2 Korintusu 1:11 - Ma Jou ai Demo-demo o Totobelohoka

¹¹ De abe mia kangela ma goronaka de Ma Jou womiduhunu, tanu nginioo nimiduhunu ma oraha gea, angamoi ngini nimigahoko Unangika ma titi ngomi. De abe ngini ko nia ngoe nimigahoko ma titi ngomi de hiadono Una winipaluhu nia niniata gea de womiduhunu ngomi, gea de ahao o tarimakase ma demo ma ngoe ihidumutu Ma Jouiye. Ho gea ma bahaika de o higiriiri nihiboa Unangika abe ma titi nia tarimakase ma demoino. Ho ahi gogianongoru, ngomi tato koaho ngone mata-mata duru hihigiriiri Ma Jouika ma titi ai lalaru kohaamoko abe wapake ngoneino ma oraha o kangela haohana.

2 Korintusu 1:11 ပူးပေါင်းရင်းမြစ်များ

Hidingoto 12:5

Masara abe ma oraha o Peturusu naga o bui ma tau ma goronaka de ai gogianongoru o gareja ma nyawa ona duru de manga hininga ma gahumu yomaniata de iwigaho-gahoko Ma Jouiye la widuhunu unangika.

2 Korintusu 4:15

De ngomi naa mia kangela de mia bodito ka mimatongohono la genangino de ngini niamake ma utumu. Abe nako ngomi ka miahingahu-ngahuohi ai Abari ma Rorahai hiadono Ma Jou ai hininga ma owa utuohi ihikabarihi o nyawa-nyawaika, gea ahao to ona manga tarimakase Ma Jouika ka idogo-dogo hiadono duru iwihigiriiri Unangika.

2 Korintusu 9:14

De nia gogianongoru o Yerusaleemoka ahao to ona manga hininga ma dora duru ma amoko itagi nginika. Abe ona ahao ininiata Unangika ma titi ngini, angamoi Ma Jou winipake ngini la wahiowa onangika. Abe Una wohira winihidailako nginika de ahao ipahaino de nginioli niadofanga nia gogianongoruika gea la manga perelu niahingodumu. Ho duru igoungu abe manga hininga ma dora nginika gea ihititi Ma Jou ai hidoakoka abe ma dihiraino de winihidoaka nginika.

Filiipi 1:19

angamoi duru tonganono ahao ihihiluasa o bui ma tauino naa, de gea ma titi ti ngini nia niniatino de o duduhunu tamake Ma Jou o Womahoka de aino, abe Una gea o Yesusu Kristusu wonahidoakoka ngoneino.

Kolose 4:3

De nia niniata gea ma goronaka de kiani ngomioo nimigahoko. Nimigahoko la ma ngekomo Ma Jou womihimatoko la hiadono to Una ai Demo-demo miahingahu-ngahu o nyawaika. Abe ngomi mioigo la o Kristusu ai dogogono ma abari abe ma dihira de ka agogonohi masara naa ma duru de Ma Jou wohihimatoko ngohino, ma abari gea mioigo la mihingahu-ngahu. De duru ma abari gea ma titi hiadono ngohi naa ihibuioka.

1 Tesalonika 5:25

Mia gogianongoru, ngomi duru migahoko nginika la niminiata Ma Jouiye.

2 Tesalonika 3:1

De naa, mia gogianongoru, nagahi utu ma titi minihingahu de migahoko nginika. De ngomi migahoko nginika la niminiata ngomi nenangoka. De gea nia niniata ma goronaka de nimigahoko la nanga Baluhu idodutu ai ade-ade itaiti imahora-hora o nyawa utu manga ngoe-ngoeika abe ma titi to ngomi naa mia uruino. De gea hiadono onangoo ai ade-ade yodafongo de yohoromati enangika abe imaketero hoka ma dihira nginioli niodafongo de niohoromati ai ade-adeika gea.

Filemono 1:22

De naa moioli ahi gogahoko, la ngona ani kamar moi ani tauoka nohihidiaiokau. Angamoi ngohi tonganono ahao ihihiluasa la ka idadi tolio ngonaika, de gea ma titi ti ngini nia niniatino.

Ibarani 13:18

De naa ngohi togahoko la ngini ka ihikaika niminiata ngomi nenangoka. De ngomi naa mimatailakoka mia hininga de ka idadi mimahingahu abe gea ko imakalawanua de Ma Jou ai mau masara imakiniiki dika to ngomi mia hininga de to Unangoli ai hininga. Angamoi to ngomi mia hininga ma dumutu la ngaro o kia dika naga miato midiai, masara duru mioigo la mia datoro gea itaana de ma rorahai dika. Ho gea togahoko la ngini niminiata la hokogea idadi to ngomi mia wowango ma goronaka.