2 Korintusu 1:2 - Ma Jou ai Demo-demo o Totobelohoka

² Ho ngini mata-mata tinigahoko Ma Jou nanga Baba de o Yesusu Kristusu nanga Baluhiye la ai owa de ai hininga ma miriidi winihidoaka nginika.

2 Korintusu 1:2 ပူးပေါင်းရင်းမြစ်များ

Roma 1:7

Ho igoungu ngini naa Ma Jou duru winidora nginika, de Unangoo winiahoko Unangino, de hiadono nginioo nidadioka to Una ma hirete ai nyawa! Ho naa ahi hurata ma goronaka de ngohi ahi tabea tohidingoto ngini ahi gogianongoru mata-mataika o Roma ma kotaka. De ngini mata-mata tinigahoko Ma Jou nanga Baba de o Yesusu Kristusu nanga Baluhiye la ai owa de ai hininga ma miriidi winihidoaka nginika.

1 Korintusu 1:3

Ho ngini mata-mata tinigahoko Ma Jou nanga Baba de o Yesusu Kristusu nanga Baluhiye la ai owa de ai hininga ma miriidi winihidoaka nginika.

2 Korintusu 1:3

De ngone kiani hihigiriiri nanga Jouika, abe Una gea to nanga Baluhu idodutu o Yesusu Kristusu ai Baba. Ho mangale ma titi gea ho duru itaana abe ngone hihigiriiri Ma Jouika. De Ma Jou Una gea ai dora duru itagi ngoneuku ho o hininga ma dora ma titi naga Unangoka. De Unangoo abe duru wonatobalaru ngoneino ho o lalaru ma titi enangoo naga Unangoka.

Galatia 6:16

De naa ahi demo ma dumutu ka nginikaua dika abe ngini ko o Yahudi ma nyawaikaua, masara naa tinihidumutu nginikaoo abe o Yahudi ma nyawa abe ngini niagou-goungu nidadioka to Ma Jou ai nyawa idodutu. De hokonaa ahi demo. De ngini onagona dika abe nia wowangoka de nianiiki de ahi behehongo gea ma demo nginika, de gea ngini ahao niamake ai hininga ma miriidi de ai hininga ma dora Unangino.

Efesusu 6:23

De naa ngohi tinigahoko Ma Jou nanga Babaika de nanga Baluhu idodutu o Yesusu Kristusika la Una ahao winihidoaka o hininga ma miriidi ngini ahi gogianongoru mata-mataika. De tinigahokoo la ngini nimakodora de niwingaku ka ihikaika Unangika.

Filiipi 1:2

De ngohi naa tinigahoko nanga Baba Ma Jou de nanga Baluhu idodutu o Yesusu Kristusika, la ahao ma owa de o hininga ma miriidi, abe Ma Jouoka de aino, ahao winihidoaka nginika.

Kolose 1:2

Ho imihinooto o hurata naa mihidingoto nginika abe Ma Jou ai nyawaika o Kolose ma kapongoka, abe ngini nimanoa o Kristusoka de ka ihikaika o Yesusu Kristusu ai mau nianiiki. Ngohi naa tinigahoko Ma Jou nanga Babaiye la ai owa de ai hininga ma miriidi winihidoaka nginika.

1 Tesalonika 1:1

Mia gogianongoru o Yesusu Kristusoka abe o Tesalonika ma kotaka nimanoa. Ngomi naa o Paulusu de o Silasa de o Timotiusu. De naa mia hurata mihidingoto abe ngini o Tesalonika ma garejaka. De gea ngini minihiorikoka abe nia gogere naga nanga Baba Ma Jouoka de nanga Baluhu idodutu o Yesusoka, abe Una gea nanga Koano abe Ma Jou wonahibehehongoka. Ho naa ngomi minigahoko nanga Jouiye la ahao ai owa de ai hininga ma miriidi winihidoaka nginika.

2 Tesalonika 1:2

Ho naa ngomi minigahoko nanga Baba Ma Jouiye de nanga Baluhu o Yesusu Kristusiye la ahao ai owa de ai hininga ma miriidi winihidoaka nginika.

Filemono 1:3

De ngohi naa tinigahoko Ma Jou nanga Babaika de o Yesusu Kristusu nanga Baluhikaoo, la ahao Ma Jou ai owa de ai hininga ma miriidi winihidoaka nginika.