2 Peturusu 1:21 - Ma Jou ai Demo-demo o Totobelohoka

²¹ Angamoi nako Ma Jou ai hingahu ma demo, gea duru ko moiua la o nyawa manga mauoka de aino iboa, masara gea mata-mata Ma Jou o Womaha abe wahilufungu o nyawa manga hiningaka de ai kuaha de wahingahu ai demo onangika, de ahao onangoli yadofanga o nyawaika, de hokogea Ma Jou wotemo manga uruoka de aino. Ho koaho ngini duru nitotoihene ma demoino gea.

2 Peturusu 1:21 ပူးပေါင်းရင်းမြစ်များ

2 Samuele 23:2

“Ma Jou o Yawe de ai Womaha watemo o nyawaika, De wapake to ngohi ahi uru la to Una ai demo wahidoaka onangika.

1 Kokoano 13:1

De duru ma oraha gea Ma Jou o Yawe ai hohowono ma hingahu wihidoaka ai uru ma dodofanga womatengoika, abe ai hohowono ma demo gea kiani wapake o Yerobeama ai huhuba ma ngi iharo-harongika. De kiani ma hingahu ma demo gea wohidemo duru o huhuba ma ngi ma himangoka abe naga o Yerobeama wodiai o Betele ma kotaka. De gea Ma Jou ai uru ma dodofanga naga o Yehuda ma tonakoka ho wosobo woiki o Betele ma kotaika. De ka de womahiadono o huhuba ma ngiika o Beteloka gea de o Yerobeama naga womahigokoino genangoka duru ai huhuba iharo-harongo ma ngi ma himangoka abe una womahidiaioka o huhuba abe bootino ahao wahihuba.

1 Kokoano 17:18

De muna duru mohuha ho mileha o Eliaika de ami huha ma demo, mato, “Abeika ngona naa Ma Jou ai uru ma dodofanga ho done hokonaa abe ngona noboaino la nohihidumutu abe ngohi ahi howono de hiadono nato ahi ngofaka naa nihohonenge, eko sarakia?” Hokogea ngoi meme motemo.

1 Kokoano 17:24

Hokogea wotemo de muna mihingahu o Eliaika, mato, “Naa duru tonihioriki abe ngona igoungu Ma Jou ai nyawa abe Una wonipake. De tohioriki ani hingahu duru Ma Jou o Yaweoka de aino ho duru igou-goungu ani demo.” Hokogea Ma Jou wihitaana munangika abe o Elia gea Ma Jou ai uru ma dodofanga.

2 Kokoano 4:22

De ahao ami hingahu mihidingoto ami rokatika, mato, “Kiani nanga gilaongo womatengo de o keledai moi nihidingoto ngohino abe kiani tapake la duru tomataiti toiki titutumohi nanga dodiawoika, Ma Jou ai nyawa gea. Ngohi taika de ahao duru tomataiti tolioli naangino.”

2 Kokoano 4:7

De ahao muna de ami garago mihingahu Ma Jou ai uru ma dodofanga, o Elisaika, abe mata-mata idadioka, de una womihibehehongo, wato, “Naa o saitunu ma minya gea duru to ngona dika ho ka idadi nafukunu de napake ani tiwi genangino la nofangu ani nagimi. De ngaro hokogea nofukunu masara nagahi ani saitunu ma minya ma hou ma amokohi la genangino ngona napake abe ngona de ani ngofa-ngofaka ka idadi nimahidailako ti ngini nia perelu.” Hokogea o Elisa womiduhunu de o heheranga.

2 Kokoano 4:9

De ipaha muna ami hininga mihingahu ami rokatika, mato, “Ngohi tato una gea abe ma moi ma moi womidulu marai una o nauru abe ai wowango womadingakoka Ma Jouika.

2 Kokoano 6:10

De o Elisa ai hingahu gea ahao o Isiraele manga koano wadofanga ai kokawaahaika abe ahao manga musu gea yangohama onangika. De wahitiari abe o Arama ma tentara manga hidee yomatohiki la yangohama de yaparangi ho kiani ona duru ihidodiai abe yogoa-goana. Hokogea ma muruono naga abe Ma Jou ai uru ma dodofanga manga musu manga hidee wohirusaka. Abe una wihingahu o Isiraele ma nyawa manga koanoika ka hiadono o Arama ma nyawa manga koano ai hidee ka ihikaika wohirusaka.

2 Kokoano 6:15

Ho duru o ngoru-ngorumino abe itawange itiai de o Elisa ai duduhunu womomiki de wamake hokogea manga musu yahigilolitoka abe de manga tentara duru de manga buturungoka angamoi manga goroba parangi de manga kuda ma ngoe, ho duru wohawanoka. De wolio wihingahu o Elisaika wato, “Ahi baluhu, abeika manga hidee naa ho done sarakia homaduhunu?”

Gegetongo 16:28

De ahao o Musa wotemoli wato, “Naa adonoka ma oraha abe ngini niamake nako ahi karajaanga abe nihigurubungu gea o karajaanga abe ngohi dika tomahihohiningaiye de todiai eko gea Ma Jou o Yawe abe wohihidingoto de wohihikarajaanga hiadono ngohi todiai.

