2 Korintusu 11:33 - Ma Jou ai Demo-demo o Totobelohoka

³³ Masara ahi dodiawo genangoka ihihuloko la ato tomanoauku o tupa ma amoko ma goronauku. De naga genangoka o doongo moi o kota ma dadaduhu ma poretoka. Ho ngohi tomanoauku de ihihidowora de o tali ka hiadono dau ma tonakuku. De hokogea ngohi ka idadi toara ma hoanika de ona ko ihitaokua! Ho abeika ahi buturungu de ahi domoroini abe ma dihiraino gea talawana ahi musuika, abe ngohi ka idadi toara ahi musuino! Ho genangino de tomahitaana abe ngohi naa ka o bole-bole ma nyawa dika.

2 Korintusu 11:33 ပူးပေါင်းရင်းမြစ်များ

Hidingoto 9:25

Ho o futu moiuku de ai gogianongoru yamuruono naga abe iwingaku-ngaku o Yesusika, ona iwiao o kota ma dadaduhu ma doonga moiika. De yomahiadonika de iwihuloko la womagogono dau o tupa ma amoko moi ma goronauku de ahao iwihidowora de o tali o dadaduhu ma poretuku la ka idadi woara ma hoanika.

Yosua 2:18

abe to ngomi mia duduhunu ma behehongo ngonaika ka idadi, iti ngonaoo nomahitunguu de o bulu ma doka-dokara naa abe minihidoakika. Ho ma oraha ngomi o Isiraele ma nyawa miboa o tonakino naa, de ahao ma bulu ma doka-dokara naa kiani ngona nohilikoika la idideuku ani jendelaino naa. Nako hokogenangua nodiai ani dodunguu de ahao to ngomi mia behehongo ko ilakua ngonaika. De nako ani baba de ngoni meme, de ani ira-iranga de ona utu ani tauoka ko nahingohamua ani tauino naa de gea mia duduhunu ko yadaenua onangika.

1 Samuele 19:12

De ahao muna o futu ma goronaka de o Dautu mihidihiara manga tau ma jendelaino la wouti dau o tau ma poretuku ho hiadono una womadaene woara.