera ai pokoroko hiadono wihohonenge. De hokogea o Yoaba wihibalaha ai dodoto o Asaele abe ma dihiraino de o Abanera wihohonengoka.

Higiriiri 121:8

Ho Una Ma Jou o Yawe ahao winigoana nia wowango ma dodagioka mata-mataika, abe ngaro ma oraha naa de ka hiado-adonika!

Gegetongo 27:17

Ona yoperelu manga hihira hoka o domba ma gogoana abe wakunu wahihira la ngaro o kiaika dika yoiki ma ka idadi wahigilioli manga ngiino. De una wahimagaweoo onangika ma oraha nenangoka yosobo la wao wahingohama ani behehongo ma tonakika gea. Ufa hiadono to Ngona Ma Jou o Yawe ani nyawa yaika yaino hoka o domba ma duduono abe ko iwa ma gogoana.” Hokogea o Musa ai dora itagi ai nyawaika.

Yohanese 7:12

De o nyawa manga ngoe ihikokaika yomatoo-toomuino manga rame-rameoka gea. De onangoo yomakoketemo ma titi o Yesusu ma ka yomakokuhudu dika de utu naga ato, “Una o nyawa ma owa.” Masara utu ato, “Koua, Una gea duru o nyawa watobabudi la woigo wahirehene.”

Yohanese 7:47

De o Farisi ma nyawa gea yataeroli Ma Jou ai Tau ma gogoanika gea ato, “Adoo, nginioo winibudioka ka hiadono winihirehenoka!

Roma 2:1

De marai naga nginioka utu abe nitemo niato, “Igoungu, nako o nyawa manga wowango hokogea itorou, gea itiai abe nako Ma Jou wahohowono onangika gea.” De nako hokogea ti ngini nia demo, ka idadi ngohi tinipaluhu nginika hokonaa la nimafikirohi. De gea ngohi tato nako hiadono ngini ma hirete niatailako o nyawa utu manga wowango de nimaputuhu niato koaho ona gea Ma Jou ai hohowono yadaene onanguku, de duru genangoka de duru nimahidumutu de nimahohowono ngini ma hirete, angamoi tanu ti nginioo nia datoro ma dorou utu imakiniiki abe hoka to onangoli. Ho done sarakia ngini nioigo niahohowono o nyawa utuika ma nako ngini ma hirete gea niato nia howono ko iwa? De gea ngini ko idadiua nimahipongono ma titi ti ngini nia howo-howono.