2 Korintusu 9:1 - Ma Jou ai Demo-demo o Totobelohoka

¹ De ahi higaro ma demo gea nginika ma titi o dora ma hidoaka niatoomu, tanu koaho ngaro ufa dika totulihi nginika.

2 Korintusu 9:1 ပူးပေါင်းရင်းမြစ်များ

Dodadi 27:42

Masara naga o nyawa yoihene o Esau ai demo gea de imihingahu o ngo Ribekaika ho muna o Yakubu miahokino de mihingahu mato, “Ahi ngofaka, marai o Esau womahilaru de ai hidee ngonaika abe wato wonitoma.

2 Kokoano 22:18

De ahao o ngo Huda ka motemohi ona yamotoaika, mato, “Masara ngini kiani nilio o Yehuda ma nyawa manga koanoika, abe una gea winihidingoto la ngini nilingiri Ma Jou o Yawe ai hininga. Ho niwihingahu unangika, niato, ‘Mia koano hokonaa Ma Jou o Yawe, o Isiraele ma nyawa manga Jou, wotemo ngonaika, wato, “Ngohi Ma Jou o Yawe naa tonihingahu ma titi abe ngona ma duruino noihenoka ahi bukuino.

Matiusu 22:31

“De abe ma titi ona yohonengoka de yomomiki, mode ngini ko nibasauahi Ma Jou ai Demo-demoka abe inahingahu ma titi gea? Naga abe Ma Jou witemo o Musaika hokonaa, wato,

Hidingoto 24:17

De ngohi naa ahi taongo muruono ibooto abe ko ihiwa o Yerusaleeme ma kotaka, de ahao naa ma duruino tolioli ma kotaika gea. De tolioino de ngohi tao o dora ma hidoaka ma tiwi abe tahidoakoka ahi gogianongoru o Yahudi ma nyawaika, de tahidoaka ipaha de ahao toiki Ma Jou ai Tauika la o huhuba tomahihuba Unangika.

Roma 11:28

De igoungu ma oraha naa de o Yahudi ma nyawa ko manga ngoe yaolukoka o Abari ma Rorahai, de genangino de yomahidadi to Ma Jou ai musu. De abe manga hininga la iwioluku Unangika de tanu gea idadioka ti ngini nia utumu angamoi ma oraha naa de nginioli niamakeoka Ma Jou ai hiowa nginioka. Masara ngaro hokogea iwioluku ma nagahi Ma Jou ai dora onangika, angamoi ma dodihiraino de ona yodadioka to Una ai nyawa duru ma hohailoa. De nagali ma titi moioli hiadono Ma Jou ai dora ka itagiohi o Yahudi ma nyawaika. Angamoi naga ai behehongo abe wahibehehongoka to ngomi o Yahudi ma nyawa mia totofora yohira-hiraika, abe o Abarahaama, de o Isaka, de o Yakubika. Abe gea wahibehehongo wato ona de manga totoforauku ahao yakokimake to Una ai hiowa duru ma amoko onangika. Ho genangino de duru itararono abe Ma Jou ai dora nagahi o Yahudi ma nyawaika.

Roma 12:13

De nako naga nia gogianongoru o Yesusoka abe yohu-huha, ona gea ngini niaduhunu la manga perelu niahidailako onangika. De nako yoperelu la yomahidodogumu nia tauoka, ona gea niadafongo nia tauino.

Roma 15:31

Ho nihigahoko la ahi dodagi ma goronaka de Ma Jou wohidatoko o Yahudi ma nyawaino o Yudea ma tonakoka abe ona gea ko iwingaku-ngakua o Kristusika. De nihigahokoo la nanga gogianongoru o Yerusaleeme ma kotaka ahao ka yosanangi dika yodafongo o dora ma hidoaka o tiwi abe ngohi tadotaka onangika.

Galatia 2:10

Ho ona o gareja ma hihira genangoka duru ko yodogoua ahi abari ma demoino. Masara naga moi dika manga behehongo ngomino, de gea la ngomi duru miolegaika de ufa miawohanga nanga gogianongoru yohu-huha manga pereluika abe ona o Yahudi ma nyawa de abe yogogere o Yerusaleeme ma kotaka. De gea manga behehongo duru ko itubuhoua ngohino, angamoi ngohioo nengokadauinohi de todiaioka ho tosanangi enangika de ihimagawe hokogea todiai.

Galatia 6:10

Ho ahao nako naga ma oraha la ka idadi haduhunu o nyawaika, gea ma oraha ma getongo kiani hale de hapake la o nyawa mata-mataika haduhunu. De hongoli nako nanga gogianongoruika abe ngone o ngongaku moi, abe onangika kiani duru inamagawe haduhunu.

1 Tesalonika 5:1

De naa mia gogianongoru, tinihingahu ma hohutulu abe ma titi nanga Baluhu idodutu ai gahe ma wange abe woboali la wahohowono onangika ko iwingaku-ngakua. Abe ai gahe ma wange gea muruonoka, eko ma dodunguu naga o kia abe ahao idadi la duru hohioriki muruonoka de woboa, de ma titi gea tanu borotaua de mitulihi nginika angamoi ma dihiraino de minidotokoka miato moioo de ko iwa ihioriki ai gahe gea. Masara ka idadi ma hohutulohi tinihitararono nginika la gea duru niataoko itiai.

1 Yohanese 2:27

Masara nako ngini, ngaro ufa dika de ona yotobabudi gea inidotoko nginika masara koaho nitotoihene ka Ma Jou o Womaha ai demoino dika. Angamoi ngini niwimakeoka Ma Jou o Womaha nia hininga homoi-homoioka abe ma dihiraino o Kristusu wihidoaka Una nginika. De mangale Ma Jou o Womaha naga nginioka ho ngaro ufa dika o nyawa utuoli gea inidotoko masara koaho ka Una dika winidotoko nginika. De Una gea ka idadi winidotoko ma titi mata-mataika abe ngini niperelu nia ngongaku ma wowangoka, de gea ai dodotokino moioo de ko iwa o ngeluku. Ho ngini kiani nimanoa to Una dika ai dodotokoka la gea o Kristusokaoo ngini ka ihikaika nimanoa.

1 Samuele 20:23

De ngohi tongaku abe Ma Jou o Yawe ka ihikaika Una wonagoana ngone homoi-homoiika de Una wonaduhunu la ka idadi haboriniiki nanga behehongo ma demo abe homahiketehibehehongoka to Una ai himangoka.” Hokogea o Yonatana ai hiaturu ma hingahu.