2 Korintusu 3:11 - Ma Jou ai Demo-demo o Totobelohoka

¹¹ De gea ngone hohioriki abe Ma Jou wohiaturu la ma behehongo ihira-hira gea ka hiado-adonikaua ilaku, masara jai-jai dika. De ngaro ma behehongo gea ko itongohonua masara naga de ma horomatioka. Ho hongoli ma behehongo ma hungi naa ena abe itongohono ka hiado-adonika, abe enangohi gea duru ilamokiye to ena ma horomati!

2 Korintusu 3:11 ပူးပေါင်းရင်းမြစ်များ

2 Korintusu 3:10

De nako hohidotelega ma behehongo hinooto gea, tanu ka idadi hotemo hato ma behehongo ihira-hira ma horomati ko kia-kiaua abe nako de ma behehongo ma hungi ma horomati, angamoi naangohi duru ikurutiyeholi to ena ma horomati.

2 Korintusu 3:12

De mangale ma titi nanga behehongo ma hungi naa duru ikurutiye de abe nanga nganganono enangika duru ko ikelu-kelua, ho ngomi ka idadi duru mitomoroini mia tagongo mihidagi.

2 Korintusu 4:1

De igoungu abe to ngomi mia tagongo la miatobahingahu-ngahu o Abari ma Rorahai o nyawaika, gea ma tagongo abe duru ihohailoa. De ma titi moi dika hiadono Ma Jou womihitagongo gea ngomino, abe ma titi to Una dika ai hininga ma doraka de aino ngomino. De ngaro ma karajaanga ko iuwinua ma titi ma kangela ka ihikaika naga, masara mangale ma titi ma tagongo gea duru ihohailoa ho hiadono ngomi naa ko idadiua mia domoroini ihihanga abe mia tagongika.

Ibarani 8:13

Ho abeika Ma Jou ai demo gea ma goronaka de wofetongo wato naga ai behehongo ma hungi. De gea nako wofetongoka abe ai behehongo ma hungi naga, gea ma titi abe ma behehongo ihira-hiraika o Musa ai Paretaino gea ko ilakuokaua. Angamoi ma behehongo ma hira ena gea duru atimonoka de idadioka hoka ma babiti, ho ko itedekanokaua de ena gea ko iwaka.