2 Korintusu 6:12 - Ma Jou ai Demo-demo o Totobelohoka

¹² De ngomioka mia hininga ma dora ka itagiohi nginika abe hoka biahali. Ho nako naga moi o liliara, gea ma titi nginioka abe ti ngini nia dora niatumungu la ufa itagi ngomino.

2 Korintusu 6:12 ပူးပေါင်းရင်းမြစ်များ

Sosawaro 4:12

Abe nako ma sosawaro gea ka ihikaika inihipareta ani wowango ma dodagioka de ngona ko nosugaua de ko norubaua ma titi napeleke ma dorouika ngaro nomapopaata eko ngaro nomabole-bole notagi ma, ko norubaua.

Tobadotoko 6:9

Ufa hiadono ngone ka ihikaika nanga hininga yoigo la o kaya homahidogo. Masara koaho nanga hininga isanangi de ma kiahonanga o kia dika abe nagau nanga giamoka. Angamoi nako nanga hininga ma horoodo ka ihikaika itagi, gea tanu ko iwa ma titi, abe imakadaene hoka duru ka ma hoanino dika halegono.

2 Korintusu 4:8

Ho Ma Jou wapake ai kuahaino la ngomi womiduhunu mia kangela ma goronaka. Abe ngomi naa duru imihigororomino arihonongaka de o kokangela masara ko imihikalaua. De ma moi ma moi mia hiningaka duru miamao mililifanga masara ko milutua genangoka.

2 Korintusu 7:2

De ngini nihioriki abe ngomi naa duru ko ma moiua miahowono o nyawaika, de duru ko iwa o nyawa miahirehene o howonika, de ko ma iwa abe o nyawa miabudi. Ho naa ngomi migahoko ma moioli nginika la ngini niodafongo to ngomi mia demo nia hiningaka, angamoi ko iwa mia howono nginika.

Filiipi 1:8

De ngaro Ma Jou ma hirete, ma Una wohioriki ahi hininga ma dola, abe duru tinihininga de duru tinidora, abe ahi dora nginika itagi gea o Yesusu Kristusu ai dora tapake.

1 Yohanese 3:17

Masara nako ma titi o kiahonanga dika de ngone ko homakuduhunua ngone de nanga gogianongoru abe naga de manga kurangoka, gea done sarakia Ma Jou ai dora imanoa ngoneoka? Abe nako to ngone nanga wowango ma perelu abe inawedonoka de hamake to nanga gianongoru womatengo abe naga ai kuranga masara nanga hiningaka ihitatokoka ho ko hiduhunua ma titi ai perelu, gea inahitaanoka abe to Una ai dora ko itagiua to ngone nanga hiningaka.