2 Korintusu 8:13 - Ma Jou ai Demo-demo o Totobelohoka

¹³ De ngomi ko mioigoua la ti ngini nia hidailako niahidotodoakoka ho ngini nimahidadi nihuha la ka idadi nia gogianongoru yososanangi dika. Duru hokogenangua mia hininga, masara ngomi miato irahai la ngini hatoli nimakokadaene abe de nia gogianongoru ma titi nia boriwowango ma perelu.

2 Korintusu 8:13 ပူးပေါင်းရင်းမြစ်များ

Gegetongo 35:8

De hokonaa ma hiaturu la ma kapo-kapongo gea o Isiraele ma nyawa yahidoaka manga gogianongoru o Lewi ma nyawaika. Abe nako manga dutu moi naga manga oara ma tonaka hatoli ilamoko de gea kiani to ona manga kapongo hatoli iwoe abe yahidoaka o Lewi ma nyawaika. Masara nako manga dutu utuoli abe manga oara ma tonaka hatoli ieteke, gea de ahao ka idadi manga kapongo muruono dika yahidoaka, ko iwoeua. De manga dutu homoi-homoi kiani yahidoaka manga kapongo muruono naga abe imakiniiki de manga tonaka ma amoko.”

Hidingoto 4:34

De abe to ona manga hidogoronaka de ko moiua yohuha, angamoi onagona dika naga de manga tonakoka eko de manga tauoka, gea ma moi ma moi naga abe yofukunu.

2 Korintusu 8:12

De nako hahidoaka de nanga hininga ma magawe, de gea ngaro ilamoko eko ihutulu masara nanga hidoaka gea ahao Ma Jou wodafongo de ai hininga ma sanangi. Abe Una ko wonganonua la hohidoaka ilamoko nako hamake ko ilamokua.

2 Korintusu 8:14

Angamoi ma oraha naa de nginioka naga nia boloi masara onangoka naga manga kuranga, ho ngini ka idadi niaduhunu onangika. De gea bote ahao ma moioli de ti ngini nia kuranga naga de onangoka naga manga boloi, de ahao ona gea ka idadi iniduhunu nginika la nia pereluoka de ngini mata-mata hatoli nimakokadaene.