Imaketero hoka o nyawa manga honenge yodengedere o tonakoka hiadono manga badanga ko iwaka, de imaketero hokogea o nyawa hahihihanga o dunia ma lokuino la manga kiahonanga homagora. De ngaro ona ka de manga buturungokahi ma oraha hatoma ma hahidingoto manga honengika dika. Ho niaino homakuduhunu la ngone hatoma-toma dika la onangoo manga wowango ko iwaka iti manga kiahonanga homaleoka!
2 Korintusu 2:7 - Ma Jou ai Demo-demo o Totobelohoka7 De naa adonoka ma oraha la ngini niwiapongo de ka idadi niwilaru unangika, done de ai hininga ma dubuho iwilufungu. Angamoi nako ka ihikaika ai hininga itubuho done ahao duru iwilutu genangoka ho ai hininga ko idadiokaua ilio abe hoka ma dihirali. အခန်းကိုကြည့်ပါ။ |
2 Korintusu 2:7
20 ပူးပေါင်းရင်းမြစ်များ
Ho igoungu abe ngone hokururihi ma titi nanga hijai-jai ma badanga naga de ma kurangoka. Masara ko ma titiua la ngone hoigo hohonenge de hanoaka nanga badanga naa la gea nanga jiwa imatawangeika dika. Masara abe ngone duru hoigo, gea hoigo la wonahinoauku de o Horogaka ma badanga abe duru irahaiholi. Angamoi ma oraha gea de ahao nanga badanga abe ka idadi ihonenge gea ipahaka, de aturuuruoka de ma hungioli gea abe itobawango ka hiado-adonika. De gea ma titi hiadono ngomi mia hininga ko itoakua masara miongano-nganono enangika abe ahao hamake o Horogaka.
De gea igoungu naga o hininga ma huha o fara moi abe Ma Jou ka idadi wapake nanga hiningaka la gea ka idadi ihihofoko o toduba nanga hiningaka. De nanga todubaino gea hiadono hanoa nanga howono de hiniikoli Ma Jouika. De gea ahao nanga gogao ma rorahai ilioli Unangika, ho ngomi ka idadi duru misanangi ma titi o hininga ma toduba gea angamoi ihihofoko ma rorahai o nyawa manga wowangoka. Masara nako o hininga ma huha abe iboa ka o duniaka de aino, gea ko idadiua yaduhunu o nyawa manga howonino, ho o duniaka ma hininga ma huha ihihofoko ka o hone-honenge dika.
Masara koaho ngini nimakao irahai de nia hininga ma mobole, de nia hininga ma dora itagi nia gogianongoruika. De ngaro nia gogianongoru yahowono nginika, ma, gea kiani manga howono nimahikokinginioo nimahikokoofi. Angamoi Ma Jou waofioka ti ngini nia howono Unangika ma titi o Kristusino, ho gea ngini kiani nimaaduru hoka Unangoli la nginioo nia gogianongoru manga howono nginika niaofioka.
De ngaro nia gogianongoru yahowono nginika, ma, kiani ona gea niao irahai dika de ngaro ufa nia hininga kuranga onangika. Hokogenangua, masara nginioka kiani ti ngini mata-mata nia howono nimahikokingini nimahikokoofi. Abe nanga Baluhu idodutu waofioka ti ngini nia howono Unangika, ho ngini kiani nimaaduru hoka Unangoli la nginioo o nyawa utu manga howono nginika niaofioka.
De naa, mia gogianongoru, ngomi duru mioigo la nihioriki abe hokokia ona abe yohone-honengoka nanga gogianongoru. De gea ngomi mioigo la nihioriki angamoi done nia hininga ihuhaholi ma titi abe ona yohihangoka. De gea igoungu nako o nyawa abe ko iwingaku-ngakua, ona gea duru manga hininga ihuha nako hiadono naga manga dutu eko naga womatengoani abe manga dodiawo wohonenge. De gea ma titi ko iwa manga nganganono o wowango ma ngangoika. Masara ngini naa hokogenangua, angamoi ngini duru nihioriki abe nanga gogianongoru o Yesusoka gea naga manga nganganono o wowangoika.
De naa mia gogianongoru, ngomi minihibehehongo nginika, de gea duru minihibehehongo de nanga Baluhu idodutu o Yesusu Kristusu ai romangino miapake. De gea minihibehehongo miato onagona dika nia gogianongoru abe yodebeturu manga karajaangika, ona gea ngini kiani niadokaowaroka angamoi ona manga debeturu ilaku manga wowangoka. De angamoi ona gea yorehenoka mia dodotokino abe nengokadau minidotoko la gea miadofanga nginika.
ကြော်ငြာတွေ