2 Korintusu 7:2 - Ma Jou ai Demo-demo o Totobelohoka

² De ngini nihioriki abe ngomi naa duru ko ma moiua miahowono o nyawaika, de duru ko iwa o nyawa miahirehene o howonika, de ko ma iwa abe o nyawa miabudi. Ho naa ngomi migahoko ma moioli nginika la ngini niodafongo to ngomi mia demo nia hiningaka, angamoi ko iwa mia howono nginika.

2 Korintusu 7:2 ပူးပေါင်းရင်းမြစ်များ

Gegetongo 16:15

Ka de manga boi ma demo gea o Musa de o Harunika yoihene de o Musa duru wongamo hiadono wihingahu Ma Jou o Yaweika wato, “Ahi Jou, ngohi tato to ona manga huhuba ngaro ufa nodafongo! Abeika manga gurubungu ma demo ato tahikangela masara ngaro tomagahoko onangino moi ma ko iwa abe ngaro o keledai ma ko iwa todafongo. De ko ma moiuahi itaana tahowono onangika ngaro o nyawa moioo ma ko ma moiuahi!” Hokogea o Musa wihingahu ibooto Ma Jouika de ahao witemo o Koraika, wato, “Itebini o ngorumino de ahao ngona noboa nomahidutuku Ma Jou o Yaweika, abe ngona Kora de ona mata-mata abe ininii-niiki kiani naga Ma Jou o Yawe ai himangoka. De ngohi de o Harunoo ngomioo kiani naga genangoka.

Matiusu 10:14

“De nako ahao idadi abe o tau moioka eko o kapongo moioka de ko moiua inidafongo eko nia demoino de ko initotoihenua, gea nihupu dika onangino. Masara ma oraha nihupu de kiani nia lou niafureere la ma tonaka ma kuhuhunu gea irerouku. De abe nia lou niafureereuku de gea idadioka o hohowono ma dodunguu onangika angamoi ko inidafongua.

Matiusu 10:40

De o Yesusu ka wotemohi onangika wato, “De naa tinihingahu nginika abe o nyawa onagona dika inidafongo ngini, gea imaketero Ngohioo ona ihidafongoka. De hokogenangoo nako ona ihidafongoka Ngohi, gea ka Ngohiua dika ona ihidafongo masara o Baba abe wohihidingotino, Unangoo iwidafongoka.”

Lukasa 10:8

De o Yesusu wogila-gila wato, “De nako o kapongo gea ma nyawa inidafongo de manga hininga ma rahai, gea ka idadi niaolomo o kia dika abe inihidiaiuku.

Hidingoto 20:33

De o Paulusu wohibobaha ai demo onangika abe wato, “De ngohi naa ma dihirainohi de duru ko tohafinua o nyawa manga tiwi eko manga baju ma rorahaiika.

Roma 16:18

Angamoi ona gea ngaro yomahingahu ato iwileleani nanga Baluhu idodutu o Kristusika masara tanu to ona manga hininga la yomaleleani to ona dika ma hirete manga hafini. De to ona manga dodotoko ma demo duru inouhu ho duru yososawaro yabudi o nyawaika abe ma titi manga demoino. Ho nako o nyawa ko yahiorikua abe to ona manga hininga ma dumutu ato yabudi, ona gea ka idadi yabudioka manga demo ma nouhino.

2 Korintusu 1:12

De ma titi o kia hiadono ngomi mimagahoko ti ngini nia niniata de duru mionganono abe ka ihikaika nimiduhunu nia niniatino? De gea ma titi abe to ngomi mia hininga mimatailakoka de gea ko imakalawanua de Ma Jou ai mau masara mia hininga gea imakiniiki dika de to Unangoli ai hininga. Abe ma titi to ngomi mia wowango ma datorino de miwango mitotiai, abe ngaro o dunia ma nyawa masara ona miao irahai, de hongoli ngini, duru miniao irahai nginika. De gea ko iwa mia hiningaka mia hidee o dorouika, masara gea duru mimahingahu mia hininga ma dola ma gahumu nginika la ngini nihioriki mia hininga ma dumutu hokokia. De ngomi ko mimahinganonua o dunia ma sosawaroika la imihihira-hira, masara ngomi mimahinganono ka Ma Jou ai hininga ma owaika dika. Ho mangale ma titi to ngomi mia hininga ma rorahai gea hiadono duru mionganono abe ngini ka ihikaika nimigahoko Unangika ma titi ngomi.

