Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Samuele 2:19 - Ma Jou ai Demo-demo o Totobelohoka

19 De una gea womulaenge wikiniiki o Abaneraika wato widaene, de duru ko womatogu-togumua wihidoduruika.

အခန်းကိုကြည့်ပါ။ ကော်ပီ




2 Samuele 2:19
9 ပူးပေါင်းရင်းမြစ်များ  

De o Dautu ai tentara ma nyawaino naga o ngo Seruya ami ngofaka yahangeika, abe o Yoaba de o Abisai de o Asaele. De nako o Asaele, una gea duru wopalesa womapopaata, abe una ai palesa imaketero hoka o luadanoli ma palesa.


De ahao o Abanera womadogilioro ai poretoko de wimake o Asaele gea womahitigino, ho wiahoko unangika wato, “Ngona gea nagoungu o Asaele abe noboaino?” De wipaluhu o Abaneraika wato, “Iya, ngohi naa o Asaele.”


Ho o Abanera wihitiari unangika wato, “Koaho ngona noikohi dika la nimakalawana de o nyawa utuoli abe ka o goduuruohi, la ahao ngona ka idadi nahikala de nataokino to ona manga parangi ma dae abe onangoka.” De ngaro hokogea o Abanera wihitiari unangika masara ka womahitigi moduku unangino.


Ho ka de yomahiadono de o Yoaba wihidohikika o Abanera ma kapongo ma ngorana ma datekika, abe bari ai hininga la wihingahu o demo moi unangika. Masara genangoka ka itodokanino de witopoko o Abanera ai pokoroko hiadono wihohonenge. De hokogea o Yoaba wihibalaha ai dodoto o Asaele abe ma dihiraino de o Abanera wihohonengoka.


De hokogea idadi ma oraha o Yoaba de o Abisai iwihibalaha manga dodoto o Asaele mangale ma dihiraino de o Abanera wihohonengoka o parangi ma goronaka abe o Gibeonoka.


De o Yosia ai wowango duru itiai hiadono Ma Jou o Yawe wisanangi ai datorika. De o Yosia ai datoro imaketero hoka ai tofora o Dautoli ai datoro, abe o Yosiaoo ko worehenua o totiai ma ngekomino masara ka ihikaika waniiki ma totiai dika.


Hokogea ka ihikaika nihidodiai nimangiriki ahi ngofa-ngofaka la ufa naga arihonongaino abe inihirehene nia hininga ma dodagioka de aino. Angamoi ka de nia hininga aniiki o hirehene ma ngekomo de nia louoo inihitagi de ma dumutu ma dorouika. Hokogea o Saloomo ai hiowa ma demo ai ngofa-ngofakika la duru wahitiari ma dorouika de wahigaro ma totiaiika.


Ngona kiani nomaputuhu duru nagou-goungu abe ngona ka ihikaika de ani buturungoka hiadono duru de ani domoroinokaoo! Ho ngona kiani nohidodiai nohingounu ahi pareta de ahi behehongo mata-mataika abe tihidoakoka ahi duduhunu o Musaika de una wonihibehehongokali ngonaika. De ufa norehene arihonongaika la gea ngaro o kiaika dika noiki ma, ani karajaanga ka ihikaika de ma hasiloka.


“Ho naa ngohi duru tinihigaro la ngini de nia buturungu ma gahumu kiani nianiiki Ma Jou ai behehongo ma hiaturu mata-mata abe ihitulihukuoka o bukuoka abe ma romanga o Pareta ma Buku o Musaino. O buku ma dola gea kiani nianiiki duru itiai hiadono duru ko nirehe-rehenua.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