2 Samuele 12:24 - Ma Jou ai Demo-demo o Totobelohoka

²⁴ De ahao o Dautu womitutumu o ngo Basebaika ho womilaru. De ahao abe ma oraha yomaiduoli una de muna de ipaha mamake o ngofaka womatengoli de o Dautu wihiromanga o Saloomo de Ma Jou o Yawe duru widora o Saloomo gea.

2 Samuele 12:24 ပူးပေါင်းရင်းမြစ်များ

2 Samuele 12:25

De mangale Ma Jou hokogea widora ho ahao wihingahu ai uru ma dodofanga o Natana, wato, “Ngona kiani nahingahu o Dautu de ngoi fekata abe Ngohi Ma Jou o Yawe tato manga ngofaka naa kiani iwihiromangoli o Yedija.”

2 Samuele 5:14

Ho o Dautu ai ngofaka o nau-nauru abe yomaboa o Yerusaleemoka, to ona manga roma-romanga o Samua de o Sobaba de o Natana de o Saloomo.

2 Samuele 7:12

Ho ma oraha ngona nohonengoka de inihitoomuika de ani totofora manga lungunoka de ahao naga ani ngofaka womatengo wodadi ani duruuru o koano abe una duru de ai kuahaka. De Ngohi todiai la una de ona abe wahikoano duru de manga buturungoka.

1 Kokoano 1:11

De ahao o Natana woihenino ma titi o Adonia ai datoro gea ho una woiki o Saloomo ngoi meme o ngo Basebaika. De una womihingahu wato, “Marai ngona ko noihenuahi ma abari abe o ngo Hagiti ami ngofaka o Adonia, una gea womagoraka wato wodadi nanga koano. Masara ai datoro gea womatohiki wodiai ho nanga baluhu o Dautu ngaro una ma hirete masara ko wohiorikuahi.

1 Tawari 29:1

De ahao manga koano, o Dautu, una wahingahu ona mata-mataika abe yomatoomuino genangoka, wato, “Ahi ngofaka, o Saloomo naa, una Ma Jou wiiriki la ka idadi una wohigoko nanga Jou ai Tau ma rorahai masara una ka o goduuruohi de ai tobahioriki ka ikurangohi. De o karajaanga naa duru ma amoko angamoi o tau duru ma amoko de kiani gea ena duru irahai. De o tau naa abe ko o nyawaua yogogere genangoka, masara nanga Jou, Ma Jou o Yawe, abe Una Wokokurutiye wogogere ma goronaka.

Sosawaro 4:3

Ma oraha ngohi, ti ngini nia baba, ngohi ka o ngofakohi, de ngohi to ngohi meme ami ngofaka tomatengo dika ho ngohi duru toutumu abe to muna ami dora itagi ma gahumu ngohino.

Matiusu 1:6

De ukuoli o Isai ai ngofaka abe to ngone nanga koano ma dihiraino o Dautu. De hokogea o Yesusu ai totofora abe o Abarahaamoka de auku ka hiadono o Dautuku. De naa tinihingahu ma titi to Dautu ai totoforauku o Isiraele ma nyawa abe yolape-lapeuku ka hiadono ma oraha o homoa ma nyawa yangohama de yataoko. Abe ma oraha gea o Isiraele ma nyawa yodadioka o nyawa manga gogilaongo de yaoika manga dutu manga tonakoka abe gea o Babele ma tonakoka. Ho nanga koano o Dautu ai ngofaka gea ai romanga o Saloomo, abe ai ngofaka ngoi meme gea mofaooka angamoi muna ma dihiraino modadi to Uria ngoi fekata masara una wohonengoka.

Higalioli 33:12

De o Musa ai hiowa ma demo abe ihidumutu o Benyamini ma nyawaika hokonaa, wato, “O Benyamini ma nyawa, ona gea Ma Jou o Yawe duru wadora onangika, de ona yowango yosanangi dika to Una ai datekoka. Abe Una ka ihikaika watobagoa-goana, de wahigororomino arihononga la ufa o bodito o kia dika idadi onangika.”