2 Korintusu 7:7 - Ma Jou ai Demo-demo o Totobelohoka

⁷ De gea ka o Titusu ai boaua dika abe imihiputurungu mia hiningaka, masara ti nginioo nia abari abe o Titusu wao-ao de womihingahu ngomino, de enangoo duru imihiputurungu ngomino. Abe una womihingahu wato ngini o Korintusoka niwihiputurungu una ai ngongakuika. De nagali womihingahu ngomino abe ngini duru nioigo la ngohi toboa tinitutumu o Korintusika, de abe ma titi ngini genangoka nimahilooa ngohino ma titi nia datoro gea abe ko itaanua. De nagali womihingahu abe ti ngini nia hininga duru itagi ngohino. De ka de toihene ti ngini nia abari gea o Titusino de utuohi ilamoko ahi garago ahi hiningaka.

2 Korintusu 7:7 ပူးပေါင်းရင်းမြစ်များ

Higiriiri 30:5

Angamoi nako Una wonangamo, gea ka jai-jai dika de ipahaka, masara to Una ai hininga ma owa duru inahiutumu ka hiado-adonika! Ho ngaro o fufutuoka de o huha de o gari inatutumu, masara ma dawangeino de o gogarago imahilaku nanga hiningaka!

Higiriiri 51:1

Ngohi naa tomagahoko Ngonaika Ma Jou la nomalega ngohino de ani dora ma hiokoo, Tomagahoko la Ngona naniiki to Ngona ani dora abe duru ko itoa-toakua, Ahi howono Ngonaika ma ngoe masara ani dora ma hiokoohi duru ilamoko, Ho gea ena Ma Jou napake la ahi howono gea nohiapongo.

Matiusu 26:75

De ka de gea woihene de o Yesusu ai demo unangika kanganoika gea wohininga abe o Yesusu wotemoka wato, “O futu naa dika de nako hiadono o kuru-kuru atailoka de ngona naa nohiolukoka ma hange ibooto.” De gea o Peturusu ai hininga duru ihuhaholi hiadono wosoboka de woari waamo-amokiye.

Matiusu 5:4

De abe o nyawa naga de manga hininga ma huha, onangoo yamake ma hiowa Ma Jouino angamoi Una ahao walaru ona manga hiningaka.

Lukasa 22:44

De to Una ai hininga duru ihuhaholi, ho utuohi womaribuutu la womaniatoli de ai hininga ma gahumu. De hokogea ma amoko ai huha hiadono ai gahauku ihupu ai badangino de gea ma rupa o awunu abe itubukuku ai badangoka de dau ma tonakuku.]

Hidingoto 11:23

De o Baranabasa una womahiadonoka de wamake abe Ma Jou ai hidoaka ma owa ona ko o Yahudi ma nyawaua yamakeoka. De gea wamake abe hokokia Ma Jou womahitaana abe wokarajaangoka ona gea manga kokihiningaka, ho o Baranabasa una duru wogogaragoka. De una wahigaro ona abe ahao iwingaku-ngaku nanga Baluhika la ona ka ihikaika yatobaniiki nanga Baluhu o Yesusu dika ai mau onangika.

Roma 1:12

De tanu ka nginiua dika inihiputurungu ma oraha gea, angamoi duru tonganono abe ahao ka idadi ngini de ngohi homahiketehipoputurungu nanga ngongakuoka homoi-homoiino, la gea ngaro ti ngini nia ngongaku eko ngaro to ngohioo, masara nanga ngongaku mata-mataika ka idogo-dogo iputurungu.

1 Korintusu 5:2

De gea ngini ka nimagorakohi! Tanu irahai nako nengokadau ma oraha niwihioriki ai howono gea de nia hininga duru ihuha dika de nia koongo itifa dika la hiadono una wahowo-howono gea niwitingakoka nginino. Masara ngini hokogenangua nidiai. Ngini niwinoaika dika de ahao nimahigiriiri angamoi ko niwihohowonua!

2 Korintusu 1:4

Abe ngaro o kangela o kia dika naga ngone haohana masara Una gea wonatobalaru. De ai lalaruino gea de Una wonahiakunu la ngoneoo ka idadi halaru o nyawaika abe onangoo ahao yaohana o kangela manga wowangoka. De gea ka idadi ngone hapake ma lalaru abe hamakeoka Ma Jouoka de aino la onangikali halaru.

2 Korintusu 2:9

De nengokadauino ma oraha tinihurata nginika de ma titi moioli naga ahi hiningaka. De gea tinihurata la ka idadi tinihioriki nako ngini ka ihikaika nihihingounu ngohino eko koua. De naa tinihiorikoka abe ngini duru nihingounu ahi demoino.

2 Korintusu 5:2

De igoungu ngone ka hongano-nganono nanga badanga ma hungi gea, angamoi ma oraha naa de ka hamakeohi o kangela nanga badangoka ho hamao inaboleoka de ka idadi hokururihi ma titi hamao nanga kangela. De gea ma titi hiadono ngone duru hoigo de hongano-nganono abe ahao o Horogaka de Ma Jou wonahinoauku de nanga badanga ma hungi abe gea hoka nanga tau ma hungi hamake.

2 Korintusu 7:6

Masara Ma Jou Una ka ihikaika wahiputurungu o nyawaika abe manga hininga ihuha. De hokogenangoli idadi ngomino, angamoi Ma Jou duru womihiputurungu abe ma titi nanga gianongoruino abe ma oraha o Titusu woboa womitutumu.

