Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Peturusu 1:17 - Ma Jou ai Demo-demo o Totobelohoka

17 Abe gea ngomi wiwimake abe ma oraha nanga Baba Ma Jou wihidoaka Unangika o horomati duru kohaamoko. De genangoka Ma Jou abe duru de ai medebini ma dararonoka Una wotemo wato, “Naa to Ngohi ahi Ngofaka de duru tidora. De Ngohi duru tisanangi Unangika.”

အခန်းကိုကြည့်ပါ။ ကော်ပီ




2 Peturusu 1:17
36 ပူးပေါင်းရင်းမြစ်များ  

De Ma Jou o Yawe wotemo wato, “Abeika naa Una ahi Huhuloko, Una abe Ngohi tihiputurungu. Abe Ngohi tiirikoka Una de duru tidosanangi Unangika gea. De Ngohi tihidoakoka ahi Womaha Unangika la Una duru de ai kuahaka, de Una ahao wahingahu-ngahu o dutu mata-mataika ma titi abe ma ngekomo hokokia la ka idadi ona yamake to Ngohi ahi totiai onangika.


Masara ai kangela mata-mata gea Ma Jou o Yawe ai mau imakiniiki. Gea Ma Jou o Yawe abe wihidatapaluika de o huha de o kangela duru kohaodiri gea. De hokogea una womahidoaka la wodadi o huhuba abe aofi o nyawa manga howono mata-mataika. De angamoi wahihohe manga howonino hiadono o nyawa manga ngoe yomahinganono unangika ho genangino ona yahiromanga to una ai ngofa-ngofaka de ai dano-danonguku. De ngaro una ko iwiperekiuahi de ai wowango atoakoka de o hone-honenge, masara ai hingounino Ma Jou ai mauika hiadono una wamake ai wowango duru ma dekana. Abe gea una wohidagi Ma Jou o Yawe ai hidee o nyawaika la wahihohe manga howo-howonino.


“Abeika naa Una ahi Huhuloko abe Ngohi tiirikoka. Abe Ngohi duru tidora de tidosanangi Unangika gea. De Ngohi ahao tihidoaka Unangika ahi Womaha la Una duru de ai kuahaka, de Una ahao wahingahu-ngahu o dutu mata-mataika ma titi abe ma ngekomo hokokia la ka idadi ona yamake to Ngohi ahi totiai onangika.


De ka itodokanino de o Musa de o Elia onangoo naga genangoka de yomakoketemo de o Yesusu.


De o Peturusu wotemo ai gogiriaka de o lobi moi ma dararono yakokihawoka. De ahao Ma Jou wotemo de yoihene o lobioka de auku o ilingi abe wotemo wato, “Naa to Ngohi ahi Ngofaka abe duru tidora Unangika de duru tisanangi Unangika, ho kiani ngini niwihigihene Unangika.”


De mangale ma titi ma oraha naa de o kuaha mata-mata naga ahi giamoka ho Ngohi ka idadi tinihibehehongo de tinihitagongo hokonaa nginika. De tinihitagongo la ngini niloiki o dunia ma amokika de nihiabari ma titi Ngohi o nyawa mata-mataika la onangoo ka idadi ihinii-niiki Ngohi. De ona abe ahao ihinii-niiki, ngini niaohiki ona la genangino ona yomahitunguu abe ona gea duru yomatingakoka de Ma Jou o Baba, de Ma Jou o Ngofaka, de Ma Jou o Womaha.


De nagali woihene o ilingi moi o Horogauku itemo ato, “Una naa ahi Ngofaka abe duru tidora de duru tidosanangi Unangika.”


De nagali o ilingi o Horogauku itemo ato, “Ngona naa ahi Ngofaka duru tonidora de duru tosanangi Ngonaika.” Hokogea Ma Jou o Baba wotemo.


De ahao yamake o lobi abe yakokihawoka o Yesusu de o Musa de o Elia. De ahao Ma Jou wotemo abe yoihene o lobino ma ilingi itemo ato, “Naa to Ngohi ahi Ngofaka de duru tidora, ho kiani Unangika niwihigihene.”


