2 Kokoano 5:21 - Ma Jou ai Demo-demo o Totobelohoka

²¹ Ho o Gehasi womatemo ipahaino de ahao wosobo wihidoduruino o Naamana ai poretino de womapopaata hiadono widaene. De ma oraha o Naamana wimake o Gehasi womapopaatino de wahuloko la ai goroba imatogumukuohi o ngekomo ma goronaka. Imatogumoka de o Naamana woutiohi la ka idadi yomakoketemo. De wileha o Gehasika wato, “Sarakia? Marai naga ani perelu ngohino?”

2 Kokoano 5:21 ပူးပေါင်းရင်းမြစ်များ

2 Kokoano 4:26

De muna mihingahu mato, “Iya, mata-mata ngomioka irahai dika.”

2 Kokoano 5:20

De o Naamana de ai nyawa yosoboka masara ko yokurutikauahi de o Elisa ai duduhunu o Gehasi una womatemo ai hiningaka wato, “Kangano ahi baluhu o Elisa koaho wodafongo dika o Arama ma nyawa gea ai hidoaka / hadia. Masara ngohi naa ahi hininga imakohowono. Ho ngohi ahi demoino de duru tagou-goungu tato tihidoduru unangika la ka idadi mimakoketemo. De gea tomahikoboto de tofetongo Ma Jou ai romanga, ho naa bootino tagou-goungu titemo unangika gea la ka idadi tomamake ai hidoaka moi unangoka.”

2 Kokoano 5:22

De o Gehasi wipaluhu wato, “Koua. Masara ahi baluhu wohihidingotino la tonihingahu abe naga o goduuru yahinooto ahao kangano yomahiadono o Efaraimi ma loku-lokuoka de yaino. De ona yahinooto gea marai Ma Jou ai uru ma dodofanga. Ho ahi baluhu womagahoko ngonaika la nako ka idadi ngona naduhunu ona yahinootoika. Angamoi ahi baluhu o Elisa ai hininga la wahidoaka onangika manga baju ma doduruuru de o haaka o kilo moruange de motoa. Hokogea ahi baluhu ai gogahoko ma demo ngonaika.”

Hidingoto 8:31

De una wipaluhu wato, “Marai ko idadiua, angamoi done sarakia tataoko ma titi nako ko iwa abe ihihitararono ngohino?” De wopaluhu ibooto de duru womagahoko o duduhunu o Filipusino ho wato, “Abeika ngona nofareniye naangiye la nogogeruku ahi datekoka naa de nohiduhunu!” Ho o Filipusu wodoaiye.