2 Samuele 22:38 - Ma Jou ai Demo-demo o Totobelohoka

³⁸ “Ngohi ka idadi taginiiki ahi musu de tahikala onangika, de duru ko tomatogumua hiadono ona yobinaahaka.

2 Samuele 22:38 ပူးပေါင်းရင်းမြစ်များ

2 Samuele 10:14

De ahao o Amono ma nyawa ka de yamake manga dodiawo o Siria ma nyawa yoara dika de onangoli yomadohuku o Abisai de ai nyawaino la yowohamikali manga kota ma goronaika. De ipahaino de o Yoaba de ai tentara yadogunoaika dika manga kotaka de ka yolio o Yerusaleeme ma kotaika.

2 Samuele 22:39

Duru tahikala onangika hiadono ko yomomikokaua, abe ona gea yorubaka ahi louoka de ko yakunokaua yomaokoino.

2 Samuele 7:9

Ho naa ma dekanino Ngohi naga de de ngona ho ngaro o kiaka dika naika masara Ngohi toniniiki la toniduhunu abe ani musu mata-mata tahikalaka. De naa Ngohi tonigorakiye ka hiadono ani romanga ahao o dunia ma amokika o nyawa inihioriki. De gea hiadono ani romanga o nyawa yafetongo de ihidotoomuino de o nyawa o duniaka abe to onangoo manga romanga yokokurutiye.

Huhupu 15:9

“De nanga musu yomagorakiye de manga sade ihidemo, Ona o Firaunu ai tentara ato, ‘Ngone naa kiani hakiniiki, Hakiniiki hiadono hadaene o Isiraele ma nyawa gea, De homagora manga kiahonanga de homahikokodoku, Nanga hafini ma hibalaha itagi hiadono inawedono. Nanga dopo-dopo ma harumino hahiatino la hatoma, De ona gea hakokipairi hiadono hahikokibinaahaka!’ Hokogea ona yomagorakiye ato inamamataka ngone naa.

Roma 8:37

De ngaro ngone haohana o kangela gea mata-mata nanga wowangoka, masara ena gea ko idadiua inahikala de ko idadiua inahikatingaka ngone o Kristusu ai doraka de aino. Abe ma titi ngone naa duru holaku-laku ma titi o Kristusu wonatobadora ngoneino.