2 Peturusu 3:5 - Ma Jou ai Demo-demo o Totobelohoka

⁵ Masara abe ona yomia-mia Ma Jou ai demoika de gea duru yangofuoka ma gurutika, de gea ma titi naga moi atamunuku manga hiningaka angamoi ona ato borotaua de yafikiri genangika. De gea ma titi abe hokokia ma amoko Ma Jou ai demo ma kuaha wonahimatokoka ma dodihiraino. Angamoi ngone hohiorikoka abe duru ma deka-dekanuku abe Ma Jou wohidadi o dunia naa de ma dihangoo, de gea wohidadi ma titi ai demoino dika ai uruoka de aino ihupu. De ma dunia naa wahuloko la o ngootoka de aiye ipuda, de ma ngooto gea wapake la ka idadi ma dunia ma rupa idadi.

2 Peturusu 3:5 ပူးပေါင်းရင်းမြစ်များ

Dodadi 1:6

De ahao Ma Jou womatemoli wato, “Ngohi toigo la o akere ma ngooto naa idadioka o regu hinooto abe imakitingaka la ma hidogoronaka naga ma hoana.” Hokogea Ma Jou waregu la o ngooto ma akere ma regu moi atumungu daku ma hoana ma lokuiye de ma akere ma regu moioli gea dau ma hoana ma timiuku. Hokogea wotemo de hokogea idadi.

Dodadi 1:9

De ahao o wange ma hangeokali Ma Jou womatemoli wato, “Ngohi toigo la o dihanga ma timiuku o ngooto ma akere gea kiani ihahuru o doomu moiika dika, la o tonaka ma dudungu naga.” Hokogea wotemo de hokogea idadi.

Higiriiri 24:2

Abe Una gea wohidadi la ai dulaada imaparakuku / wohigoko dau ma gahi ma dowongiuku, la to ena ma dengeoti duru dau o akere ma timiuku.

Higiriiri 33:6

Mangale ma titi Ma Jou o Yawe ai uru ma demo dika de ma dihanga imadadi, o demo moi dika ipaata ai uruino de o murumu mata-mata watulaada.

Roma 1:28

De ona gea yomaputuhoka ato ko iwihiningakauali ma titi Ma Jou. Ho mangale ma titi manga hiningaka hokogea yomaputuhu, ho Ma Jouoli womaputuhu ma titi ona abe wahidoaka onangika la to ona manga hiningaka gea yotula-tulaka dika, abe manga datoro gea duru ko itiaiua.

Kolose 1:17

De o dulaada mata-mataika gea ko wotulaadauahi de Una nagau. De duru Una gea abe o dulaada mata-mataika wohiaturu de ka ihikaika wasoino la ufa hiadono imahikabarihi. Abe nako ko o Kristusua, ma dulaada gea ahao imahikabarihi. Ho nako o Kristusu de o dulaada mata-mataika, masara ka Unangohi duru wokurutiye.

Ibarani 11:3

De gea to ngone nanga ngongakuino ma titi hiadono ka idadi homangaratii abe o dunia naa Ma Jou wotulaada ai demoino dika. Angamoi ai dulaada abe naa ka idadi hamake de nanga lako, gea idadi ai kuahaino abe ai kuaha gea duru ko idadiua hamake. Ho gea nako hoka ngone ko iwa nanga ngongaku, gea ko idadiua homangaratii abe ai dulaada naa o kiaka de aino idadi.