De ahao o Yesusu wotemoli o nyawaika abe naga Unangoka wato, “Ahi Baba wohihidoakoka o kuaha Ngohino la mata-mataika imanoa to Ngohi ahi giama ma hoatoka. De Ngohi naa Ma Jou ai Ngofaka, ho Ngohi naa de ahi Baba duru mimahikoriki. De ko iwa utu abe duru ihihioriki Ngohino imaketero hoka ahi Babali wohihioriki. De ko iwa utu abe duru iwihioriki ahi Babaika, bowahu Ngohi naa ai Ngofaka. Masara nagali o nyawa abe o Baba tahimatoko onangika la ka idadi iwihioriki, ho ka Ngohi de ona dika abe wiwihioriki o Babaika.”


De ahao Ma Jou o Womaha wouti o Yesusuku abe hoka o namodaara de iwidangi Unanguku. De nagali o ilingi o Horogauku itemo ato, “Ngona naa ahi Ngofaka abe duru tonidora de duru tonidosanangi Ngonaika.” Hokogea idadi abe ma oraha o Yesusu iwiohiki.


Gea mimahikoriki Ngohi de ahi domba imaketero hoka o Baba de Ngohi duru mimahikoriki abe Una duru wohihioriki Ngohi de Ngohioo duru tihioriki o Baba. De gea ma titi hiadono tomahidoaka ahi wowango la ahi domba ka yowango.


“Ho abeika nimafikirohi ma titi naa Ngohi. Abe Ngohi naa o Baba womadingakoka Unangika de wohihidingoto o duniauku naa. Ma, ka de tinihingahu tato, ‘Ngohi naa Ma Jou ai Ngofaka,’ de ngini niato tingelo Ma Jou. Adodoa ho nihitae niato tingelo Ma Jou?


Ngini kiani ahi demo niangaku abe hoka totemoka tato, ‘Ngohi togogere ahi Babaka de ahi Baba wogogere Ngohioka.’ Abe ngini naa ma dekanino nihinii-niiki ho ahi dodunguu o Babaino todiai niamakeoka. Ho ngaro ahi demo ko niangakua ma nginioo nihimake abe o heheranga todiaioka de gea to Unangoo ai dodunguu niamakeoka.


De o Yesusu womahingahu onangika wato, “Ngohi naa ma ngekomo Ma Jouika, de Ngohioka ma titi ma gou-goungu, de Ngohioo o wowango ma ngango ma titi. Ho ko moiua yoboa ahi Babaiye nako ko Ngohinoua yoboa.


Ho Baba ona gea takokigahoko la duru yodadioka moi Ngoneoka imaketero hoka Ngona naga Ngohioka de Ngohi naga Ngonaka. Hokogea tagahoko la ahao o dunia ma nyawa yamake manga rimoi manga wowangoka de yangaku abe Ngona igoungu nohihidingoto Ngohi.”


De ahao o Yesusu womihingahu wato, “Maria, ma oraha naa ko idadiuahi nohigagaoika angamoi Ngohi ko toliouahi o Babaiye. Ho naa ngona noikohi abe ahi doo-dodotika natutumu de naga ahi demo abe nadotaka onangika. Ho ngona nahingahu nato, ‘Nanga Baluhu wato, “Ngohi ahao togoraka daku to Ngohi ahi Babaiye de ti nginioo nia Babaiye.”’ Hokogea ahi behehongo abe toigo la ngona nadofanga onangika.”


O Baba duru widora Ma Jou o Ngofakika de wihidoaka Unangika o kuaha la hiadono ko iwa moi abe ko idadiua wohipareta.


Angamoi ahi Baba duru wohidora Ngohino ho wohihimatokoka to Una ai karajaanga mata-mata ingodumu Ngohino. Masara utuohi ilamoko wohihikarajaanga Ngohi naa hiadono ngini ahao niamake gea todiai de ko idadiokaua nitemo angamoi ka niherangaholi.


Angamoi duru imaketero hoka o wowango ma titi ahi Babaka, Una wohihidoaka ai kuaha Ngohino hiadono hokogenangoo o wowango ma titi Ngohioka.


