2 Samuele 12:1 - Ma Jou ai Demo-demo o Totobelohoka

¹ De Ma Jou o Yawe wihidingoto ai uru ma dodofanga, ai romanga o Natana, la woiki o Dautika. Ho una woboa o Dautu ai himangino de ai hingahu unangika ma rupa o hiketero ma ade-ade. Abe o Natana wiade-ade o Dautika hokonaa, wato, “Koano, naga moi abe idadioka kiani toniade-ade de hokonaa ma ade-ade. Naga o nauru yahinooto yogogere o kota moioka de womatengo wohuha o kiahonanga de womatengoli una gea wokaya.

2 Samuele 12:1 ပူးပေါင်းရင်းမြစ်များ

2 Samuele 11:25

De o Dautu wipaluhu, wato, “Ngohi toigo tohibehehongo dika o Yoabika ngaro ufa de ai hininga ihuhaholi abe ma titi ai nyawa yohonengoka. Abe nako o parangi ma goronaka gea ko moiua ihioriki abe onagona honanga ahao yohonenge. De nihingahuoo o Yoabika abe ngohi tato kiani utuohi yowoe abe ai tentara wahuloko la yangika yadagi o Raba ma kotaika angamoi kiani hokogea ka hiadono yahikalaka. Hokogea dika aika ahi behehongo la tilaru ani hidimono o Yoabika.” Hokogea o Dautu wotemo.

2 Samuele 12:2

De abe una gea wokaya to una ai kiahonanga ma ngoe hiadono ai domba ma duduono ma ngoe de ai hapi ma duduono enangoo ma ngoe.

2 Samuele 7:17

Hokogea Ma Jou o Yawe ai uru ma dodofanga o Natana mata-mata wihingahu o Dautika abe Ma Jou wihingahuoka unangika.

1 Kokoano 1:8

Masara naga o nyawa utuoli abe ko yoigoua la o Adonia wituruuru ai baba. Abe o Sadoko manga hidemo ma nyawa, de Ma Jou ai uru ma dodofanga o Natana, de o Benaya abe una o Yoyada ai ngofaka ona ko yosanangiua de o Adonia ai hidee gea. De ngaro o Simei de o Rei de ona abe iwitobagoa-goana manga koano o Dautu, onangoo mata-mata ko iwidomotekua de o Adonia ai hininga gea la womahidadi manga koano.

1 Kokoano 13:1

De duru ma oraha gea Ma Jou o Yawe ai hohowono ma hingahu wihidoaka ai uru ma dodofanga womatengoika, abe ai hohowono ma demo gea kiani wapake o Yerobeama ai huhuba ma ngi iharo-harongika. De kiani ma hingahu ma demo gea wohidemo duru o huhuba ma ngi ma himangoka abe naga o Yerobeama wodiai o Betele ma kotaka. De gea Ma Jou ai uru ma dodofanga naga o Yehuda ma tonakoka ho wosobo woiki o Betele ma kotaika. De ka de womahiadono o huhuba ma ngiika o Beteloka gea de o Yerobeama naga womahigokoino genangoka duru ai huhuba iharo-harongo ma ngi ma himangoka abe una womahidiaioka o huhuba abe bootino ahao wahihuba.

1 Kokoano 18:1

De naa ma dekanoka o Elia ai hingahu abe wato o awana de o gagini ko iwahi ka hiadono una ma hirete wohibehehongoli. Abe o hiwara ikiriaka hiadono ngade-ngade o taongo hangeino ma dekana. Ho o taongo ma hangeoka de ahao Ma Jou o Yawe wihibehehongoli o Eliaika wato, “Ngohi toigo la ngona noiki ma koano o Ahabika de ahao duru ai himangoka nihingahu abe naa ma oraha adonoka Ngohi Ma Jou abe ahao tapuraraha o awana o tonakoka naa.” Hokogea o Elia Ma Jou o Yawe wihidingoto la ai hingahu gea wadofanga o Ahabika.

1 Kokoano 21:18

“Elia, ngona daukuku noiki nitutumu o Ahaba abe wohikoano o Samaria ma tonakoka. Una ahao nimake o Naboto ai angguru ma redioka o Yisereele ma kota ma goronaka abe ma oraha naa ma redi gea womahitounangoka.

2 Kokoano 1:3

Masara gea ahao Ma Jou o Yawe ai malaekata woiki o Eliaika abe una o Tisebe ma nyawa de wihuloko moi o Eliaika. Abe ma malaekata gea wato, “Ngona nomasikaa de noiki nabuhuku ma koano gea ai nyawaika. De kiani nadofanga ma demo naa onangika, nato, ‘Mode ngini niato bote ko iwa nanga Jou o Isiraeloka naa! De gea ma titi hiadono ngini naa nia dumutu o Baala-Sebubika, o Ekono ma nyawa manga jou gea, de niolingiri to ena ma demo nia koanoika!