2 Samuele 11:2 - Ma Jou ai Demo-demo o Totobelohoka

² De o wange moiuku o Dautu womaiduoka ai koioka de ahao womomikino o bobimaowaka de wohupu o koano ma tau daku ma poretiye de ai tau ma poretoka gea wotagi-tagi. De una womalega dau ai timiuku de womimake momatengo abe muna momaohiki de duru mohailoa.

2 Samuele 11:2 ပူးပေါင်းရင်းမြစ်များ

Dodadi 12:11

Ngade-ngade yomahiadono o Mesiiri ma tonakika de o Abaraama womihingahu ngoi fekatika wato, “O ngo Sarai, tohioriki o nyawa mata-mata inihigiriiri ma titi ani hailoa angamoi ngona duru norahai.

Dodadi 3:6

Ho muna gea moihenoka de angamoi mamake ma hofoko gea duru irahai ho duru moigo maolomo hiadono doka ami hiningaka mato, “O hofoko gea nako taolomo marai duru imutiti de gea igoungu inahidadi hososawaro ho duru toigo taolomo.” Ho ma hofoko gea momadofi de maolomo. De utu mihidoaka ami rokatika, angamoi una naga wominiikika, ho unangoo waolomo.

Dodadi 39:6

Ho o Potifara wihingahu o Yusupika wato, “Naa tonihidoaka ani giamika to ngohi ahi kiahonanga mata-mata la ngona dika nohiaturu.” Hokogea o Potifara wodiai angamoi ka de ma oraha o Yusupu wohibaluhu mata-mataika de o Potifara ai hiaturu ko iwaka. Ho o Potifara ai hiaturu duga-duga ka ai inomo o kia dika wairiki abe ena gea duru woigo waolomo! Naa o Yusupu una o goduuru abe duru ai badanga de ma buturungoka de ai rupa worahai.

Dodadi 6:2

De naga o nau-nauru abe yahiromanga Ma Jou ai ngofa-ngofaka, de ona yamake o nyawa utu manga ngofa-ngofaka o ngo-ngofeka abe duru yorahai de duru manga hafini itagi o ngo-ngofekaika gea. Ho manga fekata yomangiriki ko ma titiua manga wowangoino masara manga hailoaino dika hiadono yomangiriki manga fekata.

2 Samuele 13:1

De o Dautu naga ai ngofaka womatengo ai romanga o Abasalomo de to una ngoi firanga ami romanga o ngo Tamara. De nagali o Dautu ai ngofaka womatengoli ai romanga o Anono, masara una de o giabiranga gea manga ayo yomaleko. De ipahaino de o ngo Tamara ami iranga o Anono una gea duru iwihirarama de ai hafini ai birangika.

2 Samuele 4:5

De o wange moiuku o ria-dodoto gea o Baana de o Rekaba, ona yahinooto yoiki manga koano o Isibosete ai tauika. De marai o wange ikorona de ona yomahiadono, de ma oraha gea o Isibosete ai biaha womaiduiha, ho una iwikiookoka.

2 Samuele 4:7

Ho yogila-gila yowohama ai tau ma goronaika de iwimake o Isibosete iwikiookoka ai koioka. Ho ona iwitoma manga koano gea de ahao ai tomarino yatobiki la ka idadi ai pea yomagaoika. De ahao ona yosobo yotagi-tagi o Yorodani ma dolaino o futu gea ka hiadono yahidetebiniye.

Sosawaro 31:30

O ngo-ngofeka utu manga badanga ma rupa duru irahai, masara manga rorahai gea ko hiado-adonikaua ho ahao ihihanga. De ona utu manga hininga ko irahaiua de ona ato inabudi-budi dika. Masara o ngo-ngofeka abe manga hiningaka de iwihoromati Ma Jou o Yaweika, onangika gea itaana abe o nyawa yahigiriiri.

