2 Korintusu 13:2 - Ma Jou ai Demo-demo o Totobelohoka

² De ma dihiraino abe tinitutumu ma hinooto de gea ngini utu tinihitiarioka la ibootohi nianiiki nia howono gea. De naa ko toboauahi de ma moioli tinihitiari nginika de abe onagona dika genangoka abe ona ka yaniikohi o howono manga wowangoka. De gea tinihitiari tato ahao ma oraha tomahiadono nginika de onagona dika ko yoliouahi o totiai ma ngekomika, ona gea ahao yamake manga dodotoko ngohino.

2 Korintusu 13:2 ပူးပေါင်းရင်းမြစ်များ

1 Korintusu 5:5

de ahao una wahowo-howono gea hitingakoka ti ngini nia doomuino de hihigunoa la una gea ai badanga o Ibilihi ihibinaaha. De hokogea hodiai unangika la hato ai jiwa gea ahao Ma Jou ka wodafongohi abe ma wange nanga Baluhu woboali.

2 Korintusu 1:23

De abe nengokadauino de igoungu naga ahi hidee la tinitutumu, ho naa tinihingahu nginika ma titi o kia idadi ngohino hiadono ko tinitutumua. De naa ngohi tohibehehongo de tafetongo Ma Jou ai romanga abe Una ma hirete wodadi to ngohi ahi hakihii abe ngohi ko tinielukua. Ho ngohi duru tagou-goungu abe ahi demo nginika. Ho naa tomahingahu tato ngohi ko tolioua nginika angamoi tato done ngohi duru tinitaere nginika de o dodaere ma dubuho. Angamoi ngohi tomahioriki abe nako ma oraha gea toboa nginika de ahao duru tinitaere, ho tomaputuhu la ngarouahi toboa tinitutumu ngini o Korintusoka done tinihitubuho nginika. De abe ma titi gea duru ko tinielukua.

2 Korintusu 12:14

De naa abeika nitotoihene ahi demoino naa, angamoi ngohi tomahidiaioka la toboali tinitutumu nginika, abe gea ma hange ibooto tinitutumu. De gea ahao imaketero hoka ma dihiraino, abe ngohi ko tinihitubuhoua ma titi ahi perelu. Angamoi ngohi naa ko nia kiahonangua abe toigo tomale, masara gea ti ngini nia hininga dika tolingiri, la ka idadi tohingodumu nia ngongakuoka. De naa ka idadi o hiketero todiai. Angamoi nako o ngofa-ngofaka de manga dimono, gea onagona koaho ihidailako o wowango ma perelu? De gea ko o ngofakua ihidailako manga dimonika masara koaho o dimono abe yahidailako manga ngofa-ngofakika manga perelu. Ho gea duru itiai abe ngini ahi ngofa-ngofaka ngaro ufa dika de nihihidailako to ngohi ahi perelu.

2 Korintusu 13:10

Ho naa ngohi ko toboauahi nginika de tomahingahuoka ahi hininga ma dola abe ahi hurata naa ma demoino. De hokogea tomahingahu angamoi ngohi tonganono la ahao ma oraha tomahiadono nginika de ngaro ufa de tapake o dodotoko ma dubuho nginika abe ahi kuahaino nanga Baluhu idodutuoka. De ahi kuaha gea nanga Baluhu wohihidoakino de gea ko ma titiua la tinihitubuho hiadono tinihirehene ma hoanika, masara gea wohihidoakino la ka idadi ngohi ahao tinihiputurungoli nia ngongakuika.