2 Korintusu 9:6 - Ma Jou ai Demo-demo o Totobelohoka

⁶ De naa tohiketero o dora ma hidoaka de o gihiihi abe womatengo wotobaredi wodatomo. Abe nako wodatomo de o gihiihi muruono naga dika, de gea ahao o gugutuku ma oraha adonoka de ma hasili enangoo ka muruono naga dika wamake. Masara nako wotobaredi gea wodatomo de o gihiihi duru ilamoko, de gea ma hasili enangoo ahao duru ilamoko abe wamake genangino. De hokogenangoo de nanga dora ma hidoaka o nyawaika, angamoi nako ma hohutulu dika hahidoaka, ahao nanga hasili enangoo ko ilamokua hamake.

2 Korintusu 9:6 ပူးပေါင်းရင်းမြစ်များ

Sosawaro 19:17

O nyawa onagona dika abe yahidoa-doaka o huha ma nyawaika, gea imakadaene dika hoka iwihibau ai kiahonanga Ma Jou o Yaweika, angamoi Una gea ahao wahibalaha de ma rorahai ona yahidoa-doakika.

Lukasa 6:38

“De naa ma titi moioli ka idadi tinihigaro nginika. Abe Ngohi tato irahai ngini niahidoaka o nyawaika de nia hininga ma rorahaioka de aino. De nako ahi demo gea nianiiki, ahao ngini niamake ma hibalaha abe nginika. De gea ka ma hohutulua dika ma hibalaha ahao niamake, masara abe de ma boloioka! Abe gea hoka ma ngi moi abe duru aomangiye de ahao ka idogohi hiadono ma boloi ikopoauku! De ma duduga o kia dika abe ngini niapake o nyawaika, enangoo ma duduga abe ona yapake ma oraha ihibalaha nginika.”

1 Korintusu 1:12

Abe ahi demo ma titi hokonaa. Nginioka naga utu yotemo ato, “Ngohi o Paulusu tiniiki,” de utuoli yotemo ato, “Ngohi tiniiki o Apoloso,” de nagali utu ato, “Ngohi tiniiki o Peturusu,” de masara utuoli ato, “Ngohi o Kristusu tiniiki.”

1 Korintusu 15:20

Masara ona gea ko yagoungua, angamoi o Kristusu Una gea duru igoungu womomikoka ai honengino. Ho gea itararonoka abe ona yohonengoka ahao ka idadi manga honengino yomomiki, angamoi o Kristusu Una womomikokau. De Una o Kristusu wodadioka hoka o momomiki ma domoro, abe Una duru wohira womomiki ai honengino de ko wohonengokaua. De nako o gota ma hofoko ma domoro, gea o himatoko moi abe ahao naga utuoli itoturuino ma hofoko ma ngoe-ngoe. De gea imaketero abe hoka o momomiki, abe Una gea o momomiki ma domoro. Abe wodadi o himatoko moi abe ahao naga utuoli yohonenge yowoe-woe yototuruino ahao yomomiki abe imaketero hoka Unangoli womomikoka.

1 Korintusu 7:29

Ahi gogianongoru, hokonaa ahi demo ma titi. Angamoi bote nanga oraha ko itedekanokaua. Ho ma oraha nenangoka de imahikaika de ngini abe de nia fekatoka tanu ngini ko idadiokaua ti ngini nia fekata manga perelu niatihira. Masara kiani nia oraha niapake la niwileleani Ma Jouika.

2 Korintusu 9:10

De naa moi tinileha nginika. Abe nako wotobaredi abe ai gihiihi wodatomuku de genangino ahao idadi o nyawa manga inomo, gea ma gihiihi o kiaka de aino iboa? De gea iboa Ma Jouoka dika de aino wonahidoaka. De Unangoo abe wonahidoaka o gihiihi de wohiwangoiye de wohilomuku hiadono idadi o inomo, Una gea abe winihidailako nginika. Ho imaketero abe hoka Ma Jou ka idadi wohilamoko ma gihiihi hiadono idadi iwoe la winihidailako nia perelu, hokogenangoo Una ka idadi wohilamoko ti ngini nia datoro ma rorahai gea. Abe ma titi ti ngini nia dora ma hidoaka abe niato niahidoaka o nyawaika, enangoo Una ka idadi wohilamoko hiadono ma hasili duru kohaamoko.

