2 Kokoano 6:7 - Ma Jou ai Demo-demo o Totobelohoka

⁷ De o Elisa witemo ai dodiawoika, wato, “De ma bahuku gea noiki nagoraka dika.” Ho una o nauru wodobongika ma bahuku wagoraka.

2 Kokoano 6:7 ပူးပေါင်းရင်းမြစ်များ

2 Kokoano 4:36

De ahao o Elisa o Gehasi wiahokino de wihuloko, wato, “Ngoi meme nomiahokino.” Ho ka de muna moboa de munangika wotemo wato, “Naa ani ngofaka ho ngona ka nile dika.”

2 Kokoano 4:7

De ahao muna de ami garago mihingahu Ma Jou ai uru ma dodofanga, o Elisaika, abe mata-mata idadioka, de una womihibehehongo, wato, “Naa o saitunu ma minya gea duru to ngona dika ho ka idadi nafukunu de napake ani tiwi genangino la nofangu ani nagimi. De ngaro hokogea nofukunu masara nagahi ani saitunu ma minya ma hou ma amokohi la genangino ngona napake abe ngona de ani ngofa-ngofaka ka idadi nimahidailako ti ngini nia perelu.” Hokogea o Elisa womiduhunu de o heheranga.

2 Kokoano 6:6

De Ma Jou ai uru ma dodofanga, o Elisa gea, wileha unangika, wato, “Ahi dodiawo, ka idadi nohihidumutu abe o kiauku itubuku?” Hokogea wileha de una wihidumutu abe o kiauku itubuku. De ahao o Elisa o gota ma jaga moi ma eteteke waotoino de o gota ma jaga ma dobiki waumo o bahuku ma dingiiuku. Ka de o gota ma dobiki gea waumo de itubuku ma bahuku ma dingiiuku ma akeruku de ka itodokanino de ma bahuku daukiye ipuda! De duru o akere ma lokuoka dika ipudaiye o bahuku o behino gea abe ko ilutuokaua.

2 Kokoano 6:8

De ma moiuku o koano o Arama ma tonakoka waparangi o Isiraele ma nyawaika. De to una ai parangi ma hiaturu kiani yomakoketemohi de una abe o koano ai tentara manga hidimono. De ahao manga koano womaputuhu manga ngi o Isiraele ma tonaka ma batingoka abe genangoka yomatoomuino de yomahidiai yangohama de yaparangi o Isiraele ma nyawaika. De yoigo la ufa manga hidee gea o nyawa utu ihioriki.

Huhupu 4:4

De Ma Jou o Yawe witemo wato, “Ufa noara, masara ma bikinika naso.” Ho o Musa wogilio ma dodihaika de wataoko ma bikinika de idadiokali hoka ma dodihirali ai tutukunu ai giamoka.

Lukasa 7:15

De hokogea dika de una wohone-honenge womomiki ai honengino de wogogeruku ma momokuoka de womulaenge wotemo-temo onangika. De ahao o Yesusu womitemo ngoi memeika wato, “Ani ngofaka naa wowangokali ho tihigilio ngonaika.”

Hidingoto 9:41

De ahao una womiso ami giama de womihimotekiye la ka idadi momaokoiye. De momaokoino de ahao una wahokino o ngo-ngofeka yofao-fao gea de abe utu iwingaku-ngaku mata-mataika de wahimatoko o ngo Tabita onangika la ka idadi ihioriki abe muna ka mowangokali.