2 Korintusu 7:15 - Ma Jou ai Demo-demo o Totobelohoka

¹⁵ De nako ma dihiraino de ma oraha naa, ma oraha nenangohi de o Titusu ai hininga ma dora itagi ilamoko nginika, angamoi una ka wohiningahi abe hokokia niwidafongo una de nia horomati ma amoko. De una wohiningaoo abe ma titi ngini niwihigihene ai demoika.

2 Korintusu 7:15 ပူးပေါင်းရင်းမြစ်များ

Dodadi 43:30

Masara ka de hokogea wotemo ibooto de kiani o Yusupu womataiti wohupu angamoi ai dora ilamoko ai dodotika hiadono ko womatongohonokaua. Ho wowohama o kamarika moi abe duru womatengoka de ahao duru ai koongo itifa.

1 Kokoano 3:26

De ma koano ai demo gea moihene de ma ngofaka wowango-wango ngomi meme ma gou-goungu ami dora ma hiokoo imihipareta ami hiningaka. Ho muna momataiti mopoaka de ami ilingi ma amokiye mato, “Ahi koano, ko idadiua! Ufa hiadono niwihohonenge ma ngofaka naa. Koaho niwihidoaka munangika dika done wohonenge.” Masara ma ngofeka momatengoli gea mato, “Koua! Koaho niwitobiki dika la ngaro ngohi masara ko timakeua de ngaro munangoo gea masara ko mimakeua ma ngofaka naa!”

Higiriiri 2:11

Ngini kiani niwimodongo Ma Jou o Yaweika la niwileleani itiai, De nia horomati niwihigiriiri Unangika hiadono nifafara, De nia garagoo naga Unangika abe ma oraha niwileleani.

Yohanese 16:21

Abe hoka o ngofeka de ami badangoka, nako ami gahe adonoka ho ka de ami pokoro igoli de ami hininga ihuha. Masara ka de ami ngofaka imaboaka de ami huha gea mawohangoka angamoi aturuuruoka de ami garago ma titi naga o nyawa moioli yomaboaka o duniaka.

Hidingoto 16:29

Ka de gea woihene de ma gogoana duru wohawana hiadono wofafara, de una wahoko ai dodiawoika la o oboro yaoino la ka idadi yomahioriki. De gea yaoino de manga haeke una womataiti wowohamika o Paulusu de o Silasa manga kamarika de womamotumuku manga himangoka.

1 Korintusu 2:3

De naa tomahingahu dika abe ma oraha gea toboa nginika de ahi hiningaka ko iputurunguahi, ho duru tohawana dika ka hiadono tofafara.

2 Korintusu 2:9

De nengokadauino ma oraha tinihurata nginika de ma titi moioli naga ahi hiningaka. De gea tinihurata la ka idadi tinihioriki nako ngini ka ihikaika nihihingounu ngohino eko koua. De naa tinihiorikoka abe ngini duru nihingounu ahi demoino.

2 Korintusu 6:12

De ngomioka mia hininga ma dora ka itagiohi nginika abe hoka biahali. Ho nako naga moi o liliara, gea ma titi nginioka abe ti ngini nia dora niatumungu la ufa itagi ngomino.

Efesusu 6:5

De naa ngohi tinihibehehongo abe ngini o gogilaongika. De ngini kiani niahingounu nia dutu o duniaka naa, de nia hingounu gea kiani ma gahumu onangika, de nia horomati ma gou-goungu gea kiani naga onangika. De gea nialeleani onangika, kiani de nia hininga ma rorahai la gea imaketero hoka o Kristusika niwileleani.

Filiipi 1:8

De ngaro Ma Jou ma hirete, ma Una wohioriki ahi hininga ma dola, abe duru tinihininga de duru tinidora, abe ahi dora nginika itagi gea o Yesusu Kristusu ai dora tapake.

Filiipi 2:12

Ahi gogianongoru abe duru tinidora, nengokadau abe ma oraha ngohi nagahi nginioka de ti ngini nia hingounu Ma Jou ai mauika ka ihikaika naga. Masara ma oraha naa ngohi ko ihiwa nginioka. Ho togahoko ngaro ngohi ko ihiwa nginioka, masara kiani ka ma oraha nenangohi de ti ngini nia hingounu Ma Jou ai mauika idogo duru ko iwa ma hoana. Kiani duru ka ihikaika ngini homoi-homoi Ma Jou ai mau nianiiki ka hiadono ma bahaika, la o wowango ma ngango imahilaku nia kokiwowangoka. De gea Ma Jou ai mau nianiiki, kiani duru nimahinganono Ma Jouika dika, de kiani naga nia horomati ma gou-goungu Unangika.

Kolose 3:12

De ngini naa winiirikoka Ma Jou de winihidadioka to Una ai nyawa, de Una duru winidora ngini. Ho, mangale ti ngini nia gogere Ma Jouoka gea, kiani nia hininga ma dora itagi o nyawa utuika abe yohuha eko yokangela. De kiani o nyawa mata-mata niao irahai de onangika niabole-bole. De nia hiningaka kiani nimahitipokouku. De ngaro naga abe inihikangela, ma, kiani ngini nimatongohono dika ma ngaro ufa de nia ngamo ipuda.

2 Tesalonika 3:14

Masara nako nginioka abe yoluku yaniiki mia behehongo ma demo mia hurata ma goronaka naa, de ona gea kiani niatunguuoka nia kokihiningaka. De ona gea kiani ngini o gareja moi niadokaowara la niahimaleke ma titi manga datorino hiadono genangino ahao ona yotoba.

1 Yohanese 3:17

Masara nako ma titi o kiahonanga dika de ngone ko homakuduhunua ngone de nanga gogianongoru abe naga de manga kurangoka, gea done sarakia Ma Jou ai dora imanoa ngoneoka? Abe nako to ngone nanga wowango ma perelu abe inawedonoka de hamake to nanga gianongoru womatengo abe naga ai kuranga masara nanga hiningaka ihitatokoka ho ko hiduhunua ma titi ai perelu, gea inahitaanoka abe to Una ai dora ko itagiua to ngone nanga hiningaka.