2 Samuele 13:20 - Ma Jou ai Demo-demo o Totobelohoka

²⁰ De gea ahao ami iranga o Abasalomo yomakamake de muna de una womileha wato, “Sarakia, gea igoungu abe ani iranga o Anono gea woniribuutu?” De muna mipaluhu, “Iya, gea igoungu ai datoro hokogea.” De ahao una wato, “Ufa hiadono ani hininga ihuha, de ufa nahingahu o nyawaika ma titi gea, angamoi una gea to ngona ani iranga.” Ho muna ami hininga duru ihuhaholi de momahitingaka o nyawaino de mogogere momatengo dika o Abasalomo ai tauoka.

2 Samuele 13:20 ပူးပေါင်းရင်းမြစ်များ

Dodadi 46:15

Hokogea o Yakubu ai ngofa-ngofaka de ai dano-danonguku o nau-nauru de nagali ngoi ora o ngo Dina abe wamake o ngo Leaino ma oraha ka yogogerohi o Padana-Arama ma tonakoka. Ho yamoruange de yahange manga ngoeuku abe to ngo Leaino ami ngofa-ngofaka de ami dano-danongo.

2 Samuele 13:19

Masara naa o ngo Tamara ami baju gea ka makakihi enangika de ahao o uku ma kafo momadoburaraha ami peauku ma titi ami hininga ma huha mohitunguu. De ahao ami himanga matatoko de ami giama de ka mosobo moari-ari.

2 Samuele 13:21

De ipahaino de ma koano o Dautu wogihene ma titi ma datoro gea abe idadioka de una duru wongamo ai hiningaka.

Roma 12:19

De ahi gogianongoru abe duru tinidora nginika, ngaro o nyawa inihikangela nginika masara ufa nimahibalaha onangika, ma koaho niwihidoaka Ma Jouika la Una dika ai hohowono o ngamoino itagi onangika. Angamoi ma dodihiraino de naga ihitulihukuoka Ma Jou ai demo abe Una wotemo wato, “Nako o hibalaha, gea to Ngohi naa ahi kuahaka. De Ngohi naa ahao tahibalaha o nyawaika ma titi to ona manga datoro ma dorou.” Hokogea to ngone nanga Baluhu idodutu wotemo.