2 Samuele 2:8 - Ma Jou ai Demo-demo o Totobelohoka

⁸ Masara ma dihirainohi de o Abanera abe o Nere ai ngofaka gea, una wodadi o Saulu ai tentara manga hidimono duru wokokurutiye. De o Abanera gea to una ai hidee imakohowono. Abe ka de o Saulu wohonenge de o Abanera woiki wile o Saulu ai ngofaka o Isibosete de wiao o Mahanaimi ma kotaika.

2 Samuele 2:8 ပူးပေါင်းရင်းမြစ်များ

Dodadi 32:2

Ka de o Yakubu wamake Ma Jou ai malaekata gea de duru wohidaere de ai heheranga ma demo wato, “O tonaka naa duru Ma Jouoo ai dudulu ma ngi!” Ho gea ma titi hiadono una ahao ma ngi gea wohiromanga, “o Doomu Hinooto ma Ngi,” abe nako to ona manga demo gea o Mahanaimi.

Dodadi 32:3

De o Yakubu wairiki la ai nyawa yamuruono naga abe ka idadi ai demo yototaka ai riakika o Esauika. Una wogogere o Seiri ma tonaka ma honongaka abe ihiromanga o Edomo. Ho genangika wahidingoto la ai riaka iwitutumu.

2 Samuele 2:29

Ho ona mata-mata yoborilio manga poretoko, abe o Abanera de ai nyawa ma futu gea yotagi-tagi yolio yaniiki o Yorodani ma akere ma dolaino. De ipahaino yomahihora ma akere gea doka ma honongaika de yogila-gilahi ka hiadono yolio o Mahanaimika. De manga dodagi gea aolomo ma futu moi gea ma gahumu de ahao ngade-ngade o wange ikorona ma oraha yomahiadono o Mahanaimi.

2 Samuele 2:7

De ma oraha naa ngohi tinihigaro la ngini mata-mata nimahipoputurungu de ka idadi ngohioli nihinii-niiki! Angamoi o Saulu una wopahaka, de o Yehuda ma nyawa ihigorakoka ho todadi to ona manga koano ma hungi. De duru tosanangi nako nginioli nihinii-niiki ngohi!”

2 Samuele 3:38

De gea o Dautu wotemo ai tentara ma hohidimonika wato, “O wange naa nanga gianongoru de nanga hidimono womatengo worubaka, abe ai kuaha duru ikurutiye o Isiraeloka naa.

2 Samuele 3:6

De ma oraha gea ona abe yomahikoano o Saulu ai tauika de onangoli abe yomahikoano o Dautika ka yomaketeparangohi. De nako o Saulu ai hidimonino de o Abanera una gea ai buturungu de ai romanga ka ihikaika idogo.

1 Samuele 14:50

De o Saulu ngoi fekata ami romanga o ngo Ahinoama abe ami baba o Ahimasa. De naga o Saulu ai ria-dodoto womatengo abe wodadi ai tentara manga hidimono, de una gea ai romanga o Abanera de ai baba o Nere.

1 Samuele 17:55

De abe kanganoinohi ahao ma oraha o Dautu woaguru manga himangoka la yomarihimanga una de o Goliata de manga koano o Saulu wilega-lega unangika. De ma koano wileha ai tentara ma hidimono o Abaneraika wato, “Una gea ma goduuru to onaguna ai ngofaka?” De o Abanera wipaluhu unangika wato, “Ahi koano, naa tagou-goungu tonihingahu abe ngohi duru ko tihiorikua!”

1 Samuele 26:14

De genangoka o Dautu wopoaka la ai ilingi igiranguku o Abanera de ai tentarauku wato, “O Abanera, ka idadi ahi ilingi noihene? Ngona nomomikoka eko kowahi?” De ahao o Abanera wopaluhu wato, “Ho ngona naa onaguna abe noaho-ahoko hokonaa?”