2 Samuele 1:18 - Ma Jou ai Demo-demo o Totobelohoka

¹⁸ De wohitulihuku ipaha de wahuloko la ai nyawa yadoto-dotoko ma dakoro gea o Yehuda ma nyawa mata-mataika. De ma nyanyianga gea ihiromanga “O Toimi” de ihitulihuku o buku moiuku abe ihiromanga “O Totiai ma Nyawa manga Buku.” De hokonaa ma dakoro ma demo abe yonyanyi, ato,

2 Samuele 1:18 ပူးပေါင်းရင်းမြစ်များ

Dodadi 49:8

Ngona o Yehuda, ahao o higiriiri namake ani gogianongoruino, De ani gogianongoruoo ahao yomakokiponuku ani himangoka. Ani musu ahao nahikala abe ahao manga tomaruku nasouku.

2 Samuele 1:19

“Hiokoo ngone o Isiraele ma nyawa, Angamoi to ngone nanga hihira abe homahingano-nganono onangika, Abe duru ma titi ona gea hiadono ngone homorene, Ona yorubaka o loku-loku ma geleforino angamoi yohonengoka, Ho duru nanga hininga ihuhaholi.

Higalioli 4:10

Abe ufa hiadono ngini niawohanga ma oraha nimakokitoomuino o Sinai ma lokuoka. Gea ngini mata-mata naga Ma Jou o Yawe ai himangoka angamoi Una wohihuloko wato, ‘Ngona kiani o nyawa mata-mata gea nakokitoomuino ahi himangoka la Ngohi ma hirete tadotoko onangika ahi demoino. De gea ka idadi yototoihene de yomadotoko la ahao ona ka idadi naga manga horomati itagi Ngohino. Ho ona ihihingounu Ngohino ka hiadono manga wowango ma bahaika, de hongoli ona ka idadi yadofanga de yadotoko ahi demo gea manga ngofa-ngofakika la onangoli manga horomati itagi Ngohino.’ Hokogea to Una ai demo, ho ngohi tiniahoko la ngini mata-mata nimatoomuino.

Yosua 10:13

De idadi duru imaketero de ai demo gea, abe ma wange de ma mede duru ko igila-gilakauahi ka hiadono o Isiraele ma nyawa yahikalaka manga musu. Yahikala ipaha de ahao ka idadi ena gea itagiokali abe hoka ma biaha ka ihikaika itagi. De ma datoro gea ihitulihuku o buku moioka abe ma romanga o Yasara ma Buku. Abe o wange moi ma gahumu gea de ma wange duru ko itagiokauahi masara ka imanoahi duru o dihanga ma gogoronaka, ho duru ma dekana abe gea ko itumunuahi.