2 Korintusu 3:4 - Ma Jou ai Demo-demo o Totobelohoka

⁴ De ngomi naa ka idadi mitomoroini dika mitemo hokogea Ma Jou ai himangoka mangale ma titi mia karajaanga ma hasili ma rorahai abe ti ngini nia wowangoka. De gea mia karajaanga o Kristusu ai buturungoka de aino dika de ko ngomiokaua ihititi.

2 Korintusu 3:4 ပူးပေါင်းရင်းမြစ်များ

Huhupu 18:19

Ho naa, irahai nohihigihene ahi demoika, abe nako ahi demo ma owa naa naniiki de ahao Ma Jou woniduhunu. Igoungu, ngona nodadioka Ma Jou ai hidemo la o nyawa naa nahidemo hiadono manga kadatoro de manga ribuutu nao Ma Jouika.

2 Korintusu 2:14

De naa ma titi moioli tagorakohi la gea tinihitararono nginika. Abe ngaro nanga wowango o duniaka de ma moi ma moi hamao abe o kangela imahilaku ngoneoka, masara ngone koaho hotarimakaseohi Ma Jouika. Angamoi Ma Jou ka ihikaika Una wolaku ma titi o Yesusu Kristusu ai datorino. De ma oraha naa ai lalaku gea wohimatoko o nyawa duru yowoe-woeika o duniaka naa. De Una ka ihikaika womihihira-hira ngomi abe miatobahingahu-ngahu ai abari, de gea imaketero hoka ngomioo milaku de de Una ma titi mia gogao o Yesusu Kristusika. De Ma Jou womipake ngomi la mihikabarihi ma gou-goungu ma titi o Kristusu abe o dunia ma amokika, abe imaketero hoka o manyanyi ma bounu ihihaili arihonongaika la o nyawa yowoe-woe ka idadi yaame ma bounu gea.

Efesusu 3:12

Ho mangale ma titi nanga rimoi de de o Yesusu Kristusu de abe nanga ngongaku Unangika ho gea hiadono ngone ka idadi hoboa Ma Jou ai himangino de ko himodongua angamoi gea ngone hohioriki abe Una wonadafongoka. Ho gea hiadono ngone hotomoroini hotemo Unangika.

Filiipi 1:6

De ngohi tohioriki abe Ma Jou winitila la wato ngini nihiduhunu ngohi, de genangoka tohioriki ngini niwihingounu Unangika. De tohioriki gea nihiduhunu mangale ma titi Ma Jou ma hirete wokarajaanga ti ngini nia kokihiningaka. De ko watogu-togumua wokarajaanga ka hiadono ma bahaika abe ma wange gea o Yesusu Kristusu woboali nenanguku. De nako ma baha gea adonoka, ahao gea ingodumoka ai karajaanga nia wowangoka.

1 Tesalonika 1:8

Angamoi nanga Baluhu ai ade-ade nginioka de aino itagi de hiadono imahora-hora o nyawa duru ko manga ngoe-ngoeika. Abe gea ko ma titiua o Makedonia de o Akaya ma tonakika dika itagi, masara gea itagi o tonaka mata-mataika hiadono o nyawa mata-mata inihioriki ma titi nia ngongaku Ma Jouika. Ho ngomi naa ngaro o kiaika dika mitagi-tagi, masara ngomi ngaro ufa dika de miade-ade o nyawaika ma titi ti ngini nia ngongaku,