2 Korintusu 7:10 - Ma Jou ai Demo-demo o Totobelohoka10 De gea igoungu naga o hininga ma huha o fara moi abe Ma Jou ka idadi wapake nanga hiningaka la gea ka idadi ihihofoko o toduba nanga hiningaka. De nanga todubaino gea hiadono hanoa nanga howono de hiniikoli Ma Jouika. De gea ahao nanga gogao ma rorahai ilioli Unangika, ho ngomi ka idadi duru misanangi ma titi o hininga ma toduba gea angamoi ihihofoko ma rorahai o nyawa manga wowangoka. Masara nako o hininga ma huha abe iboa ka o duniaka de aino, gea ko idadiua yaduhunu o nyawa manga howonino, ho o duniaka ma hininga ma huha ihihofoko ka o hone-honenge dika. အခန်းကိုကြည့်ပါ။ |
2 Korintusu 7:10
32 ပူးပေါင်းရင်းမြစ်များ
De ipaha o wange moiuku de o Yonadaba wimake abe o Anono ai himanga itafukuoka ho wileha unangika wato, “Adodoa ho ani hininga ihuha o wange-wangeiye? Angamoi ngona naa nanga koano ai ngofaka ho tanu ko iwa ma titi hiadono nohuha hokonaa!” De o Anono wipaluhu wato, “Masara ngohi duru ahi hininga adaene de ahi dodoto ngoi biranga o ngo Tamara.”
“Masara una wotobagaho-gahoko o pajaka ma tiwi, to una ai hininga imakohowono. Abe una womatingaka hatoli ma gurutika de ma oraha womaniata de ko iwimoroinua womamatagaiye o Horogaiye ma titi womahioriki ai howono Ma Jouika. De una womapoha-poha ai aluoko la womahimatoko ai hininga ma huha de wotemo wato, ‘Ahi Jou, duru togahoko la ani dora ma hiokoo itagi ngohino naa, angamoi ngohi o tobahowo-howono ma nyawa!’ Hokogea una womaniata.”
Hokogea o Peturusu ai hitararono ma demo ai gogianongoruika, de abe ma oraha ona yoihene ai demo de ko iwaka manga lawana ma demo ma titi ona ko o Yahudi ma nyawaua. Ho ona duru iwihigiriiri Ma Jouika ma titi gea de yotemo ato, “Igoungu Ma Jou wahidoakoka la ona abe ko o Yahudi ma nyawaua ka idadi yoporete manga howo-howono. De gea ahao ka idadi yamake o wowango ka hiado-adonika Unangoka de aino.”
De gea ngohi tohawana abe ahao Ma Jou wohihitipokouku ma moioli ma titi ngini nia wowango ma datoro genangoka. De nako idadi hokogea, to ngohi ahi hininga ahao duru ihuha ma titi ngini utu genangoka abe ma dihirainohi de niahowo-howono masara ko nitobauahi de ko niliouahi abe Ma Jouika. Abe ngini utu ka nianiikohi nia datoro ma dorou abe hoka nimahitorou, de nimakitigi ko itiaiua de utuika, de nia gimono ma dorou duru inihipareta nginika. Ho ngohi tonganono ahao ma oraha tomahiadono nginika de nia datoro mata-mata gea niakokinoaka la to ngone nanga hininga mata-mata iborisanangi de ngaro ufa ihuha.
Masara naa ngohi duru tosanangi abe ma dihiraino de tinihurata hokogea, de ko ma titiua tosanangi abe nia hininga ma dubuho. Hokogenangua, masara ngohi tosanangi angamoi nia hininga ma dubuhoino de ihihofoko o toduba nia hiningaka ka hiadono nia hininga niaturuuruoka. De nia todubaino gea abe Ma Jou wapake nia wowangoka la nia howono nianoaka. Ho mia hurata ma demoino gea de ko inihirehenua o howonika masara ihihofoko ma rorahai ti ngini nia wowangoka.
De gea ufa ngone hawohanga abe o Esau ai oara wohituruuru ipaha de ahao ma oraha ai baba itigioka wohonenge de o Esau duru woigo la ai baba wigahoko ma owa Ma Jouika ma titi una. De gea o Esau womagahoko ai babaika de duru wohigari-gari la wato iti ka idadi wamake ma behehongo ma owa ai babaino. Masara ngaro hokogea o Esau womagahoko de wohigari, masara ma oraha ko iwaka la to una ai hininga womadagali, ho una duru ko idadiokaua ma behehongo ma owa wamake o Esau. Ho ngini ufa nimahigunoa la hiadono nginioka naga utu abe yomaaduru abe hoka o Esauoli ai hininga de ko yolegaikaua Ma Jou ai owaika ho ena gea nihiketehituruuru de ma homoa dika. Masara koaho ka ihikaika nimahiketehitiari de nimakokelega ti ngini mata-mata nia perelu nia boringongakuoka la ahao ngini mata-mata ka nimadaenohi ma owa Ma Jouino.
De mangale ma titi o Dautu ai nyawa manga fekata de manga ngofaka o Amaleke ma nyawa yataokino de ko yaiwaka hiadono manga hiningaka de yajanggutu ho duru iwingamo unangika. Ho ona yomakoketemo ma titi gea de yomahikokagaro la iwihohakaru o Dautika hiadono wohonenge. De ngaro hokogea masara Ma Jou o Yawe wihiputurungu o Dautu ai hiningaika la ka idadi ai hininga iriidi.
ကြော်ငြာတွေ