2 Samuele 11:11 - Ma Jou ai Demo-demo o Totobelohoka

¹¹ De o Uria wopaluhu wato, “Ngaro Ma Jou o Yawe ai Behehongo ma Peti, de ngaro o Isiraele ma tentara, eko o Yehuda ma tentara, ona mata-mata yomatau o ngoerino dika. De ngaro nanga tentara ma hidimono o Yoaba, de abe utu nanga hidimono iwiduhunu, masara to onangoo manga ngidu ikangela ma hoanoka dika. Ho gea duru ko itiaiua nako tomahiaini tososanangi dika ahi tauoka la tolomo, de tokere, de tomaidu de ngohi fekata! Ahi koano, ngohi naa duru tagoungu tonihibehehongo, ngohi duru toluku hokogea todiai abe ko itiaiua!” Hokogea o Uria ai demo duru de ma buturungoka o koanoika.

2 Samuele 11:11 ပူးပေါင်းရင်းမြစ်များ

2 Samuele 11:10

De ahao o Dautu ai gogilaongo iwihingahu manga koanoika ato, “O futu o Uria ko wolioua ai tauika masara womaidu ngomioka dika.” De ahao o Dautu wileha o Uriaika wato, “Maraioka ngona o futuika duru iniboleoka ani dodagino ho adodoa ho ngona ko nolioua ani tauika la nososanangi nomahiaini?”

2 Samuele 7:2

De o wange moiuku Ma Jou ai uru ma dodofanga o Natana una naga o Dautu ai datekoka de o Dautu witemo o Natanika, wato, “Abeika, ngohi naa togogere o tau duru ma rorahaioka naa. De ahi tau yodiai o gota o semaraino abe ka enangohi duru iumuru de duru irahai masara abe Ma Jou o Yawe ai Behehongo ma Peti, ena ka igogerohi o tau ma goronaka abe ka o ngoerino dika.” Hokogea o Dautu ai hininga womahingahu.

2 Samuele 7:6

Masara Ngohi hokonaa. Ngaro abe ma dihira o Isiraele ma nyawa tahihupu o Mesiiri ma tonakino de ka hiadono o wange naa masara Ngohi ma ngoe tomaturuuru ho ko ma moiuahi tomanoa o tau ma gou-goungu ma goronaka. Hokogea ma dekana Ngohi o tau o ngoerino dika ma goronaka abe togogere ti ngini nia hidogoronaka.

Gegetongo 32:6

De o Musa wapaluhu onangika wato, “Ho! Ngini niato bote ka idadi nimanoa naangoka dika masara ti ngini nia gogianongoru mata-mata kiani yogila-gila de yaparangi nanga musuika?

Yohanese 13:14

De angamoi Ngohi nia baluhu de nia guru, ho abe todiai ibooto naa, nia lou takokiihoroka, ho nginioo kiani nimakokiihoro ti ngini homoi-homoiika nia lou.

2 Timotiusu 2:12

De mangale ma titi nako ngone abe ma oraha inahikangela de homatongohono de nanga hininga ma dongohono, ho gea hohioriki abe ahao ngoneoo hahikoano de de Una. Abe ma titi ahao naga ma oraha Una woboali de wahikoano o dunia ma nyawa mata-mataika. De ma oraha gea ngone mata-mata abe ma dihiraino nanga kangela ma goronaka de homatongohono ho ko horehenua Unangino, gea ngoneoo ahao o nyawaika hahikoano de de Una. Masara nako ahao idadi abe ngone hotemo hato ko hihiorikua de ko iwa nanga gogao Unangika, gea Unangoo ahao wonatemo ngoneino wato ko wonahiorikua de to Una ai gogao ngoneino ko iwa.

1 Samuele 1:26

De o ngo Hana mihihohininga unangika mato, “Ahi baluhu Eli, tomahilooa marai ko nohihiningaua? Duru tagoungu, ngohi naa o ngofeka abe ma dihira ngohi ani himangoka nohimake nenangoka tomaniata ma oraha ngohi duru de ahi hininga ihuhaholi tomagahoko Ma Jou o Yaweika.

1 Samuele 14:18

Ho o Saulu wihuloko manga hidemo ma nyawa o Ahiaika wato, “Ngona nainohi de naoino ani baju o efodo gea la ka idadi hohioriki Ma Jou ai hininga ma mau.” Hokogea wihuloko angamoi ma oraha gea o Ahia abe womahinoauku ma efodo gea o Isiraele ma nyawa manga hima-himangoka.

1 Samuele 17:55

De abe kanganoinohi ahao ma oraha o Dautu woaguru manga himangoka la yomarihimanga una de o Goliata de manga koano o Saulu wilega-lega unangika. De ma koano wileha ai tentara ma hidimono o Abaneraika wato, “Una gea ma goduuru to onaguna ai ngofaka?” De o Abanera wipaluhu unangika wato, “Ahi koano, naa tagou-goungu tonihingahu abe ngohi duru ko tihiorikua!”

1 Samuele 20:3

Ho o Dautu wopaluhu wato, “Ahi geri, tomahilooa, masara ani baba una wonahioriki abe ngona de ngohi duru homaketedodiawo de marai ko woigoua ngonaika wonihihuha de ai hidee ngohino gea, ho marai gea ma titi hiadono ko wonihingahua. Masara ngohi naa tonihibehehongo de o koboto, abe ahi behehongo ma demo duru igoungu angamoi tapake Ma Jou o Yawe ai romanga, ho duru imaketero hoka Ma Jou igoungu wowango, de ngonaoo igoungu nowango, to ngohi ahi behehongo ma demo nenanga enangoo duru ma gou-goungu. Abe ngohi naa ahi aguru moiokahi dika de ahi honenge ma boditoika tadonoka!” Hokogea o Dautu wihingahu o Yonatanika.

1 Samuele 25:26

De naa ngohi tamake duru itararono abe ani Jou o Yawe Una duru wonidatoko la ufa hiadono ngona natoma o nyawa, de ufa hiadono ngona ma hirete nomahibalaha onangika. De ngohi naa duru toigo de tonganono la ani musu mata-mata abe inihidee itorou ngonaika ahao manga hohowono duru itubuho yadaene onanguku. De gea kiani o Nabala unangoo iwidaene de ai hohowono duru itubuho gea.

1 Samuele 4:4

Ho yahuloko manga hidingoto ma nyawaika la yoiki o Silo ma kotaika de Ma Jou o Yawe ai Behehongo ma Peti yale. De Ma Jou abe ka Unangohi Wopoputurungu womanoa ai Behehongo ma Peti ma dadamunu ma lokuoka. De naa o Behehongo ma Peti gea yale de o Eli ai ngofa-ngofaka o Hofini de o Pinehasa naga Ma Jou ai Peti ma ngioka de ahao yaduhunu ona ho Ma Jou ai Peti yahidongotaka o parangi ma ngiika gea.