Ufa o roti abe ka iwedere dika nialingiri, ma kiani nialingiri o roti abe ko iwederua la gea inihiwango ka hiado-adonika. De o wowango gea ahao Ngohi o Nyawa ma Ngofaka ka idadi tinihidoaka, angamoi Ma Jou ahi Baba wohihitunguuoka Ngohino de ai kuaha abe duru wohisanangi Ngohino.”


Masara o nyawa mata-mata abe o Baba wohihidoaka Ngohino, de onagona dika abe yoboa Ngohino, ona gea duru ko moiua de ka idadi taoluku.


De to Baba ai mau la o nyawa abe wohihidoakoka Ngohino ko moiua de yahihanga, ma, mata-mata tahimomiki ma oraha gea ihiromanga o wange ma baha.


De hokogea ahi gogahoko ma demo ma titi ngini la tato ngini mata-mata nia hininga ka moi dika de hiadono nia demo enangoo ka moi, la duru nimakokutuono niwihigiriiri nanga Jouika. Abe Una gea nanga Baluhu o Yesusu Kristusu ai Baba.


De ngone kiani hihigiriiri nanga Jouika, abe Una gea to nanga Baluhu idodutu o Yesusu Kristusu ai Baba. Ho mangale ma titi gea ho duru itaana abe ngone hihigiriiri Ma Jouika. De Ma Jou Una gea ai dora duru itagi ngoneuku ho o hininga ma dora ma titi naga Unangoka. De Unangoo abe duru wonatobalaru ngoneino ho o lalaru ma titi enangoo naga Unangoka.


De ahi demoino gea de duru ko tinielukua. De Ma Jou duru wohioriki abe ahi demo gea ma gou-goungu dika. Abe Una gea to nanga Baluhu idodutu o Yesusu ai Baba, ho itiai ka Unangika dika ngone hihigiriiri naa de ka hiado-adonika.


De Una gea abe wonahitararono ngoneino to Ma Jou o Baba ai medebini ma dararono. De Una de o Baba duru hoimoi dika manga rupa, abe ma hohutuloo de ko yomakohowonua. De to Una ai dulaada mata-mataika ka Una dika wohiaturu de wapaliara la ka idadi hokogea dika igila-gila. De gea wohiaturu de wapaliara ka to Una ai uru ma demoino ma kuaha ma amokino. De Una gea abe wakokiofioka ngone to Una ai nyawa nanga howo-howono. De gea ai karajaanga ibooto de ahao Una wogogerukuoka Ma Jou o Baba wokokurutiye ai nirakoka, abe ka o Babahi ai kuaha duru kohaamoko. De genangoka wogogeruku la Unangoo womulaenge wahikoano mata-mataika. Ho genangino de ka idadi ngone hamake abe to Ma Jou ai Ngofaka gea duru de ai medebini ma dararonoka, de to Una ai Ngofakino gea abe Ma Jou wipake la ma oraha naa wonatemo-temo ngoneino.


De naa ngohi tonaniata Unangiye de duru tohioriki de tonganono abe ahao Ma Jou o Baba de o Yesusu Kristusu, abe Ma Jou o Baba ai Ngofaka, Una ahao wopaluhu ahi niniata ma demo hiadono wonahiowa ngoneino, de Una wonaao de ai hininga ma dora ngoneino, de wonahidoakoo to Una ai hininga ma miriidi. De tonganono abe ma owa gea mata-mata ahao wonahidoaka ngoneino, de gea ma titi abe ma dodotoko ma gou-goungu haniikoka de abe homakodora ngone de nanga gogianongoru.


Ahi gogianongoru abe ngini Ma Jou winiahokoka nia ngongakuino la winihidadi to Una ai nyawa. Ngohi naa o Yudasa, o Yesusu Kristusu ai huhuloko de o Yakobusu ai dodoto. De naa ahi hurata tohidingoto ngini mata-mataika abe ngini nimanoa Ma Jou o Baba ai dora ma goronaka de abe o Yesusu Kristusu ka ihikaika winigoana nginika.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