2 Samuele 22:4 - Ma Jou ai Demo-demo o Totobelohoka

⁴ Ho ngohi tomagahoko o duduhunu ahi Jou o Yaweiye, de Una wohiduhunu ho wohigoraka ahi musu manga hidee ma dorouoka de taino. Ho duru itaana abe ngone hihigiriiri Unangiye!

2 Samuele 22:4 ပူးပေါင်းရင်းမြစ်များ

2 Tawari 20:22

Ka de ona yomulaenge yonyanyi hokogea de Ma Jou o Yawe womulaenge womahisapuru manga musu manga hidogoronaka abe ona yangika o Yehuda ma nyawaika la yaparangi. Ka de Ma Jou womahisapuru de manga tentara abe o Amono ma nyawa, de o Moaba ma nyawa, de o nau-nauru gea abe o Seiri ma lokuino, ona mata-mata ka yomahikokoona dika de yomulaenge yomaketegogataheke. De gea hiadono yomaketebaatika de yomakotoma yomahikokoona.

Higiriiri 106:2

De ko moiua ngoneoka hakunu hohitulihuku mata-mata wodiai de ai buturungu. Angamoi Ma Jou o Yawe kohangoe wodiai abe duru ma rorahai, De hiadono nanga higiriiri Unangiye ko yadonikaua angamoi kohangoeholi wodiai.

Higiriiri 18:3

Ho ngohi ma oraha ahi bodito taohana de taamo-amokiye o duduhunu tomagahoko Ngona o Yaweika, angamoi ka Ngona dika abe itiai nodafongo o higiriiri ngomi o nyawaino. De gea tomagahoko ipahaino de ahao nohiduhunu la ahi musu ko idadiuali ihihibodito.

Higiriiri 34:6

Ngohi naa o nauru abe ihitapalu de ahi kangela abe ko itoa-toakua, De ahi hawana ma goronaka de tomagahoko Ma Jou o Yaweiye, De Una wohigihene de ahi hawana waofioka ahi hiningaka.

Higiriiri 55:16

Ngaro ngohi ahi hininga duru de ma huha ma dubuho, De masara tomagahoko Ma Jouika ma oraha ahi musu manga hidee la ihihibodito, De ngohi duru tohioriki Ma Jou o Yawe ahao wohihihupu o boditoino.

Roma 10:13

De ahi demoino gea de duru imakiniiki de Ma Jou ai Demo-demoka moi abe ma dodihiraino ihitulihukuoka ato, “Onagona dika abe yomagahoko o duduhunu nanga Baluhu idodutuika, ona gea ahao waduhunu manga hohowonoka de aino.” Hokogea ai demo abe ma dodihiraino ihitulihukuoka.

Himatoko 4:11

“Nanga Baluhu de nanga Jou. Nako hoka ngomi miahigiriiri o jou utuika eko o kia dika naga utuika, gea ngomi duru ko miataanua. Ngomi minihigiriiri Ngonaika angamoi Ngona dika Jou mata-mataika notulaada! De minihigiriiri abe ma titi ani mauino dika la gea notulaada de hiadono ani dulaada mata-mataika naga idadi. Ho gea ngomi kiani minihigiriiri Ngonaika! Mia horomati minihidoaka kiani Ngonaika! Ma titi ani kuahaino ho to Ngona ani romanga kiani mihilamoko! Nako Ngonaika dika minihigiriiri, gea ngomi duru miataana abe mia higiriiri ma hidumutu Ngonaika.” Hokogea ma dimono yamonaoko de yaiata manga higiriiri ma demo Unangika.

Himatoko 5:12

De ona gea manga ilingi duru yaamo-amokiye yonyanyi ato, “Hohigiriiri o Domba ma Ngofakika abe ma dihiraino ihihubaka! Duru itiai de itaana nako miahigiriiri de miahoromati enangika! Ena gea duru de ma kuahaka ma amoko de duru ko iwa ma kuranga enangoka! De duru isosawaroholi, de duru kohabuturungu! De duru itaana abe to ena ma romanga mihilamoko de miahigiriiri enangika.” De hokogea ma malaekata manga ngoe-ngoe gea manga higiriiri ma demo.