2 Samuele 2:7 - Ma Jou ai Demo-demo o Totobelohoka

⁷ De ma oraha naa ngohi tinihigaro la ngini mata-mata nimahipoputurungu de ka idadi ngohioli nihinii-niiki! Angamoi o Saulu una wopahaka, de o Yehuda ma nyawa ihigorakoka ho todadi to ona manga koano ma hungi. De duru tosanangi nako nginioli nihinii-niiki ngohi!”

2 Samuele 2:7 ပူးပေါင်းရင်းမြစ်များ

Dodadi 15:1

Mata-mata gea ipaha de ahao naga moi o himatoko Ma Jou o Yaweoka de aino abe wihimatoko o Abaraamika. De ai himatoko gea imaketero hoka duru yomarihimangino, de Ma Jou wihingahu wato, “Abaraama, ngaro o kia dika naga ma ufa nohawana, Ngaro naga ani musu ma Ngohi todadi ani dadatoko, De ani utumu o kiahonangino abe Ngohino ahao namake kohaamoko, Mangale ngona nosanangi nohiniiki Ngohi naa.”

2 Samuele 10:12

Ho kiani ngone homatotomoroini dika la haparangi duru de nanga buturungoka. Done ahao nanga musu gea yoboa nanga tonakino de inahibinaaha to ngone nanga nyawa mata-mata de nanga kota-kota abe Ma Jou wonahidoakoka. Ho iti to Una gea ai mau de ngone ka idadi hahikala nanga musuika gea!”

2 Samuele 2:6

De gea ma titi hiadono tinigahoko Unangiye la winihiowa ai hininga ma rorahaiino. De ngohioo ahi hininga la tiniao irahai nginika ma titi nia datoro ma rahai gea.

2 Samuele 2:8

Masara ma dihirainohi de o Abanera abe o Nere ai ngofaka gea, una wodadi o Saulu ai tentara manga hidimono duru wokokurutiye. De o Abanera gea to una ai hidee imakohowono. Abe ka de o Saulu wohonenge de o Abanera woiki wile o Saulu ai ngofaka o Isibosete de wiao o Mahanaimi ma kotaika.

2 Samuele 5:3

De ona yotemo ibooto de ahao manga hohidimono yomatoomuino o Dautu ai himangoka de yomahiketehibehehongo de una duru Ma Jou o Yawe ai himangoka. De manga behehongo ma demoino gea de iwihidadi to ona mata-mata manga koano. De gea iwihitunguu manga koano abe iwihituagi ai peauku de o minya.

Nehemia 2:18

De ahao tahingahuoli onangika abe hokokia Ma Jou de ai dora ma hiokoo wohiduhunu la hiadono duru toigo toboa naangino la ngohi ka idadi ona taduhunu. De tahingahuoo abe o koano ai demo ngohino hiadono wohihidingoto la toboa o Yerusaleemino. Ngohi toade-ade mata-mata gea ibooto de ona ka ma moiiye ihipaluhu, ato, “Ho nako gea, kiani ngone mata-mata homulaenge homakuduhunu nanga kota hohigokoli ma hungi.” Hokogea yotemo de yomulaengoka yokarajaanga o karajaanga ma rorahai gea.

1 Korintusu 16:13

De naa ngohi tinihigaro ngini mata-mataika la nimaakokigoana. De kiani nimahiputurungu nia ngongakuoka la ufa nikelu-kelu. De kiani ngini ninauru la hiadono nia domoroini naga.

Efesusu 6:10

De naa ahi gogianongoru, ahi dodotoko moiokahi naa abe ahi huratoka tato tinihingahu nginika. De gea ngini kiani ka ihikaika nimahiputurungu nanga Baluhu idodutuika de to Una ai kuahaino abe duru kohabuturungu ai kuaha gea.

1 Samuele 31:12

Ho manga nau-nauru abe yotobamoroini yoparangi yokokisobo yoiki o Bete-Seanika de yotagi-tagi manga futu moi de ko itebinuahi ma oraha yomahiadono o kotaika gea. De yomahiadono de ahao o Saulu de ai ngofa-ngofaka manga honenge yahiguti. De yahiguti ibooto de yao o Yabese ma kotaika de manga honenge yatufuku genangoka.

1 Samuele 31:7

De o Isiraele ma nyawa abe yogogere o Yisereele ma dolaka de ona utu abe yogogere doka o Yorodani ma akere ma honongaka yamake manga tentara duru ko iwaka de manga koano o Saulu de ai ngofaka yahange gea yokokihonengoka. Ho ka de yamake hokogea idadi de duru yohawanoka hiadono yokokiloara de manga kota-kota de manga kapo-kapongo yakokinoaka. Ho o Filistina ma nyawali yomahituruuru de onangoli yogogere o Isiraele ma nyawa manga kota de manga kapongo mata-mataika abe ma dutu yakokinoaikaka.

1 Samuele 4:9

Hokogea manga hawana ma demo ho ahao manga hihira duru manga tentara yahigaro ato, “Ngini o Filistina ma nyawa kiani ngini ninauru la hiadono duru de nia buturungoka niaparangi onangika! De angamoi nako ko genangua ngone ahao hodadi to ona manga huhuloko imaketero hoka naa ma dekanino ona gea yodadi to ngone nanga huhuloko. Ho kiani duru de nanga domoroini haparangi abe hoka ko ma moiuahi de nanga buturungu ma gahumu hapake!”