2 Samuele 13:21 - Ma Jou ai Demo-demo o Totobelohoka

²¹ De ipahaino de ma koano o Dautu wogihene ma titi ma datoro gea abe idadioka de una duru wongamo ai hiningaka.

2 Samuele 13:21 ပူးပေါင်းရင်းမြစ်များ

Dodadi 34:7

De onangoo ami iranga yoboa de manga hininga ma huha yaomangoka ma titi o ngo Dina ami kangela. Ho gea duru yatohata ma titi o Sikeme womiribuutu manga biranga, o Isiraele ngoi ora. De angamoi duru ko idadiua o nyawa yodiai itorou hokogea ho o Sikeme wahimaleke o Isiraele de ai nyawa mata-mata genangoka.

Dodadi 35:22

De ma oraha yogogere genangoka o Rubene yomaidu de o ngo Bilaha, ai baba ngoi fekata momatengo o gilaongino. De naga o nyawa abe yahioriki manga howono de gea ma titi iwihingahu o Yakubika. De o Yakubu ai ngofaka o nau-nauru yangimoi de yahinooto hokonaa:

2 Samuele 12:10

Mangale ma titi ani howono gea nodiai itorou hiadono ahao ani ngofa-ngofakuku de ka hiadono ani totoforauku ahao naga manga honenge itorou hoka o Uriali ai honenge ma modorou. De ahao idadi angamoi ngona ko nohihingounua Ngohino de angamoi o Uria ngoi fekata nomahitongona.’

2 Samuele 12:5

De ma ade-ade gea o Dautu ka de woihene de duru wongamo wokaya-kayaika de wihingahu o Natanika, wato, “De naa tohibehehongo de Ma Jou o Yawe ai romanga tapake, kiani o kaya ma nyawa gea iwihohowono ka hiadono wohonenge!

2 Samuele 13:20

De gea ahao ami iranga o Abasalomo yomakamake de muna de una womileha wato, “Sarakia, gea igoungu abe ani iranga o Anono gea woniribuutu?” De muna mipaluhu, “Iya, gea igoungu ai datoro hokogea.” De ahao una wato, “Ufa hiadono ani hininga ihuha, de ufa nahingahu o nyawaika ma titi gea, angamoi una gea to ngona ani iranga.” Ho muna ami hininga duru ihuhaholi de momahitingaka o nyawaino de mogogere momatengo dika o Abasalomo ai tauoka.

2 Samuele 13:22

De o Abasalomo unangoo duru wingamo o Anonika ma titi womihimalekoka to una ma hirete ngoi biranga o ngo Tamarika. Ho una duru ko witemo-temokaua ai riaka o Anonika.

1 Samuele 2:29

Masara ngini naa de nia horoodo dika nimalega o huhubaika de o behehongo ma huhubaika abe kiani Ngohi tamake ahi nyawaino. Adodoa ho de nia horoodo dika nimalega enangika hiadono nia horomati ko iwaka Ngohino? De naa moioli Eli tonileha, adodoa ho ani horomati Ngohino ihutulu de ani horomati ani ngofa-ngofakika ka enangohi duru ilamoko? De hokogea itararono angamoi ka ihikaika ani ngofaka yahinooto gea nahigunoa la yomahikutufuru dika manga badanga. De hokogea idadi angamoi o huhuba ma roehe abe ka enangohi ma rorahai ena gea yale ahi nyawa manga huhubaino.”