2 Korintusu 7:8

De ma oraha naa to ngohi ahi hininga ma huha ko iwaka abe ma titi ma dihiraino ahi hurata gea abe tohidingoto nginika. De igoungu nengokadau naga ahi hininga ma huha ma hohutulu angamoi tohioriki abe ahi huratino gea de tinihitubuho nia hiningaka.

2 Korintusu 8:16

De naa ngohi toigo tinihitararono nginika abe ma titi mia hidee la duru miogoana ma duduhunu gea abe ihidingoto nanga gogianongoruika o Yerusaleeme ma kotaka. De ihira ngohi duru totarimakase Ma Jouika ma titi ahi olo o Titusu, angamoi unangoo duru ai hininga de ma magaweoka la wato winiduhunu nginika, abe gea imaketero hoka to ngohioli ahi hininga ma magawe nginika.

Filiipi 1:20

De naa moi duru toigo de tonganono, la ufa tohawana ma oraha o Abari ma Rorahai toodemo. Angamoi nako tohawana de ko tohidemoua abe tanu kiani gea ena totemo, gea de ahao tamao hoka ihihimaleke. De gea duru tonganono la imakawalimi, abe ma oraha o Abari ma Rorahai toodemo de duru ihimoroini, abe hoka ma dihirainoli, la ka idadi ngohi naa o Kristusu tigorakiye. De gea ahi nganganono, ngaro tohonenge eko ka towangohi, ma, iti abe o Kristusu o nyawa iwihoromati Unangika ma titi to ngohi ahi wowango ma datorino.

Kolose 2:5

Angamoi ngaro ngohi naa ahi badanga ko iwa nginioka ma oraha naa, masara to ngohi ahi hininga naga nia hidogoronaka. De ngohi togarago ma titi tamakeoka abe ngini nimaketerimoi de nimahikokaaturu itiai, de abe nia ngongaku o Kristusika duru imahikeketika hiadono ko ikelu-kelua. Ho ahi hiningaka tomatemo tato, iti abe ti ngini nia ngongaku iputurungu o Kristusoka hiadono ko idadiua inihirehene Unangino. Abe hokogea ma titi hiadono naa tinihitiari.

1 Tesalonika 3:6

Masara ahao naa ma duruika o Timotiusu wolioka nginioka de waino de gea una waoino o abari abe duru imihisanangi ngomi nenangoka. De gea una womihingahu ngomino abe ma titi ngini nia ngongaku ka iputurungohi de abe ngini ka nimakodorahi. De gea womihingahuoo abe ngini ka ihikaika nimihininga de gea nia hininga ka ma rorahai dika ngomino. De gea womihingahuoo abe nginioo duru nioigo la ngomi miboa minitutumu nginika, de gea duru imakadaenoo hoka to ngomioo mia hininga, la gea ngomioo duru mioigo minitutumu genangika la ngone ka idadi homakamakeoli.

1 Tesalonika 3:8

De gea ngomi duru mimamao hoka mia wowango naa iwangorokali, de gea ma titi ngini nimatongohono nia ngongakuoka de ufa nirehene genangino. Ho naa minihibehehongo la ngini nigila-gila dika nimatongohono la ngomi naa ka ihikaika miamao abe mia hiningaka iwangoro ma titi mia garago nginioka.

Ibarani 2:1

Ho mangale ma titi naa ma duru Ma Jou wonatemoka abe to Una ai Ngofakino, de ma titi abe ka Unangohi duru wokokurutiye nako de o momalaekata, ho ngone naa kiani duru hohidodiai hototoihene de haniiki ma hingahu ma demo abe ngone hoihenoka, done genangoka de aino horehene,

Yakobusu 5:17

De abeika honganonohi o Elia ai ade-ade, angamoi una gea o nyawa biaha abe hoka ngoneoli naa o nyawa biaha. De una ma dodihiraino de womaniata Ma Jouiye de wogahoko la wato ibootohi iawana, de uku de ko iawanokaua o taongo hange de ma honongaino ma dekana ma tonakoka gea.

2 Yohanese 1:4

De naa ma duruika ngohi duru togaragoholi angamoi naga ihihingahu ngohino ma titi to ngona ani ngofa-ngofaka, abe ona gea ma dodotoko ma gou-goungu yatobaniiki to ona manga wowangoka. De gea ngohi duru tosanangi toihene, angamoi gea imaketero dika de hoka Ma Jou o Baba wonahibehehongoka wato hatobaniiki ma dodotoko ma gou-goungu. Ho ngohi duru tosanangi toihene abe ngini niatobanii-niiki ai hininga gea.

Yudasa 1:3

Ahi gogianongoru abe ngini duru tinidora. Naa tomahingahu ahi hininga ma titi ahi hurata naa ma dolaka abe tohidingoto nginika. Angamoi ma dodihiraka de naga ahi hidee la tinihurata nginika ma titi hokokia to ngone mata-mata nanga wowango ma hungi abe Una wonahikokidoakoka ngoneino. Masara ma bahauku de ma titi ena gea ko idadiuali abe tinihurata nginika, angamoi ngohi duru tamao ahi hiningaka hoka ihitila la ufa ma titi gea ena tinihurata nginika masara naa ma titi moioli. Ho naa tinihurata de duru tinihigaro nginika la nanga ngongaku ma dodotoko nioodemo de ufa nihigunoa la o nyawa yaturuuru. Angamoi gea hohiorikoka nanga ngongaku ma dodotoko gea wonahidoaka ngone ai nyawaino ko ma titiua la haturuuru, masara gea wonahidoaka la ka gea dika inahihira-hira ka hiado-adonika. Ho naa ngohi duru tinihigaro nginika la nanga ngongaku ma dodotoko gea nioodemo.