2 Samuele 22:2 - Ma Jou ai Demo-demo o Totobelohoka

^2-3 De hokonaa to una ai nyanyianga ma demo, “Ma Jou o Yawe, Una gea womaketero hoka ahi loku ma tubu angamoi ko wokelu-kelua. De Unangoo wodadioka ahi dadatoko ma ngi abe genangoka duru ko idadiua ihihikala! De Una dika abe wohiduhunu hiadono o bodito ko ihidaenua. De to Una ai duduhunu gea ngohino ma titi hiadono tihiromanga Unangika tato, Una wagou-goungu to ngohi ahi lokuhakaru de ahi dadatoko de ahi duduhunu.

2 Samuele 22:2 ပူးပေါင်းရင်းမြစ်များ

2 Samuele 22:32

Angamoi abeika, nako ko Ngona o Yaweua, ka onagonali yodadi ahi Jou? De nako ko ahi Jouua, ka onagonali yodadi ahi hakaru abe ko ihelo-helorua? Utu duru ko iwa!

2 Samuele 22:33

Abe Ma Jou Ngona ma hirete nohihiputurungu, de ka Ngona dika nohirikoto ahi ngekomo.

2 Samuele 23:3

O Isiraele ma nyawa manga Jou Una wotemoka, Una hoka o Isiraele ma nyawa manga lokuhakaru, Abe manga buturungu de manga nganganono ihititi Unangoka. De Una wohihingahu ngohino, wato, O nyawa manga hihira abe una de o totiai wahipareta, De naga ai horomati ma modongo Ma Jouika,

Higiriiri 91:2

Abe nako Unangoka nimanoa ahao ka idadi nitemo o Yaweika niato, “Ngona nodadioka ahi dadatoko ma ngi abe genangoka duru ko idadiua o bodito ihihikala! Ngona duru de ani bobuturungoka, ho ngohi ka idadi tomahitatoko Ngonaka! Ho ka Ngonaika dika tomahinganono, ahi Jou!”

Matiusu 16:18

“De naa moioli tonihingahu ngonaika abe o hiketero ma demoino tapake. Abe to ngona ani romanga gea o Peturusu de ani romanga ma titi gea o hakaru. Ho imaketero hoka o nyawa yomaatau o hakaru ma dengeoti ma lokuiye, hokogenangoo to Ngohi ahi gareja ahao todiai o hakaru ma lokuiye. De ma hakaru gea ihidumutu ngonaika. De abe ma titi ahi gareja gea Ngohi todiai, ma doomu gea duru ko iwa ma dorou o kia dika abe akunu yahikala onangika. Abe ngaro o hone-honenge ma kuaha abe ma oraha naa nagahi o Ibilihi ma haeke ma giamoka, masara enangoo ko idadiua yahikala ahi garejaika.”

Higalioli 32:4

De nanga Jou Una hoka o lokuhakaru moi abe ai datorino de duru ko iwa ma howono, de to Una ai hidee mata-mata ka ma totiai dika. Ho duru ka idadi homahinganono nanga Jouika, angamoi duru ko ma iwa abe waputuhu ihowono masara watobagou-goungu de wotobatotiai dika.

1 Samuele 2:2

Duru ko iwa utu yotebi-tebini hoka Ngona Ma Jou o Yawe, Ko iwa Ma Jou utu, duga-duga Ngona ka Nomatengo dika, Ko iwa utu de ma buturungoka abe hoka nanga Jouoli ai buturungu, Ka Ngonaka dika mimahitatoko de ko moiua la ka imidaene.

1 Samuele 23:25

De naga o Sifi ma nyawaino gea abe iwimake o Dautu genangoka de iwihingahu o Saulika, ho o Saulu de ai nyawa ona yosobo la iwilingiri o Dautu. Masara o Dautu una woihene ma titi manga boa ho una wosobokali woiki o lokuhakaru moiika abe imanoa o Maono ma tonaka ma kakaahaka. De ipahaino o Saulu unangoli woihene ma titi o Dautu ai dodagi gea, ho wihidoduruika o Dautika hiadono o Maono ma tonakika gea.

1 Samuele 24:2

De naa o Saulu duru o Dautu wilingiri ho wohidodiai womangiriki o tentara o Isiraele ma tonaka mata-mataino abe ka onangohi wato duru ka idadi iwiduhunu la o Dautu iwitaoko. De ai tentara gea yasana hange abe wairikino de ona iwiniiki la o Dautu de ai nyawa yalingiri o tonaka ma kakaahaka. Abe naga genangoka o hakaru ma loku-loku abe ihiromanga o Fuhuku ma Kabingi ma Ngi.