2 Samuele 22:22 - Ma Jou ai Demo-demo o Totobelohoka

²² Angamoi ngohi tatobaniiki to Una ai pareta ma demo, de Unangika ko tiporetua ho ma dorou dika toporete.

2 Samuele 22:22 ပူးပေါင်းရင်းမြစ်များ

1 Kokoano 9:4

De naa tonihibehehongo ngonaika tato ngona kiani ka ihikaika nohileleani Ngohino de ani hininga ma gahumu abe imaketero hoka ani baba o Dautu wohileleani. Abe to Ngohi ahi pareta de ahi huhuloko ma demo mata-mata kiani naga ani hingounu ma demoika gea la ka ihikaika natobaniiki enangika.

Higiriiri 18:1

O Dautu ai nyanyianga ma demo Ma Jouika hokonaa, wato, “Ahi Jou o Yawe, duru tonidora Ngonaika! Angamoi Ngona dika ahi buturungu ma titi!

Sosawaro 8:32

“Ho ngohi o sosawaro tinihiromanga ngini o nyawa mata-mataika to ngohi ahi ngofa-ngofaka de duru togahoko nginika la nimadoihene ahi demoika. Ngini nako nianiiki to ngohi ahi ngekomika ngohi tinihiowa ho duru nisosanangi.

Gegetongo 16:15

Ka de manga boi ma demo gea o Musa de o Harunika yoihene de o Musa duru wongamo hiadono wihingahu Ma Jou o Yaweika wato, “Ahi Jou, ngohi tato to ona manga huhuba ngaro ufa nodafongo! Abeika manga gurubungu ma demo ato tahikangela masara ngaro tomagahoko onangino moi ma ko iwa abe ngaro o keledai ma ko iwa todafongo. De ko ma moiuahi itaana tahowono onangika ngaro o nyawa moioo ma ko ma moiuahi!” Hokogea o Musa wihingahu ibooto Ma Jouika de ahao witemo o Koraika, wato, “Itebini o ngorumino de ahao ngona noboa nomahidutuku Ma Jou o Yaweika, abe ngona Kora de ona mata-mata abe ininii-niiki kiani naga Ma Jou o Yawe ai himangoka. De ngohi de o Harunoo ngomioo kiani naga genangoka.

Yohanese 15:10

De gea kiani nihihingounu. Ngohi tohingounu ahi Baba ai behehongo mata-mata ho ka ihikaika tomanoa ai doraka. De imaketero hokogea nginioo ka ihikaika nimanoa ahi doraka iti ahi behehongo nihingounu.

2 Korintusu 1:12

De ma titi o kia hiadono ngomi mimagahoko ti ngini nia niniata de duru mionganono abe ka ihikaika nimiduhunu nia niniatino? De gea ma titi abe to ngomi mia hininga mimatailakoka de gea ko imakalawanua de Ma Jou ai mau masara mia hininga gea imakiniiki dika de to Unangoli ai hininga. Abe ma titi to ngomi mia wowango ma datorino de miwango mitotiai, abe ngaro o dunia ma nyawa masara ona miao irahai, de hongoli ngini, duru miniao irahai nginika. De gea ko iwa mia hiningaka mia hidee o dorouika, masara gea duru mimahingahu mia hininga ma dola ma gahumu nginika la ngini nihioriki mia hininga ma dumutu hokokia. De ngomi ko mimahinganonua o dunia ma sosawaroika la imihihira-hira, masara ngomi mimahinganono ka Ma Jou ai hininga ma owaika dika. Ho mangale ma titi to ngomi mia hininga ma rorahai gea hiadono duru mionganono abe ngini ka ihikaika nimigahoko Unangika ma titi ngomi.

1 Samuele 12:3

De ngohi naa duru Ma Jou o Yawe ai himangoka de o Saulu ai himangoka, abe Ma Jou wihitunguuoka wihidadi ti ngini nia koano, de naga abe ngohi tinileha ngini mata-mataika. Sarakia, naga o nyawa nginioka abe tinidohiki hiadono nia hapi eko nia keledai tomale? Eko naga nginioka abe niato ngohi tinirusi? Eko naga nginioka abe niato ngohi tiniribuutu de ma dubuho? Eko naga ma oraha tinitailako nia howono de todafongo o hewaino ma tiwi la gea taniiki to ona dika manga mau? Ma oraha naa de ka idadi nihihingahu ngohino ahi howono o kia dika abe niamakeoka de tahowonoka. De ngohi tomahidiaioka la ma howono gea tomangaku de tohitiai ahi howono nginika hiadono nisanangioka.” Hokogea o Samuele ai leleha ona mata-mataika.