2 Samuele 10:8 - Ma Jou ai Demo-demo o Totobelohoka

⁸ Ho o Amono manga tentara mata-mata yohupu manga kotaino de yomahikaaturu duru ma kota ma ngorana ma himangoka. De abe ma tentara o Siria ma tonakino de o Toboino de onangoli abe o Makaino, ona gea mata-mata yomahikaaturu doka o tonaka ma homoaka de yomahidiaioka la yomaketeparangi de o Isiraele manga tentara.

2 Samuele 10:8 ပူးပေါင်းရင်းမြစ်များ

2 Samuele 10:6

De ahao o Amono ma nyawa iwihioriki abe o Dautu duru wangamo onangika, ho yomahidiai la yomaketeparangi de o Isiraele ma nyawa. De gea yomahiketehibehehongo de o tonaka utuika manga nyawa abe yahewa manga tentara ma nyawa la ka idadi yomakuduhunu yalawana o Isiraele ma nyawaika. Ho o Siria ma tonaka manga nyawaino yahewa yasana monaoko abe yogogere o Bete Rehobo de o Soba ma kapongoka. De ahao o tentara yasana ngimoi de yasana hinooto yahewa o Tobo ma kapongino. De nagali abe yomahiketehibehehongo de o Maka ma nyawa manga koano la yahewa to una ai tentara ma nyawa yasana moi.

2 Samuele 10:7

De ipahaino abe ma oraha o Dautu woihene ma titi o Amono ma nyawa manga behehongo gea de o nyawa utuika de una wahidingoto o Yoaba de ai tentara mata-mataika la yomaketeparangi de o Amono ma nyawa gea.

2 Samuele 10:9

De ahao o Yoaba womalegaika de wamake ai musu manga ngi hinooto o kiaka yomahidiai de wahioriki abe manga musu utu ahao ai himangoka de utuoli ahao ai poretoka. Ho una waregu ai tentara ma nyawa de wairiki utu onangino abe duru yojago / yososawaro yoparangi la ahao yomakiniiki de de una o parangi ma goronaka. Abe una ai hidee la wahihira-hira ona gea la yomaketeparangi de o Siria ma nyawa o homoa ma tonakoka.

1 Kokoano 11:24

De ma dihiraino gea de o Dautu de o Hadadesere ona yomaketeparangi hiadono o Dautu wahikala onangika. De o Hadadesere wokalaka de ahao o Resono de ai nyawa yoara o Siria ma kota ma mayoika abe ma romanga o Damasiki. De genangoka ahao o Resono unangoli iwigoraka la wodadi o Siria manga koano.

Gegetongo 13:21

Ho gea o Musa wahibehehongo ibooto de ona yangimoi de yahinooto gea yosobo. Ona o Kanani ma tonaka ma batingoka daku de yauku yatotailako ka hiadono dau ngade-ngade o Kanani ma batinguku. De manga dodagi yaniiki ma oraha yakauku, genangika yaniiki o tonaka ma kakaahaika ma romanga o Sini. De o Negebe ma tonaka ma kakaahaka enangoo yoboa genangika ka hiadono yomahiadono ma ngi moi ma romanga o Rehobo abe imakadateke de o Lebo-Hamata. Ma kapongo gea dau abe imahitigika de ma dola abe genangoka o Hamata ma kota imanoa. Ngade-ngade o Kanani ma batingoka dau gea yomahiadono de yolioli manga poretika masara yololiti doka ma honongali. De ahao yakaiyeoli hiadono o Heborono abe ma dihira yotulu genangoka de ahao yogila-gila ho naa ma oraha yolio de yotuluoli genangika. O Heboronoka o Enaka ai ngofa-ngofakuku de ai dano-danonguku yogogere abe manga romanga o Ahimana, o Sesai, de o Talamai. O kota o Heborono duru ma dekanoka abe gea ihigoko o taongo tumidi ma dekana ibooto de ahao o Mesiiroka manga kota ihigoko ma romanga o Soana abe enangoo duru ma dekanoka.

Hihira 1:31

De nako o Asere ma nyawa manga tonakoka de ko yahikalaua o Kanani ma nyawa abe yogogere o kota murunoka. De ma kota gea ma roma-romanga o Ako de o Sidono de o Alaba de o Akasibi de o Heba de o Afeke de o Rehobo.

Hihira 11:3

Ho ona ai baba ai tauoka o Yefata wanoaika de woara o Isiraele ma tonaka ma batingika de wogila-gila wowohama o tonaka ma romanga o Tobo de genangoka wogogere o Yefata. De ika-ika naga o nau-nauru iwitobadodiawo manga ngoe abe ona mata-mata yatobalawana o nyawaika de hiadono o nyawa utu ko yadafongua la yogogere manga doomuoka. Ho naa ona gea yodadi o Yefata ai dodiawo.

Hihira 11:5

De ona abe yahibaluhu o Isiraele ma nyawa o Gileada ma tonakoka ona yoiki o Tobo ma tonakika de iwitutumu o Yefata de yogahoko la una woboa de waduhunu yaparangi manga musu o Amono ma nyawa gea.