2 Samuele 12:14 - Ma Jou ai Demo-demo o Totobelohoka

¹⁴ Masara ningelo Ma Jou o Yaweika mangale ma titi ani howono nenanga. De angamoi ningelo Unangika hokogea ho ani ngofaka naa abe namake o ngo Basebaino, una womaboa de ahao wohonenge.”

2 Samuele 12:14 ပူးပေါင်းရင်းမြစ်များ

2 Samuele 12:15

Hokogea wihingahu o Dautika de ahao o Natana wolio ai tauika. De ma oraha o Uria ngoi fao momagerewoto abe o Dautu ai ngofaka de Ma Jou o Yawe wihipoha o ngofaka ma gilauika de o panyake.

Matiusu 18:7

De o Yesusu ka wotemohi de ai hitiari ma hiketero wapake wato, “Igoungu o duniaka naa de ngini naga nia kangela ma dodubuho angamoi ma ngoe inihiata-atara. De o hiatara gea ka ihikaika naga nginioka. Masara nako o nyawa abe yahiata-atara o nyawa utuikali hiadono ona yorehene Ma Jouino, ona yahiata-atara ahao manga hohowono duru kohadubuho ona yamake.”

Roma 2:24

De ngaro o homoa ma nyawa masara onangoo inihioriki abe ngini ka niatotilakuru Ma Jou ai Pareta abe winihidoakoka nginika. Abeika, ngaro ona ko o Yahudi ma nyawaua abe duru ko ihiorikua to Una ai Pareta, masara ma oraha inilega ti ngini nia wowangoika de iwiwea-weara Ma Jou ai romangika ma titi nia datoro ma dorou. Abe yatotailako nia datoro gea de yomafikiri ato, “Ma dihiraino de inahingahu ngoneino ma titi Ma Jou Una duru wokokurutiye. Masara naa hamakeoka de nanga lako to Una ai nyawa manga datoro, abe ka ma dorou dika yotobadiai. Ho bote to ona manga Jou gea tanu ko kia-kiaua ai kuaha o nyawaika!” De hokogea ona ko o Yahudi ma nyawaua iwiwea-weara Ma Jou ai romangika mangale ma titi ti ngini naa nia datoro abe niatobalawana to Una ai Paretaika. De genangino de ngini ka nimakadaene dika de nia totofora ma dodihiraino, angamoi abeika Ma Jou ai Demo-demoino moi abe ma dodihiraino ihitulihukuoka. Abe itemo ato, “Mangale ma titi ti ngini o Yahudi ma nyawa nia datoro ma dorou ho hiadono ona abe ko o Yahudi ma nyawaua, ona iwiwea-weara Ma Jou ai romangika.” Hokogea ma demo ma dodihiraino abe ma dumutu nia totoforaika, de hokogenangoo idadi ma oraha naa naga ma titi ti nginioli nia datoro! Ho gea ngaro ufa de hoheranga ma oraha Ma Jou winihohowono nginika ma titi ngini nirehenoka ai ngekomoka de aino!

1 Korintusu 11:32

Masara nako hiadono kiani Ma Jou wonahohowono abe wonadotoko ngoneino, gea wonadotoko de wonaduhunu la wato wonahigilioli ma totiaiino. De hokogea Ma Jou wonadotoko la ahao ngone o hohowono ko hamakeua abe imaketero hoka o dunia ma nyawali manga hohowono ahao yamake.

Ibarani 12:6

Angamoi onagona dika Ngohi Ma Jou tadora, onangika gea kiani tadotoko, de onagona dika abe Ngohi Ma Jou tafetongo ahi ngofa-ngofaka, onangika gea kiani tadotoko duru de ma dubuho.” Hokogea Ma Jou ai higaro ma demo abe ma dodihiraino ihitulihukuoka.

Himatoko 3:19

De hokogea ahi higaro ma demo nginika angamoi Ngohi tinidora ngini. De onagona dika tadora, ona gea kiani Ngohi tataere de tadotoko onangika. Ho gea ngini kiani naga nia magawe la nihiniiki Ngohi de nia hininga ma gahumu, de gea kiani ngini nitoba de nilio Ngohino.