2 Samuele 3:20 - Ma Jou ai Demo-demo o Totobelohoka

²⁰ De ipahaino abe ma oraha o Abanera de ai nyawa yamonaoko yoboa o Heboronino, o Dautu wohidiai o rame-rame ma amoko la ona ka idadi yomakutuono yolomo ma ngolo-ngolomo gea.

2 Samuele 3:20 ပူးပေါင်းရင်းမြစ်များ

Dodadi 26:30

Ho o Isaka wahidiai o inomo kohaamoko la yomahidiai abe ahao yomahiketehibehehongo ho yolomo de yokere yomakutuono la ihitunguu ko yomaketehininga-kurangokaua.

Dodadi 31:54

Hokogea yomahiketehibehehongoka ibooto de ahao o Yakubu ai huhuba womahihuba Ma Jouika o lokuoka gea de ahao manga nyawa mata-mata wakokiahokino wato, “Naa kiani ngone mata-mata holomo horame-rame.” Ho ona yolomo yorame-rame de o futu gea yomaidu o loku-lokuoka gea.

2 Samuele 3:19

De ona yomakoketemo ipahaino de ahao o Abanera woiki o Benyamini ma nyawaika la onangoo wahigaro ma titi o Dautu. De ipahaino ahao una woiki o Heboronika de wihingahu o Dautu ma titi o Isiraele ma nyawa de o Benyamini ma nyawa ona mata-mata yomahininga moi abe yosanangi yomahikoano o Dautika.

2 Samuele 3:21

De gea o Abanera witemo o Dautika wato, “Nako ngona nosanangi, ngohi ka idadi toiki de taahoko o Isiraele ma nyawa mata-mata la yokokiboa yomatoomuino ngonaka de iwigoraka la yomahikoano ngonaika. De gea ka idadi ona mata-mata yomahibehehongo la yodadi ani kokawaaha de ininii-niiki ngonaika. De ahao ngona ka idadi nahipareta mata-mata imaketero hoka ani hininga ma mau.” De o Dautu wosanangi ai demoika ho wihidingoto o Abanera la ka idadi wakokiahoko o Isiraele ma nyawa mata-mataika. De gea o Dautu wisanangi dika o Abaneraika ma oraha una wosobo.

1 Samuele 25:36

Ho yomakoketemo ipahaino de muna molio ami tauika. De momahiadono de mamake abe ami rokata wodiai o rame-rame ma amoko manga tauoka, de gea duru wohirame-rame imaketero hoka una o koano ma nyawa. De una duru wososanangi de duru iwidalukoka. Ho ma futu gea de ngoi fekata ko kia-kiaua moade-ade unangika.