2 Samuele 23:1 - Ma Jou ai Demo-demo o Totobelohoka

¹ De naa adonoka abe o Dautu, o Isai ai ngofaka, una iwiperekioka. De o Dautu ai wowango ma goronaka Ma Jou wigorakiye abe hiadono ka unangohi wokokurutiye o duniaka. Ma Jou, abe ma dodihiraka o Yakubu womahijou Unangika, Una gea abe wiiriki o Dautu la wahikoano o Yakubu ai totoforauku. De una wososawaro wonyanyi de wodiai o nyanyianga duru ihohailoa ma ngoe abe yahiutumu de yahisanangi o Isiraele ma nyawaika. De hokonaa o Dautu ai behehongo ma demo ma baha:

2 Samuele 23:1 ပူးပေါင်းရင်းမြစ်များ

Dodadi 49:1

De o Yakubu wabehehongo ai ngofa-ngofakika la ai tauino yokokiboa ho gea yoboaka de woigo la yomahitigi-tigino wato, “Ahi ngofa-ngofaka niaino nihihigororomino la ka idadi tinihingahuohi abe ahao hokokia idadi ngini homoi-homoiika abe ma oraha nia totoforauku ahao yolape-lapeuku.”

2 Samuele 22:34

De Ngona nohihiakunu la ma oraha o loku ma geleforiye todoaiye de ufa ahi lou ihooro de ihiotaka ma geleforuku.

2 Samuele 22:51

Angamoi Ngona nohigoraka ngohi naa la todadi o koano, de ipahaino nahiaturu la duru tolaku-laku de ka idadi tahikala ahi musuika. Abe ma dihiraino de nohiiriki ngohi la tonileleani Ngonaika, de to Ngona ani dora nomihimatoko ngohi de ahi dutu mata-mataino, ngaro ma oraha naa de ka hiado-adonika! Ho gea ma titi hiadono ngohi duru tonihigogiriiri Ngonaiye!”

Higiriiri 2:6

De Ma Jou o Yawe wahingahu-ngahu wato, “Naga womatengo o koano, Una ma koano abe tomahitongohioka, de Una naga o Yerusaleemoka, Ngohi tihigogere ahi loku ma debi-debinoka gea.” Hokogea Ma Jou womaputuhu de wahingahuoka.

Lukasa 20:42

Ma nako hoka Una o nyawa biaha dika, gea done sarakia hiadono o Dautu ma dodihiraino de wihiromanga nanga Koanoika gea wato ‘Ahi Baluhu’? Angamoi gea igoungu abe o Dautu una ma hirete ma dodihiraino de wohitulihuku ai demo o Higiriiri ma Nyanyianga ma bukuoka gea abe wotulihi wato, ‘Ma Jou wotemo ahi Baluhu idodutuika wato, “Naino nogogere ahi nirakoka la Ngone hohikoano mata-mataika

Lukasa 24:44

De ahao wotemo wato, “Naa abe idadioka Ngohino duru imaketero dika hoka tinihingahuoka ma dihiraino abe ngone ka homakiniikohi de totobadotoko. Abe ma dihiraino gea tato mata-mata abe ma dekanoka de ihitulihukuoka ma titi Ngohi, gea mata-mata kiani idadi Ngohino. Abe ngaro o Musa ai Paretaka ma demo abe ihidumutu Ngohino, de abe Ma Jou ai uru ma dodofanga manga demoka, de abe ma demo utuino hohiromanga o Higiriiri ma Nyanyianga ma bukuoka de ihidumutu Ngohino, gea ma dihiraino de tinihingahuoka abe ma demo gea mata-mata kiani ihingodumu ahi wowangoino. De ma oraha naa ka idadi nihioriki abe ma demo gea mata-mata ihingodumoka Ngohioka.”

Higalioli 33:1

Masara ko wopahauahi de Ma Jou ai uru ma dodofanga o Musa wahiowa o Isiraele ma nyawaika. De hokonaa to una ai hiowa ma demo onangika, wato,

Kolose 3:16

De kiani nimahigunoa la o Kristusu ai demo-demo imanoa nia kokihiningaka hiadono duru niongano-nganono ai demo gea. Abe kiani niapake nia tobahioriki ma gahumu ai demoino gea ma oraha nimakodotoko de ma oraha nimahiketehitiari. De abe ma oraha niapake o Higiriiri ma Nyanyianga ma buku abe ma dihira ihitulihukuoka, de o nyanyianga utuoli naga abe niwihigiriiri Ma Jou, gea mata-mata ka idadi ninyanyi la nimahiketehipoputurungu nia ngongakuoka. De abe ninyanyi, gea niwihigiriiri de nia hininga ma tarimakase Unangika.

Yakobusu 5:13

De nako naga nginioka abe o kangela niaohana, gea ngini ka idadi nimagahoko Ma Jouino ai duduhunu. De nako nginioka naga utu abe nisosanangi dika koaho ngini ninyanyi la niwihigiriiri Unangika.

1 Samuele 17:12

De o Dautu abe o Isai ai ngofaka, abe o Efaraata ma doomuino, una o Beteleheeme ma nyawa abe o Yehuda ma dutuino. De o Isai gea ai ngofaka o nau-nauru yatufange de ma oraha o Saulu wodadi o Isiraele ma nyawa manga koano de o Isai duru iwiperekioka.

1 Samuele 18:7

“O Saulu wahohonenge nanga musu yasana, Masara o Dautu wahohonenge nanga musu yasana ngimoi yofoloi.” Hokogea o Saulu ka ihikaika woihene manga ngekomoka ma oraha yolio.

1 Samuele 2:10

Ona abe iwilawana Ma Jou o Yawe Wokokurutiye ahao wahibinaaha, De Una ahao walawana onangika de o kokuruuhu ma amokiye. De o dunia ma nyawa mata-mataika ahao Ma Jou o Yawe watailako, De Una de ai kuaha ahao wahohowono ona abe iwilawana. Naga womatengo abe ahao duru womadingaka Unangika, De Ma Jou wihidadi ai koano de ai dodunguu abe womadingakoka, De ai koano gea ai buturungu Ma Jou wahimatoko o nyawa mata-mataika, Hiadono ona iwihikurutiye de o lolaku ma higiriiri.” Hokogea o ngo Hana ami niniata ma demo abe idadi ami higiriiri Ma Jou o Yaweiye.