Sosawaro 6:25

Ufa ngona nohafini de o ngofeka manga rahaiika, de ufa nomihigunoa monihiatara de ami lako hiadono monitauru ani hininga.

Sosawaro 7:8

De ma goduuru gea o ngekomo ma marihapongino woboa de waniiki ma ngekomo abe o ngofeka momatengo ami tau naga genangoka. Naa muna gea abe ami biaha motobalingiri o nauru.

Yeremia 19:13

Ho ma kota ma tau mata-mataika ngaro o kokawaaha manga tau ka hiadono o Yehuda manga kokoano manga tau masara mata-mataika idadi itorouoka ahi himangoka. Angamoi ngini o Yerusaleemoka nidoa-doa nia tau ma lokuiye la dakenangoka nimahuba-huba nia jou-jou ma homoaika. Abe utu nitobatufu-tufuku o manyanyi ma oraha nimahuba o muru-murumika, de nagaoo o ngokere ma huhuba o angguru ma hofokino abe nimahihuba o jou-jou utuika. De gea ma titi hiadono ahao tinihohowono nginika.’”

Matiusu 10:27

Ho ngini kiani nitomoroini hiadono ka ihikaika ahi abari niahingahu-ngahu o nyawa-nyawaika. De ngaro ahi demo abe tinihingahu ko o nyawa manga himangokaua masara ka ngini de Ngohi dika, ma gea ahi demo nihingahu-ngahu. Abe ngaro ahi dodotoko abe ka ngini dika niihene, ma kiani gea nihiabari o nyawa mata-mataika ka hiadono o dunia ma amokika!”

Matiusu 24:17

Abe nako ngini utu naga nia tau ma poretoka, ufa ka niwohamohi nia tau ma goronaika de niato, ‘Ahi kiahonanga ma hohutulu toleohi jai-jai.’ Gea ufa, ma kiani niloara dika o loku-lokuika.

Matiusu 5:28

De gea igoungu, masara Ngohi tato ka onangua dika yahowono. Angamoi o nauru onagona dika abe womalega o nyawa manga fekatika de ai badanga ma hafini ipuda ai hiningaka hiadono woigo la yomakitigi de muna, gea imaketero dika abe hoka wahowonoka ai badangoka ngaro tanu ai hiningaka dika.”

Hidingoto 10:9

De ma dawangeino de ona yaruange gea ngade-ngade yomahiadono o Yope ma kapongika. Masara ko yomahiadonuahi de doka o Yopeoka o Peturusu wodoaiye o tau ma lokuiye abe ma baka-baka gea la womaniata genangoka. De itigioka o wange ikorona

1 Peturusu 4:7

De naa tinihihohininga nginika abe o dunia ma bobaha itigioka. Ho mangale gea itigioka ho ngaro o kia dika niohimanga masara ngini nimatongohono ma dorouino de nihidodiai la ka ihikaika nimaniata.

1 Yohanese 2:16

De gea ko iwidoraua angamoi o dunia ma hininga mata-mata duru imakalawana de to Ma Jou ai hininga. Abe nako o dunia ma hininga gea naga ma dumutu hange. Abe hoka moi o nyawa manga hininga ma hafini ma dorouika, de naga moioli abe o kia dika naga manga lako yamake de gea yoigo yomahitoona, de naa moiohi abe o dunia ma hininga hangeino, de gea o nyawa manga sade ma titi manga kiahonanga ato bari iwoe de manga wowango ma gogere hatoli ikurutiye ho hiadono genangino de yomasade. Ho o dunia ma hininga gea duru ko o Babakaua de aino iboa masara ena gea ihititi ka o duniaka dika. De gea ma titi hiadono o nyawa abe yodora o duniaika de gea ona ko iwidoraua o Babaika.

1 Samuele 9:25

De o ngolo-ngolomo gea ibooto de ahao yolio o kotauku de o Samuele wihidiai o Saulu ai ngingidu ma ngi daku o tau ma poretiye abe genangoka yomahidodogumu.