2 Samuele 11:21 - Ma Jou ai Demo-demo o Totobelohoka

²¹ Sarakia, ngini niawohangoka ma oraha o Tebesoka abe o Gideono ai ngofaka o Abimeleke wohonenge? Gea o ngofeka dika mihohonenge una gea! Abe muna daku o kota ma dadaduhu ma poretoka de o ngengedere ma hakaru ma amoko midotumo unanguku de iwidaene! Hokogea ma bodito irupa-rupa onangino gea angamoi ona duru yoduhunu manga kota ho ufa ngini nimahitigiholi manga kota ma dadaduhika!’ Marai hokogea nanga koano wonitaere ma oraha nitutumu de ahao kiani nipaluhu unangika nato, ‘O koano, ani gilaongo o Uria, o Hete ma nyawa gea, unangoo wohonengoka.’” Hokogea o Yoaba widotoko abe una wotobaao-ao o abari wihidingoto o Dautika.

2 Samuele 11:21 ပူးပေါင်းရင်းမြစ်များ

2 Samuele 11:17

De igoungu, o Amono ma nau-nauru ona yohupu manga kotaino de duru yaparangi o Yoaba ai tentaraika ka hiadono o Dautu ai tentara utu yahohonenge. De o Uria, o Hete ma nyawa gea, unangoo wohonenge genangoka.

2 Samuele 11:20

De ahao marai una ahao wongamo angamoi duru ngomi mitigi manga kota ma dadaduhika de marai wonitaere, wato, ‘Adodoa ho ngini nitigiholi manga kota ma dadaduhika? Done ko nihiorikua abe naga ona daku o kota ma dadaduhu ma poretoka abe ka idadi inidaene initoimi?

2 Samuele 11:22

De o hidingoto ma nauru woiki de o Yoaba ai hingahu mata-mata gea wadofanga o Dautika.

2 Samuele 3:27

Ho ka de yomahiadono de o Yoaba wihidohikika o Abanera ma kapongo ma ngorana ma datekika, abe bari ai hininga la wihingahu o demo moi unangika. Masara genangoka ka itodokanino de witopoko o Abanera ai pokoroko hiadono wihohonenge. De hokogea o Yoaba wihibalaha ai dodoto o Asaele abe ma dihiraino de o Abanera wihohonengoka.

2 Samuele 3:34

De gea ani giama ko yapakitua, De ani lou ko yahidaranteua. Masara ani hohonenge gea duru itorou, Abe inibudi de inihiruba imaketero hoka o nyawa ma dorou yorubauku.” De o Dautu wonyanyi ipahaino de ahao ona mata-mata iwigarioli ma titi o Abanera.

Hihira 6:32

De ona iwigihene ho o wange gea de o Gideono iwihiromangoli, “O Gideono de o Baala yokadatoro o huhuba ma ngi.” De ai romanga yaturuuru hokogea angamoi o Baala ma huhuba ma ngi abe o Gideono wakiliangoka.

Hihira 7:1

De ma dawangeino duru o ngoru-ngorumino o Gideono de ai tentara mata-mata yokokimomikiye de yokokiloiki manga dumutu manga musu ma doomuika masara yomahiadono o Harodo ma jobuubu ma ngi de genangoka yomahiainohi. De manga musu o Midiana ma nyawa manga tentara mata-mata yomahitoomuino ka moi, ho ona gea naga doka o loku ma honongaka o Yisereele ma dolaka abe o More ma loku ma timiuku.