2 Kokoano 6:25 - Ma Jou ai Demo-demo o Totobelohoka

²⁵ Ho ko itedekanuahi de ona abe doka o kota ma goronaka duru yohafini angamoi manga inomo biaha yamataka. De ika-ika de ahao ona yolomo o inomo o fara moi. De gea ma inomo ma ija duru idogo ihali hiadono yofukunu o keledai ma aewani ma pea de to ena ma ija o haaka ise-senge moritufange. De ngaro o kumu-kumu ma ioko masara to ena gea ma ija o haaka ise-senge motoa la homaija abe ma duduga o mangko ma eteteke moi dika.

2 Kokoano 6:25 ပူးပေါင်းရင်းမြစ်များ

Dodadi 41:55

De angamoi naa manga tonaka ma hasili ko iwa ho o hafini gea kohagiria hiadono o Mesiiroka ma kokawaaha manga koanoika yomagahoko o inomo. De ahao o Firaunu wahingahu onangika wato, “Ngini niloiki dika o Yusupika de o kia dika winihiaturu gea kiani nidiai.” Hokogea o Firaunu wahuloko.

1 Kokoano 18:2

Ho o Elia wosobo wato witutumu o Ahabika la womahimatoko unangika. De ma oraha gea o hafini duru kohagiria o Samaria ma tonakoka mangale ma titi o hiwara o taongo hangeino ma dekana.

2 Kokoano 25:3

Ho o taongo hinooto ipahaika ka hiadono adaene o mede ma iatuku de ma wange hiwouku de manga inomo o Yerusaleeme ma kota ma goronaka duru ko iwaka hiadono o nyawa yohonenge ma titi o hafini.

2 Kokoano 6:26

De ahao o wange moiuku de o Isiraele manga koano naga wotagi-tagi o kota ma dadaduhu ma lokuino. De wotagi-tagi ai gogiriaka de naga momatengo miahoko unangika mato, “Ahi baluhu o koano, ngohi naa duru tomagahoko la ngona nohiduhunu!”

2 Kokoano 7:4

Masara ngone o kiaikahi homalingiri nanga inomo? Angamoi nako hoka howohama ma kota ma goronaika ahao hohonenge dika ma titi onangoo doka ko iwaka manga inomo. Masara nako ngone ka homagoo-gogerohi naangoka dika ahao nanga baha imakadaene dika. Ho abeika hoiki o Siria manga tentara manga doomuika de homagahoko o inomo onangika. De gea homahiadono onangika de marai inatoma dika, masara gea ko adodoaua angamoi nanga baha itigioka naa. Ho marai ona inalega de manga hininga ma hiokoo de ka idadi inaduhunu la ufa hohonenge!” Hokogea ona yaruata yomahikagaro.