2 Korintusu 2:6 - Ma Jou ai Demo-demo o Totobelohoka

⁶ Ho mangale ma titi una gea ai hininga womangalioka, ngohi tato ma oraha naa de to una gea ai hohowono iwiwedonoka abe wamake ngini niwoe-woeino.

2 Korintusu 2:6 ပူးပေါင်းရင်းမြစ်များ

2 Korintusu 13:10

Ho naa ngohi ko toboauahi nginika de tomahingahuoka ahi hininga ma dola abe ahi hurata naa ma demoino. De hokogea tomahingahu angamoi ngohi tonganono la ahao ma oraha tomahiadono nginika de ngaro ufa de tapake o dodotoko ma dubuho nginika abe ahi kuahaino nanga Baluhu idodutuoka. De ahi kuaha gea nanga Baluhu wohihidoakino de gea ko ma titiua la tinihitubuho hiadono tinihirehene ma hoanika, masara gea wohihidoakino la ka idadi ngohi ahao tinihiputurungoli nia ngongakuika.

2 Korintusu 7:11

De abeika nimafikirohi abe hokokia ma amoko ti ngini nia utumu niamakeoka ma titi nia hininga ma huhaino gea abe Ma Jou ka idadi wapake nia hiningaka. Abe nengokadau ahi hurata ngini niamake de idadioka o hininga ma huha nginioka. De nia hininga ma huha gea ihihofoko o magawe nginioka la duru nioigo niaurusu ma howono gea nia hidogoronaka. De gea niaurusu angamoi duru nioigo la ma howono gea ko iwaka nginioka. De ngini ko nianiikua womatengo gea nginioka abe wahowo-howonoka, masara nianiiki ka ma totiaiika dika. De hongoli niangamo ma howonika gea hiadono niaemono enangika. De ngini nia hiningaka niamao abe ma howono gea duru itubuho hiadono nia hawana ipuda de niato done o hohowono inihidotadaene nginika. De ngini duru inimagawe abe ngini ma hirete niwidotoko una wahowo-howonika ti ngini nia hidogoronaka la ufa ma howono gea igila-gila done imahora o nyawa utuika. De gea nia datorino mata-mata de duru nimahitaana abe ti ngini nia hiningaka de o totiai dika nianiiki ka hiadono ma howono gea nia hidogoronaka ibootoka. Ho abeika nia hininga ma huhaino gea de duru inihiutumu nginika!

1 Timotiusu 5:20

De nako hiadono igoungu o gareja ma hihira gea ka wahowo-howono dika Ma Jouika, gea de ahao kiani o gareja ma nyawa mata-mata manga himangoka de nitaere unangika gea. La gea idadioka o hitiari moi ona mata-mataika la yomodongo hiadono ufa o nyawa utu yomaaduru abe hoka unangoli wahowo-howono hokogea.