2 Korintusu 4:8 - Ma Jou ai Demo-demo o Totobelohoka

⁸ Ho Ma Jou wapake ai kuahaino la ngomi womiduhunu mia kangela ma goronaka. Abe ngomi naa duru imihigororomino arihonongaka de o kokangela masara ko imihikalaua. De ma moi ma moi mia hiningaka duru miamao mililifanga masara ko milutua genangoka.

2 Korintusu 4:8 ပူးပေါင်းရင်းမြစ်များ

Higiriiri 37:33

Masara Ma Jou o Yawe ko wahigunoaua la manga hidee gea idadi, De wohiaturu la una abe wotobaurusu nako igoungu yahowonoka, Una wato o totiai ma nyawa gea ko yahowonua, Ho gea manga hohowono enangoo ko yadaenua.

Yesaya 40:31

Masara onagona dika yomahinganono Ma Jou o Yaweika ona ahao yamake manga buturungu ma hungi Unangoka. De ona ka dau de yomahiburahiye de yotagi-tagi de ko yaboleua. De hongoli ona ka idadi yomapopaata de manga badanga ko yolamaanua. De nako hahiketero ona de o koloba, gea ona ka idadi yohoho duru ikurutiye ma titi ma gafuufu ma bobuturungu. De hokogea Una wahiputurungu onangika abe yomahinganono ai duduhunika.

Habaku 3:17

“Ngaro o hofoko ma gota mata-mataika ko ihuriokaua, De ko iwaka o angguru ma hofoko, De ko hamakeua o minya mangale to ena ma hofoko ko iwa, De o redioka ko iwangoua nanga inomo, De ngaro nanga domba ko ilioua ma kurungaika, De nanga hapi ma kurunga enangoo ma homoa,

Yohanese 14:18

De abe ma oraha tininoa, Ngohi ko tininoaikaua hiadono niato nidadioka hoka o gohihi ho niato ka nginiokahi dika. De naga ma oraha ahao Ngohi toboali nginino.

1 Korintusu 10:13

Ho ngini koaho nimahinganono abe ma dadaili mata-mata niohimanga, de gea duru imakadaene dika abe hoka ngone o nyawa mata-mata hohimanga. Moioo de ko iwa ma dadaili abe ka ngini dika inidaene. De ngini ka idadi nimahinganono Ma Jouika, angamoi Una gea watobagou-goungu de Una wohibehehongoka wato winiduhunu. Abe wato nako o dadaili o kia dika niohimanga, gea ko wohigunoaua ma dadaili gea inihikala done ko niakunua nimatongohono. De ma ngekomo ma hoanika ahao winihidailako la ngini ka idadi nihupu nia dadailino la ufa genangoka de niruba.

2 Korintusu 12:10

De gea ma titi hiadono ngohi tato ngaro o kangela taohana ma titi o Yesusu Kristusika tilelelani, masara ka idadi tosanangi dika ahi kangela ma goronaka. Abe ngaro ahi badanga ihiboleoka de ngaro ihihitipokouku o nyawa manga demoino, de ngaro o kangela de o huha o kia dika naga taohana masara ka idadi tosanangi dika. Angamoi ngohi duru tohioriki abe nako ngohi ihiboleoka, duru ma oraha ena gea abe ngohi de ahi kuahaka ma titi o Yesusu Kristusu ai kuahaino wohihiputurungu.

2 Korintusu 6:12

De ngomioka mia hininga ma dora ka itagiohi nginika abe hoka biahali. Ho nako naga moi o liliara, gea ma titi nginioka abe ti ngini nia dora niatumungu la ufa itagi ngomino.

2 Korintusu 6:4

Masara ngomi mia wowango ma datoro mata-mataika de duru wiwinii-niiki Unangika abe imaketero hoka Una woigo wato kiani ai duduhunu ona yowango yototiai. Abe ngaro o hininga ma dodubuho eko o hu-huha eko o kokangela o kia dika naga imidaene, masara genangino de mimatongohono dika ho duru itararono abe ngomi miagou-goungu midadioka to Una ai duduhunu.

2 Korintusu 7:5

De igoungu ngaro ngomi duru o kangela ma dodubuho ma goronaka masara ngini gea ka idadi nimihiputurungu de nimihigarago. Abeika toade-ade abe hokokia ngini nimihigarago ngaro homakitingakokahi ma gurutika. Abe kangano tinihingahuoka ma titi nengokadauino ma oraha mimahiadono naa o Makedonia ma tonakino de nenangoka o kangela irupa-rupa miaohana hiadono mia badanga duru ko iwa ma hiaini. De gea naga o liliara ngomi de o nyawa utuika, de nagali doka mia hiningaka mia hawana angamoi ko mihiorikua hokokia ahao idadi mia gogianongoruika.

Galatia 4:20

De naa ngohi tanu duru toigo la ma oraha naa dika de ngohi naga nginioka la homarihimanga. Angamoi nako hoka homarihimangino de homakoketemo, gea de ahi demo nginika ahao bote hatoli utuohi inihitaana ti ngini nia hiningaka. Masara nako nenangoka ahi hiningaka ililifanga ho done o kia todiai eko o kiali totemo?

1 Samuele 28:15

De gea o Samuele wotemo o Saulika wato, “Ho naa done ma titi o kia ngona nohiruwae de nohiahoko la toboaino?” De o Saulu wipaluhu wato, “Ngohi naa duru tokangelaka ho ahi hininga duru ihuha, angamoi o Filistina ma nyawa yoboaino la imiparangi ngomino. De ahao ngohi tileha Ma Jouika la ka idadi tohioriki to Una ai hininga, masara Una gea duru ko wohipaluhua. Abe ko wohidoakua o himatoko o nyawaika la genangino de ngohi ka idadi tohioriki ai hininga. De ngaro ma oraha Ma Jou ai uru ma dodofanga ahi leleha gea iwidofanga Unangika masara ko wopaluhua. Ho gea ma titi hiadono naa toniahokino, la ka idadi ngona nohihingahu koaho hokokia todiai.”

1 Samuele 30:6

De mangale ma titi o Dautu ai nyawa manga fekata de manga ngofaka o Amaleke ma nyawa yataokino de ko yaiwaka hiadono manga hiningaka de yajanggutu ho duru iwingamo unangika. Ho ona yomakoketemo ma titi gea de yomahikokagaro la iwihohakaru o Dautika hiadono wohonenge. De ngaro hokogea masara Ma Jou o Yawe wihiputurungu o Dautu ai hiningaika la ka idadi ai hininga iriidi.

1 Samuele 31:4

Ho o Saulu wohigogururihi unangika abe ai parangi ma dae wotobaao-ao, wato, “Ngona nohiduhunu de ani humaranga o dopo-dopoino! Kiani ngona dika nohihohonenge la ufa o Filistina ma nyawa ihitoma ngohi naa. Angamoi ona gea duru ko iwihiorikua Ma Jou ho done ona yoboaino de ihihohedu de ihitopoko de hiadono ihihohonenge, de gea idadi o himaleke ma amoko!” Masara ai duduhunu gea ko wapoaua angamoi duru wohawana ai koano wihohonenge, ho o Saulu ai humaranga o dopo-dopoino wahiata ma harumino de womahitamaaiye de wodomotumu ai dopo-dopouku ho woruba de hokogea o Saulu una ma hirete womahohonenge.