2 Korintusu 3:10 - Ma Jou ai Demo-demo o Totobelohoka

¹⁰ De nako hohidotelega ma behehongo hinooto gea, tanu ka idadi hotemo hato ma behehongo ihira-hira ma horomati ko kia-kiaua abe nako de ma behehongo ma hungi ma horomati, angamoi naangohi duru ikurutiyeholi to ena ma horomati.

2 Korintusu 3:10 ပူးပေါင်းရင်းမြစ်များ

Hidingoto 26:13

De, ahi koano, ngade-ngade o wange ikorona de naga o Horogaka de auku ma dararono moi ihitararono ngomiuku abe ngohi de ona mimakiniiki, de ma dararono gea nako hohidotelega de ma wange masara ka nenangohi duru kohadararono.

2 Korintusu 3:11

De gea ngone hohioriki abe Ma Jou wohiaturu la ma behehongo ihira-hira gea ka hiado-adonikaua ilaku, masara jai-jai dika. De ngaro ma behehongo gea ko itongohonua masara naga de ma horomatioka. Ho hongoli ma behehongo ma hungi naa ena abe itongohono ka hiado-adonika, abe enangohi gea duru ilamokiye to ena ma horomati!

2 Korintusu 3:9

Angamoi ma behehongo ihira-hira ka idadi inahitaana ma titi nanga howono hiadono kiani hohonenge, de ngaro hokogea inahohonenge masara enangoo naga de ma horomatioka. Ho hongoli ma behehongo ma hungi duru ka enangohi ikurutiye de duru de ma horomatioka, angamoi ma behehongo ma hungi inahikadame ngone de Ma Jou la Una ka idadi wonadafongo.

2 Peturusu 1:17

Abe gea ngomi wiwimake abe ma oraha nanga Baba Ma Jou wihidoaka Unangika o horomati duru kohaamoko. De genangoka Ma Jou abe duru de ai medebini ma dararonoka Una wotemo wato, “Naa to Ngohi ahi Ngofaka de duru tidora. De Ngohi duru tisanangi Unangika.”