Maruku 12:36

Masara Ngohi tinileha, done sarakia hiadono nanga Mesia gea ka o nyawa biaha dika? Angamoi o Dautu una ma hirete wihiromanga de wigorakiye nanga Mesiaika gea wato, ‘Ahi Baluhu idodutu.’ Ho nako o Dautu wigorakiye o Kristusu wato ai Baluhu, gea itararono abe nako o Dautu de o Kristusu de kiani ka o Kristusohi duru wokurutiye. Angamoi abeika to Dautu ma hirete ai demo-demo abe ma dihira wotulihuku, wotemo wato, ‘Ma Jou o Yawe wotemo ahi Baluhu idodutuika wato, “Naino nogogere ahi nirakoka la ngone hohikoano mata-mataika ka hiadono ani musu gea duru manga hingounu naga Ngonaika.”’ Hokogea ma dihira o Dautu waturu to Ma Jou ai demo abe gea witemo o Dautu ai Baluhu idodutuika. De gea ko to Dautua dika ai demo, angamoi Ma Jou o Womaha wihihira-hira o Dautu hiadono ai demo gea wohitulihuku.”

Lukasa 1:70

De nanga Duduhunu gea woboa duru imaketero hoka Ma Jou wonahibehehongoka, Abe duru ma dodihiraka ngoneino wonahingahuoka, De gea wapake ai uru ma dodofanga manga hingahu ma demoino.

Hidingoto 1:16

“Ahi gogianongoru, abe idadioka naa ma duru o Yudasika, gea kiani idadi unangika duru imaketero abe hoka Ma Jou o Womaha wonahingahuoka to Una ai Demo-demoino. Abe duru ma dodihiraka nanga tofora o Dautu ai uruino wonahingahu ma titi gea. Abe o Yudasa una wodadi to ona manga hihira abe ma doomu gea yoboaino de iwitaoko o Yesusu de iwiaoika.

Hidingoto 28:25

De onangoka naga abe yomaketeloliliara ma titi o Paulusu ai dodotoko ma demoino, de hatoli manga dekana yomakoketemo de yomaketeribuutu. De ma bahauku de o Paulusu wahingahu onangika o demo moiokahi abe wahitiari wato, “Ma dodihiraka de Ma Jou o Womaha duru wagoungu abe ma titi ngini utu nia pea ma dogowini. Abe ma oraha gea Una wotemo Ma Jou ai uru ma dodofanga o Yesaya ai uruino. De ma oraha gea Ma Jou o Womaha wotemo nanga totoforaika wato,

Hidingoto 3:18

De gea tanu Ma Jou wapake ti ngini nia datorino la ai demo mata-mata wohingodumoka. Abe ma dihiraino de wonahingahuoka ai uru ma dodofangino abe wato gea ma kokangela ahao kiani idadi Ma Jou ai Behehongika, abe ma titi ai Mesiaika. De gea Ma Jou ai demo mata-mata wohingodumoka ma titi ti ngini nia datorino.”

Higalioli 33:1

Masara ko wopahauahi de Ma Jou ai uru ma dodofanga o Musa wahiowa o Isiraele ma nyawaika. De hokonaa to una ai hiowa ma demo onangika, wato,

Ibarani 10:15

De abeika ngaro Ma Jou o Womaha ma to Unangoo ai demo imakiniiki de ahi demo ma dumutu abe ahao naa nibasaka. Abe ma dodihiraino ai demo naa ihitulihukuoka, wato,

Ibarani 3:7

De ngaro ngone hodadioka to Una ai nyawa, masara kiani ngone ka homahitiariohi la ufa horehene Unangoka de aino. Angamoi abeika Ma Jou o Womaha ai higaro ma demo abe ma dodihiraino ihitulihukuoka, ato “O wange naa ti ngini nia Jou ka winitemohi nginika, ho abe ma oraha ai demo ma ilingi ngini niihene,

Ibarani 9:8

De ma hiaturino gea de Ma Jou o Womaha wonahitararono ngoneino abe nako ma dodihiraino ma oraha Ma Jou ai Tau ihira gea ka yapakeohi, gea ko idadiuahi o nyawa kawaaha yowohama ai Ngi duru Kohamedebini ma goronaika.

1 Peturusu 1:11

Angamoi ma dodihiraino gea de o Kristusu ai Womaha abe naga Ma Jou ai uru ma dodofangoka, Una gea wahitararonohi onangika abe ma titi ahao o Kristusu kiani iwihikangelahi de ipahaino ahao idadi ma utumu kohaamoko abe ai kokangelaino. Masara gea ko itararonuahi Ma Jou ai uru ma dodofangika abe ahao hokokia idadi eko muruonoka ahao idadi Ma Jou ai hidee gea, ma enangoo ma ko ihiorikua. Ho ona manga hiningaka de duru yomalingi-lingiri la utuohi ihioriki abe Ma Jou ai hininga ma owa ngoneuku.

Himatoko 19:10

Ho ka de wohitemo hokogea de ngohi tomamotumukuoka o malaekata gea ai louoka la tato tomahuba unangika. Masara una wohitaere ngohino wato, “Ufa hokogea nodiai! Ngona kiani Ma Jouika dika nomahuba. Angamoi ngohi naa to Una ai gilaongo abe imaketero hoka ngonali de abe hoka nanga gogianongoru utuoli abe ngone homoi-homoi hahingahu-ngahu o Yesusu ai ade-ade de duru hahigaro o nyawaika la hato ona ka idadi iwingaku Unangika. Angamoi ma hingahu ma demo abe yahigaro o nyawaika la iwingaku o Yesusika, ena gea ma hirete abe yahiakunu Ma Jou ai nyawaika la ma abari gea ka idadi yahingahu-ngahu o nyawa utuika.” Hokogea o malaekata ai demo ngohino.