2 Korintusu 11:16

De naa ngohi ma moioli togahoko nginika la ufa niataoko ahi hininga hoka ihitogohangoka abe ma titi ahi demoino abe bootino totemo nginika. De ngaro ngini nihietongoka niato ngohi ihitogohangoka, ngaro hokogea ma togahoko la nitotoihenohi ahi demoino abe imaketero hoka o nyawa utu manga demo ngini ma ngoe nitotoihene, angamoi ngohioo kiani tomahigiriiri ma hohutulu.

2 Korintusu 4:2

De mangale ngomi duru mioigo la mia tagongo gea mihidagi irahai ho ngomi duru mioluku mianiiki ma hininga abe ko itiaiua. Angamoi o hininga ko itiaiua gea nako o nyawa yodiaioka de yamao kiani yomahipongono done yamaleke genangino. Ho ma hininga gea duru mioluku midiai. De ngomi mia datorino o nyawa ko miabudiua, de ko mihikawalimua Ma Jou ai Demo-demo. De ngomi o demo ma gou-goungu dika duru miahiree-reeika o nyawaika. De naa Ma Jou ai himangoka de ka idadi tomahingahu abe ngomi ngaro mia datorino eko ngaro mia demoino masara gea ma gou-goungu dika ngomi mianii-niiki. Ho onagona dika abe manga hininga ma rorahaiino de yoigo imitailako mia wowango, ona gea ka idadi ihioriki abe ngomi miagou-goungu mianiiki to Una ai Demo-demoino.

Filiipi 2:29

De togahoko ka de una womahiadono nginika de niwidafongo nia hininga de ma garagoka, angamoi una gea nanga Baluhu idodutu ai huhuloko. Kiani naga nia horomati ma gou-goungu unangika, de ngaro onagona dika abe manga hininga hoka to unangoli ai hininga, onangika kiani naga nia horomati ma gou-goungu,

Kolose 4:10

De naa o Arisitarakusu abe unangoo iwibuioka nenangoka de de ngohi, una ai tabea wohidingoto nginika. De o Maruku, abe o Baranabasa ai gianongoru ma dutu, unangoo ai dora nginika wohidingoto. De naa ngohi tinihihohiningali ma titi o Maruku gea, angamoi nengokadau tinihibehehongoka tato nako una woboa winitutumu, gea kiani niwidafongo.

1 Tesalonika 2:10

De gea ngini nihiorikoo to ngomi mia hininga de mia wowango ma oraha abe ngomi ka nginiokahi. Abe gea miniao ngini niwingaku-ngakuoka gea de mia hininga ma medebini, de itaana de to Una ai mau hiadono moioo de ko iwa abe ka idadi o nyawa imitae ngomino de hiadono imihitaana. De gea ngaro ngini eko ngaro Ma Jouoo ma hirete masara ngini de Una mata-mata nihikokioriki abe ahi hininga ma dumutu de ahi demoo ma nihioriki gea ma gou-goungu.

Filemono 1:12

De una gea abe naa tihigilio ngonaika, ngaro ngohi naa tamao hoka to ngohi ahi hininga ma hirete tohidingoto ngonaika, angamoi hokogea ma amoko ahi dora abe tidora ahi ngofakika gea.

Filemono 1:17

Ho ahi olo o Filemono, nako ngona nohietongo nato ngohi ani dodiawo o Kristusu ai karajaangoka, ho togahoko la o Tobaparahajaua nidafongo imaketero abe hoka ngohioli ma hirete nohidafongo.

2 Yohanese 1:10

Ho nako onagona dika yoboa ngini nia doomuino de masara ma dodotoko ma gou-goungu ona ko yaniikua hiadono ena gea ko yodotokua, ona gea ngaro ufa de niadafongo nia tauino, de ngaro nihobata onangika ma enangoo ufa.