2 Kokoano 6:5 - Ma Jou ai Demo-demo o Totobelohoka

⁵ Ka de womatengo o gota wotolanga de ai bahuku ihokana ho itubuku doka ma akerika abe genangoka hatoli ma akere ilukuku. De una waamokiye wohidaere, wato, “Adoo, ahi baluhu, gea abe ma bahuku gea tomabauino ho gea ko to ngohiua!” Hokogea ai hininga ma huha wihingahu o Elisaika.

2 Kokoano 6:5 ပူးပေါင်းရင်းမြစ်များ

2 Kokoano 3:10

De o Isiraele manga koano o Yorama wamake hokogea de una wotariana wato, “Ho ngone naa done sarakia? Angamoi Ma Jou o Yawe bote wohiaturoka la wonahidoaka ngone naa to nanga musu o Moaba ma nyawa manga giama ma hoatika!”

2 Kokoano 4:7

De ahao muna de ami garago mihingahu Ma Jou ai uru ma dodofanga, o Elisaika, abe mata-mata idadioka, de una womihibehehongo, wato, “Naa o saitunu ma minya gea duru to ngona dika ho ka idadi nafukunu de napake ani tiwi genangino la nofangu ani nagimi. De ngaro hokogea nofukunu masara nagahi ani saitunu ma minya ma hou ma amokohi la genangino ngona napake abe ngona de ani ngofa-ngofaka ka idadi nimahidailako ti ngini nia perelu.” Hokogea o Elisa womiduhunu de o heheranga.

2 Kokoano 6:15

Ho duru o ngoru-ngorumino abe itawange itiai de o Elisa ai duduhunu womomiki de wamake hokogea manga musu yahigilolitoka abe de manga tentara duru de manga buturungoka angamoi manga goroba parangi de manga kuda ma ngoe, ho duru wohawanoka. De wolio wihingahu o Elisaika wato, “Ahi baluhu, abeika manga hidee naa ho done sarakia homaduhunu?”

2 Kokoano 6:4

Ho ona yomakiniiki yoiki o Yorodani ma akere ma ngigorika de yomulaenge o gota ma bululunu yotolanga la idadi manga tau ma kiahonanga.

2 Kokoano 6:6

De Ma Jou ai uru ma dodofanga, o Elisa gea, wileha unangika, wato, “Ahi dodiawo, ka idadi nohihidumutu abe o kiauku itubuku?” Hokogea wileha de una wihidumutu abe o kiauku itubuku. De ahao o Elisa o gota ma jaga moi ma eteteke waotoino de o gota ma jaga ma dobiki waumo o bahuku ma dingiiuku. Ka de o gota ma dobiki gea waumo de itubuku ma bahuku ma dingiiuku ma akeruku de ka itodokanino de ma bahuku daukiye ipuda! De duru o akere ma lokuoka dika ipudaiye o bahuku o behino gea abe ko ilutuokaua.

Higiriiri 37:21

De ona yotobadiai itotorou duru yoigo o tiwi de o kiahonanga yomabau, Masara yokangela ena gea abe yomabauino ahao yaturuuru. Imakohowono de ona abe manga hininga ma dumutu la iwihisanangi Ma Jou, Ona yotobaduhunu o nyawaika de manga tiwi de manga kiahonanga.

Himatoko 18:10

Ho o dunia ma kokoano gea ahao yomaokoino abe manga gurutika de yolega-lega dika o Babele ma kotaika angamoi ona yohawanoka ato done onangoo yahidotadaene o Babele ma nyawa manga hohowono gea. De ona ato, “Adoo, adoo! O Babele ma kota gea ma dihiraino de duru ma romanga ma amoko de duru de ma kuahaka. Masara naa hoka o lakodawi moi ma hiapoto de to ona manga hohowono amakeokau.” Hokogea manga demo abe yopoa-poaka.

Himatoko 18:16

Adoo! Abeika nia hininga ma huha abe ngini o Babele ma kotaka nimanoa angamoi naa ihihangoka! Ma dihiraino de nia romanga duru ilamoko o duniaka, de ngini biaha nimahinoauku de o baju abe o lawe ma alu-aluhino yodiai de o baju ma wuu-wuu de ma doka-dokara, de naga nimahinoa de o gurasi de o hakaru ma leto-letongo de o biagaro ma hakaru duru ma hali-hali ho nia rupa duru nirorahai dika!