2 Samuele 11:24 - Ma Jou ai Demo-demo o Totobelohoka

²⁴ De genangoka ngomi mimahiadono de nanga musu abe yotobatoimi naga daku manga kota ma dadaduhu ma poretoka de duru yatoimi ani tentarauku hiadono manga hihiipi yadaene hiadono utu yohonengoka. De ani gilaongo o Hete ma nyawa abe o Uria, unangoo wohonenge genangoka.” Hokogea ai hingahu o Dautika.

2 Samuele 11:24 ပူးပေါင်းရင်းမြစ်များ

2 Samuele 11:23

Abe una wiade-ade unangika wato, “Naga o Amono ma nyawa manga tentara abe yohupu manga kotaino de imiparangi ma hoanoka de tanu ona yolaku masara ngomi ahao duru mia hininga yohauku onangika ho miaparangi hiadono yomadohuku moduku ka hiadono manga kota ma ngoranika.

2 Samuele 11:25

De o Dautu wipaluhu, wato, “Ngohi toigo tohibehehongo dika o Yoabika ngaro ufa de ai hininga ihuhaholi abe ma titi ai nyawa yohonengoka. Abe nako o parangi ma goronaka gea ko moiua ihioriki abe onagona honanga ahao yohonenge. De nihingahuoo o Yoabika abe ngohi tato kiani utuohi yowoe abe ai tentara wahuloko la yangika yadagi o Raba ma kotaika angamoi kiani hokogea ka hiadono yahikalaka. Hokogea dika aika ahi behehongo la tilaru ani hidimono o Yoabika.” Hokogea o Dautu wotemo.

Gegetongo 21:30

Masara ona o Amori ma nyawa ato imiparangi o Isiraele ma nyawaoo, Ona imiparangi ngomino de ka ngomiohi miputurungu ho miahikalaka. Ho manga kota o Hesebono ka hiadono o Dibonika miahibinaaha, De manga kota utuoli mihirusaka ka hiadono o Nofa ma kotaika, Ho ngomioli mialeoka o Sihono ai tonaka ka hiadono o Medebaika.” Hokogea o Isiraele ma nyawa manga lolaku ma dakoro ma betongo mangale ma titi ma tonaka gea yaleoka.

1 Samuele 26:6

De o Dautu womalega o Saulu ai ngingiduika de ahao waleha ai nyawa yahinooto abe yomakiniiki de una. Abe ona yahinooto gea naga o Ahimeleke abe o Hete ma nyawa de nagali o Abisai abe una o ngo Seruya ami ngofaka de o Yoaba ai dodoto. Ho o Dautu waleha ona yahinootoika wato, “Onagona yosanangi dika ihiniiki la homakutuono hangohama manga dodogumu ma ngi gea ma goronaika?” De gea o Abisai wipaluhu unangika wato, “Ngohi ka tomodeke toniniiki dokaika.”