2 Korintusu 11:26 - Ma Jou ai Demo-demo o Totobelohoka

²⁶ De ahi dodagi duru kohangoe abe ngohi totagi-tagi, de genangino ma ngoe o bodito taohana. Abe nako o akeroka gea taohana o nguihi, de nako o dudungoka gea naga yotobaora-ora imigoana la ato imiora. De nagali ma bodito taohana ma titi o nyawaino, abe ngaro to ngohi ma hirete ahi gogianongoru o Yahudi ma nyawaino eko ngaro abe ko o Yahudi ma nyawaua, masara ma bodito taohana. De ngaro o kotaka eko ma homoaka eko o gahioka, ma naga ma bodito mata-mataika abe taohanoka. De ngaro o nyawaino abe ona yomahihawo-hawo de yomahingahu ato ahi gogianongoru o Yesusoka masara gea yoeluku dika, de onangoo manga hidee la ihibodito ngohino.

2 Korintusu 11:26 ပူးပေါင်းရင်းမြစ်များ

Hidingoto 13:45

Masara o Yahudi ma nyawa manga hihira ma kotaka gea ka de yamake manga ngoe-ngoe abe yotoomuino de manga hiningaka aomangoka de o daleana. Ho manga hihira gea yadoa-doana ona yahinootoika, de abe o kia dika yotemo de ma hihira ona yoluku manga demoika hiadono o ribuutu ka ihikaika yotobadiai.

Hidingoto 13:50

Masara o Yahudi ma nyawa manga hihira genangoka ona yahitobahigaro o kota ma nyawa manga ngoe la onangoo yatobalawana o Paulusu de o Baranabasika. Abe ona yahigaro o nau-naurika abe yodadi ma kota gea ma hihira, de nagali yahigaro o ngo-ngofekaika abe manga gogere ikokurutiye o kotaka gea masara tanu yomatobahuba-huba Ma Jouika. De ahao onangoli yahigaro o kokawaaha manga ngoe hiadono o huruhara idadioka abe ona mata-mata yangamo o Paulusu de o Baranabasika de yakiniiki ma kotaka ka hiadono ma hoanika.

Hidingoto 14:19

De ipahainoli de naga o Yahudi ma nyawa yamuruono naga abe yoboa o Antiokia de o Ikoniumu ma kotaino de duru yahigaro ma kokawaaha genangoka la yadohata ona yahinootoika. Ho o nyawa ko manga ngoe yomatoomuino de iwingika o Paulusika de iwihohakaru unangika. De iwihohakaru ipahaino de ahao iwiliara de iwihihupu o kota ma hoanika de iwinoaika genangoka, angamoi ona ato bote una wohonengoka.

Hidingoto 14:5

De ipahainoli de abe ko yasanangiua ona yahidee onangika de o hidee ma dorou. De manga doomuoka naga o Yahudi ma nyawa de abe ko o Yahudi ma nyawaua, de to ona mata-mata manga hihira. Ho ona yahideeoka ona yahinootoika ato yahikokangela de hiadono yahohonenge onangika ma titi yahohakaru.

Hidingoto 15:40

De o Paulusu una wiiriki o Silasa, de ko yosobouahi de ona iwingaku-ngakuoka genangoka yagahoko ma owa Ma Jouino la ona yahinooto manga dodagi ma goronaka de Una watobaduhunu onangika. De yagahoko ipahaino de ahao ona yosobo.

Hidingoto 17:13

Masara ipahaino de ma abari gea imahiadono o Tesalonika ma kotaika ho o Yahudi ma nyawa genangoka yoihene abe o Paulusu naga o Berea ma kotaka de una ka ihikaika wahikodoku Ma Jou ai Demo-demo onangika. De gea yoihenino ho abe yamuruono naga yoboa o Tesalonikaka de aino o Bereaino la ato yahigaro ma nyawa genangoka la iwihikangela o Paulusika.

Hidingoto 17:5

Masara o Yahudi ma nyawa manga hihira genangoka ona yataleana onangika, ho yatoomuino o nyawa ma dorou yamuruono naga o kota ma ngekomo ma date-datekino de yadotoko onangika la o huruhara yodiai ma kotaka. Ho o nyawa ma dorou gea onangoli yatoomuino de yahigaro o nyawa utuika hiadono ko manga ngoe yomakuduhunu yodiai o huruhara genangoka. De manga ngoe gea yangika o Yasono ai tauika angamoi ona ato bote o Paulusu de o Silasa naga ai tauoka gea, de yahideeoka la yataokino ona yahinooto de yaliara o nyawa manga ngoe manga hidogoronaka la yahikangela onangika.

Hidingoto 18:12

De ipahainoli de naga womatengo ai romanga o Galio abe iwigoraka la wodadi o Akaya ma tonaka ma gubernuuru. Abe o Korintusu ma kota gea imanoa o Akaya ma tonakoka. De ma oraha gea naga o Yahudi ma nyawa yamuruono naga yomakuduhunu abe iwihidee o Paulusika la iwitaoko de iwiurusu o Roma ma poparetaka. Ho ona iwitaoko o Paulusu de iwiao ma gubernuuru ai himangoka.

Hidingoto 19:1

De abe ma oraha o Apoloso una nagahi o Korintusu ma kotaka abe o Akaya ma tonakoka de o Paulusu una wotagi-tagi de watilakuru o tona-tonaka ma ngoe hidutu una womahiadono o Efesusu ma kotaika. De genangoka yomakamake una de o gogianongoru o ngongakuoka yamuruono naga.

