2 Samuele 22:26 - Ma Jou ai Demo-demo o Totobelohoka

²⁶ De ahao o Dautu wohigila-gila ai higiriiri ma demo Ma Jouiye wato, “Iti o nyawa yatobaniiki ani mau de gea Ngona duru natobagou-goungu nao itiai onangika. De onangika abe manga datoro irahai de Ngona duru nao irahai onangika gea.

2 Samuele 22:26 ပူးပေါင်းရင်းမြစ်များ

2 Samuele 22:27

De ona abe manga hininga itebini, gea Ngonali nao de ani hininga ma debi-debinino. Masara o nyawa abe manga hininga ifuludioka, onangika gea Ngona nahibalaha abe nahililifanga manga hiningaika.

Matiusu 5:7

De abe o nyawa manga dora ma hiokoo itagi o nyawa utuika, onangoo gea yamake ma hiowa Ma Jouino abe to Unangoli ai dora ma hiokoo ahao itagi onangika.

Yakobusu 2:13

Angamoi nako o nyawa ko yapakeua manga hininga ma doraino ho gea ena ko itagiua o nyawa utuika, gea ahao nako ona manga baha adonoka de to Unangoo ai hininga ma dora ko wapakeua ma oraha waurusu onangika. Masara o nyawa onagona dika abe manga wowango ma goronaka de manga hininga ma dora itobatagi o nyawa utuika, ona gea yomahitaanoka abe yomahiketehiningamoioka ona de Ma Jou, ho ahao manga baha adonoka de ona duru yogarago angamoi genangoka de to Ma Jouoli ai hininga ma dora wapake ma oraha Una watailako manga wowangoika.