De nagali ahao idadi ma lokuoka naa abe Una wagorakiye ma dadamunu abe ma dodihirainohi atamunu ona ko o Yahudi ma nyawaua mata-mataika. Abe ma dadamunu gea hoka o dudukoro abe atapupana onangika la ufa yamake Ma Jou ai hiowa Unangoka de aino. Masara nako ma oraha adonoka de Una waumoika ma dudukoro gea imaketero hoka o ngoere kohaamoko wagorakiye onangino.
2 Korintusu 3:15 - Ma Jou ai Demo-demo o Totobelohoka15 Ho igoungu, abe ngaro hiadono o wange naa de o Yahudi ma nyawa ma oraha yobasa o Musa ai Paretaino masara manga hininga ma dadatoko nagahi onangoka. အခန်းကိုကြည့်ပါ။ |
2 Korintusu 3:15
4 ပူးပေါင်းရင်းမြစ်များ
De ngaro ma dodihiraino gea de o Musa ai himangoka naga Ma Jou ai medebini ma dararono, masara o Isiraele ma nyawa ka yolukohi iwihigihene Ma Jou ai demoika, ho ona duru manga pea idadi itogowinoka. De ika-ika de ko akunokaua yataoko Ma Jou ai demo abe o Musa wadofanga onangika. De ma dodihiraino gea de ka hiadono ma oraha naa naga abe totulihi ahi gogiriaka nginika de o Isiraele ma nyawa manga totoforauku manga pea ma dogowini ka hokogea dika. Abe ngade-ngade imaketero hoka ma dodihiraino o Musa ai himanga ma dadatoko, de hokogenangoo ma oraha naa o Isiraele ma nyawa manga hininga ma dadatoko nagahi. Abe ma oraha ona yabasa ma behehongo ihira-hira gea de duru ko yahiutumua genangino. De manga hininga ma dadatoko gea ka idadi agoraka onangoka de aino iti ona iwingaku o Yesusu Kristusika, angamoi Una dika ka idadi wagoraka. Masara nako ko iwingakuahi gea ma dadatoko nagahi manga hiningaka.
ကြော်ငြာတွေ