Hidingoto 19:23

Masara ma oraha gea abe ko wosobouahi de naga o kangela ma amoko idadi abe o Efesusu ma nyawa manga ngoe yalawana Ma Jou ai ngekomika.

Hidingoto 20:19

Abe ngohi tao itiai ahi tagongo nanga Baluhu ai karajaangino, de gea todiai de ahi hininga ma dodipokouku. De naga ma ngoe idadi abe o kangela taohana hiadono ahi koongo itifa, angamoi ma titi o Yahudi ma nyawa manga hidee ma dorou ngohino.

Hidingoto 20:3

De una wogogere o Akaya ma tonakoka ai mede hangeino de ahao womahidiaioka la wolio o Siria ma tonakika. De una ai hininga la o kapa wofarene abe ma dumutu o Siriaika, masara itigioka wosobo de woihenino naga o Yahudi ma nyawa yamuruono naga abe iwihideeoka ato iwitoma. De gea woihenino ho womaputuhu wato wogilio wotowongioli ho waniikoli ai dingii abe watilakuroli o Makedonia ma tonakino.

Hidingoto 23:10

De ahao o Saduki ma nyawa onangoli yomahingahu manga hininga abe ihiboa-boaka manga demo. De hokogea yogila-gila yomakoboaka de manga ilingi ka idogo-dogo ilamokiye. De naga utu o Paulusu ai aridatekoka abe yomaketelitauru o Paulusu aika aino. De ika-ika de ma tentara manga haeke wohawana wato marai ahao o Paulusu ai badanga iwika-kakihoka, ho wahuloko ai tentaraika la iwiao o Paulusu to ona manga hidogoronaino de iwihigilio ma tentara ma ngiika.

Hidingoto 25:3

De ona yogahoko unangika la wihituruuru o Paulusu o Kaisareaka de o Yerusaleemika, angamoi naga manga hidee la ai dodagi ma goronaka de iwingika de iwitoma o Paulusika.

Hidingoto 27:42

De ma tentara ma nyawa ona yamake abe ma kapa ikilianga ho ona yafikiri abe ma nyawa gea yatobagoana onangika marai ahao yokokiloara. Abe ona yafikiri ato done ona utu yomangumo o gahiuku de yotiboko o dowongiha de ahao yoara dika la yomaduhunu manga hohowonino. Masara ma tentara duru yoluku la o howo-howono ma nyawa gea yoara, ho manga hininga ato koaho yatomaka dika.

Roma 15:19

Abe ahi datorino gea naga utu o heheranga de o dodunguu ma ngoe todiaioka la o nyawa yongaku o Abari ma Rorahaiika, masara gea mata-mata Ma Jou o Womaha ai kuahaka de aino hiadono ngohi todiai. Ho o Abari ma Rorahai abe ma titi o Kristusu, gea tahingahu-ngahuoka o nyawa yowoe-woeika abe ngaro o Yerusaleeme ma kotaka de ka hiadono ona abe yogogere o Ilirikumu ma tonakoka abe duru kohagurutika imakitingaka ma tonaka gea. De gea ma titi hiadono ngohi duru togarago abe hokokia Ma Jou wohipakeoka la ka idadi tileleani Unangika.

Roma 8:35

Ho naa done onagona eko done o kia naga abe ka idadi inahikatingaka o Kristusu ai doraka de aino? Moioo de ko iwa! Abe ngaro o kangela naga haohana eko naga nanga hininga ma huha eko ngaro o nyawa inahikangela ngoneino, masara o Kristusu ai dora gea ka itagiohi ka ihikaika ngoneino. De ngaro ngone duru inahafini eko ngaro hohuha hiadono nanga baju ko iwa, masara gea ko idadiua yatoaka o Kristusu ai dora ngoneino. De ngaro o bodito haohana, eko ngaro hiadono inatoma, masara gea mata-mata de duru ko idadiua yakunu yatoaka o Kristusu ai dora angamoi gea ka ihikaika itagi ngoneino.

1 Korintusu 15:30

De abeika ngomioli naa abe o Abari ma Rorahai miatobahingahu-ngahu. Ngomioka naga ma titi moi dika hiadono ka idadi mia wowango ka ihikaika mimahidoaka, de gea mia nganganono o momomikika. Abe nako ko iwa mia nganganono o momomikika, marai ko hokogenangua midiai.

1 Korintusu 15:32

Abe hoka nengokadau nenangoka o Efesusu ma kotaka de naga abe ihilawana ngohi hiadono ngade-ngade tobodito. Ho nako ko iwa nanga nganganono abe ahao homomiki, done ma titi o kia hiadono gea tohimanga de hiadono ngade-ngade tohonenge nenangoka? Abe nako hohihononga hohonenge, koaho haniiki o nyawa abe inahigaro ato, “Abeika ngone holomohi de hokerohi la homahisosanangi dika, angamoi boteua itebini de hohonenge.” De hokogea manga higaro ma demo abe ato inahirehene ma dorouika.

2 Korintusu 11:32

De naa moi tiniade-ade nginika abe ihihitaana to ngohi ahi bole-bole. Abe ma dihiraino ngohi naga o Damasiki ma kotaka, de ma oraha gea manga koano o Aretasa de nagali manga hihira manga tonakoka abe iwihiromanga manga gubernuuru. De ma gubernuuru una gea duru ko wohisanangiua ngohino hiadono wato ihitaoko, ho una wahuloko ai gogoana ma nyawa la ihigoana o kota ma dadaduhu ma ngoranoka. Abe una wato nako ahao ngohi toboa genangino la tato tohupu ma hoanika de ona kiani ihitaoko ma ngoranoka gea.