2 Korintusu 9:5

Ho ngohi tato koaho irahai ona yaruange tatihira tahidingoto nginika la inihigaro ka hiadono niabooto nia hiaturu ma titi nia dora ma hidoaka gea abe ma dihirainohi de niahibehehongoka niato ahao nidiai. Abe nako hoka ngini ko nitoomuahi de gea ngohi toboaka nginika de ahao niatoomu nia hidoaka, de gea ahao marai utu yataoko ihowono done ato ngohi tiniribuutu la nihidoaka. De ngohi toigo la nia dora ma hidoaka gea idadi nia hininga ma rorahaiino abe iboa ko o ribuutuinoua.

Galatia 3:17

De naa marai utuohi tinihitararono ma titi Ma Jou ai behehongo gea. De ma dodihiraka ma oraha gea abe Ma Jou wahibehehongo ma owa o Abarahaama de ai toforaika, genangoka de o taongo o ratuhu iata de moruange ipahaika de ahao o Musa ai Pareta Ma Jou wahibehehongo to Una ai nyawaika. Ho genangoka hamake abe nako o Musa ai Pareta gea itoturuino, de abe Ma Jou wahibehehongoka ma owa o Abarahaama de ai toforaika, ka enangohi duru ihira. De gea hohiorikoka abe to Una ai behehongo ihira-hira gea duru ko idadiua wawohanga ngaro naga moioli ma behehongo itoturuino. Angamoi ai behehongo ihira-hira gea Una de o Abarahaama yomahiketehibehehongokau ho ko idadiokaua aturuuru manga behehongo. Hokogea ahi hitararono nginika abe ma titi Ma Jou ai behehongo ma owa gea ka ilakuohi ho o Musa ai Pareta gea ena ko aturuurua.

Galatia 5:16

De naa ngohi tinihigaro nginika tato koaho nimahigunoa la Ma Jou o Womaha winihihira-hira ti ngini nia kokiwowangoka. De nako hokogea niwinii-niiki Unangika, gea ahao ngini nia wowango ma hafini ma dorouika gea ko nianiikua.

Efesusu 4:17

Ho naa ngohi tinitemo de tinihitiari nginika abe ahi demo naa ihititi de nanga Baluhu ai kuahaka de aino ngohioka. Ho naa tinihitiari tato ibootohi niwango imaketero hoka ona yowango abe ko iwihiorikua Ma Jou, angamoi ona gea manga hininga ma dolaka gea duru ko kia-kiaua ma titi.

Kolose 2:4

De ahi demo gea tinihingahu nginika la tato done o nyawa inihigaro ato, “Nako niwingaku ka o Kristusika dika, gea ko iniwedonua! Kiani niodogoli hokonaa de hokonaa la nia tobahioriki ingodumoka.” Ho nako hiadono hokogea inihigaro, ma ufa o nyawa inibudi de inihirehene ngini Ma Jouino, ngaro ona duru yososawaro yowarodemo, ma, ufa ngini inihirehene.

Ibarani 6:10

De gea ma rorahai ahao niamake Unangino angamoi hohioriki Una gea duru itiai dika ai putuhu abe ma oraha waurusu o nyawaika. Ho mangale to Una ai putuhu ka itiai dika, ho Una duru ko wawohangua nia datoro ma rorahai, masara ahao ngini niamake nia utumu genangino. Abe ti ngini nia karajaanga abe nidiaioka Unangika de abe nia dora Unangika itagioka ma titi niatobaleleani nia gogianongoruika ma dihirainohi ka hiadono ma oraha naa naga. De gea nia datoro mata-mata duru ko wawohangua, masara ahao nia utumu Unangino niamake abe ma titi nia datorino gea.